ذائقه من روائع المحيط الهادي (ابن فطيس)

طي
X
 
  • التوقيت
  • إظهار
مسح الكل
المشاركات الجديدة
  • ابو محمد الدعجاني
    عضو مميـــز
    • Aug 2008
    • 3759

    #1

    ذائقه من روائع المحيط الهادي (ابن فطيس)

    السلام عليكم ورحمة الله وبركاته


    الحب .

    كل انسان ترجم الحب بفلسفته الخاصه واجاد بها .

    وهذه ترجمه بفلسفة الشاعر محمد ابن فطيس اعجبتني ونقلتها لكم



    ماهوب كفو الوقت حبك يمحّيه
    ياللي تخاف صروف الايام تمحاه


    ارتاح دام ان المواصل يقويه
    انت . انت وانا . انا وقلبي هو إياه

    حتى ولو بتغيب ذكراك تكفيه
    ياواحدٍ تكفي عن الناس ذكراه

    حُبك على رملة خفوقي مواطيه
    ورياح عذلي عَنك ماتمسح خطاه

    واللي يعذل القلب عن درب غاليه
    ( يالله عسى اللي يبلا المواليف يبلاه )

    اخفيه يابلفيت والحال يبديه
    ادناة واحد ينظر الحال يقراه

    اخفيه فيه ومعتنيٍ به وحاميه
    عن كل عينٍ ودها تنزل حماه

    قلبٍ يحبك والهوى الذرب ماليِه
    كانك مكذبني بعينك تحلاه

    شرط . ان تشوفك فيه منت بحواليه
    ويمكن تشوف ديار واماكن رعاه


    وشوف به تمثال والوقت هاريه
    وبتشوف زرعٍ ميتٍ واقفٍ ماه


    وبتشوف جرحٍ فيه سكين راعيه
    راح ونسى السكين والجرح ينخاه

    وبتشوف حصنٍ عجّ الاقدار سافيّه
    وبتشوف باقي بيت . راعيه خلاه

    لاتنزعج . هذا خفوقي وباقيه
    ولاتضايق من تصّدع زواياه


    قَد زلزله فرقا وهزة عراويه
    والله ستر والحظ عانه وعافاه

    كانه صلح لك واعجبك . زيد تبينه
    ابنه وجهزّ للمقابيل مبناه

    ابغيك بس من المفارق تداريه
    وازهل من ايداري شعورك ويدراه

    وحلل وحرّم فيه . ياأبرك بلاويه
    وحله وراع ارضاي ورضاك وارضاه

    جعلك بعد بعض الوجيه . امحق وجيه
    ناسٍ مراتعها الرفيق بتقفاه

    انواع . واخطر نوع مانيب ناسيه
    نوعٍ على تفريق الاثنين مسعاه

    تلقاه دوم . وكل يومٍ تلاقيه
    واذا بغيت الصدق ماعاد تلاقه

    وإلا انت . ردك كُل مادعيك لبيه
    انشهدٍ منتوا بفي عيني اشباه

    منت بمعى العالم . ولا تقولي ليه
    انت ادرى مني وفي جوابي وفي احواه

    كذيه ومن الله يازين وإليه
    واغلى طروش القلب ودواه من داه

    الحلم ياتيني بزولك واراعيه
    وفي كل حلم اقوم قبل اتحفاه


    واعشق سميك في البزارين وادعيه
    واقبل خطاه الا اخطى واتلقاه


    واسمك يروعني اذا مرّ طاريه
    واحب ملقوفٍ يسولف وطراه

    وامرّ بيتك من بعيدٍ ولا اجيه
    وانا لو انه في يدي ماتعداه


    حتى تواير موتري تلتفت فيه
    تبغي تلفّ ويستحي العقل والجاه


    وصلك يخيط الصدر والبعد يفريه
    ويابري حالي كان صديت برياه


    ويلي على ادري حبنا ويش تاليه
    وويلي على ادري وش ورى الغيب ويلاه


    عشان اشوف اذا محبتك ترفيه
    والله لاقفي عنك . استغفر الله
  • نواف 2006
    موقوف لمخالفة الأنظمة
    • Dec 2008
    • 754

    #2
    [align=center]
    قلب يحبك والهوى الذرب ماليه

    كانك مكذبني بعينك تحـلاه

    الله يا ابن غزاي

    ابيات رائعه كروعة كاتبها

    وناقلها

    لا هنت اخوي ابن غزاي

    تحيتي لك .[/align]

    تعليق

    • ابو محمد الدعجاني
      عضو مميـــز
      • Aug 2008
      • 3759

      #3
      شاكر مرورك يالغالي

      تعليق

      • أبونواف

        رابطة محبي الهيلا

        • Nov 2008
        • 2163

        #4
        [align=center]صح لسان شاعرها
        مشكور بن غزاي على النقل ..[/align]

        تعليق

        • (فهد العضياني)
          عضو
          • Nov 2008
          • 26

          #5
          صح لسان شاعرها وسلمت يمينك على النقل الطيب

          تعليق

          • ابو محمد الدعجاني
            عضو مميـــز
            • Aug 2008
            • 3759

            #6
            شاكر مرورك اخوي ابو نواف

            تعليق

            • ابو محمد الدعجاني
              عضو مميـــز
              • Aug 2008
              • 3759

              #7
              شاكر مرورك اخوي فهد

              تعليق

              • محمد الذيابـــي

                مشرف منتدى قصائد الاعضاء

                • Mar 2011
                • 12133

                #8
                ..

                نقل راااائع..



                لا هنت...
                التوقيع

                محمد الذيابـــي

                تعليق

                • عزارم

                  رابطة محبي الهيلا

                  • Dec 2010
                  • 2691

                  #9
                  صح لسانك وشكر لك ياطيب

                  تعليق

                  العمل...