قصيدة الأمير الشيخ عبد المحسن التوم في سفره للندن

طي
X
 
  • التوقيت
  • إظهار
مسح الكل
المشاركات الجديدة
  • فرهــودي
    عضو فضي
    • Nov 2002
    • 231

    #1

    قصيدة الأمير الشيخ عبد المحسن التوم في سفره للندن

    هذه قصيدة للأمير عبدالمحسن ابن غازي بن سهل التوم شيخ فخذ الحفاة من عتيبة:

    قصيدة رائعة جدا ..قالها وهو في لندن عندما ذهب الى هناك للعلاج فاليكم هذه القصيدة:



    بسم الاله الواحد الفرد الصمد== أرفع يداي بخلوتي وادعيه
    أدعيه باسماه العظام وقدرته== ماخاب عبدن في الدجا يدعيه
    أرجيه يشفيني ويحفظ غربتي== ماعاد ابا لندن وطاريه
    هذا اسبوع ماسمعت المذن== ولا شفت ولامسجد يصلى فيه
    هذي بلادن كلها ملعونه= =يكود ذكر الله ومواليه
    ياعزتي للي سكنها مسلم= =الفرض عند عياله يصليه
    ماقط يسمع للصلاة منادي== ولا قال صلو نايبن يوحيه
    يالله تعصمني وتحفظ ديني == ياخالق عبده وواليه
    وتردنا لبلاد عشنا فيها= =على شرفنا وديننا نحميه
    واليا وصلناها نشوف عيالنا == وراع الرجاء يستر مع راجيه
    نشوف جارن حافظين حقوقه= =ورفيقنا اللي ون زعلن نرضيه
    وقبيلة تفخر ليا شفناها = = عتيبه اللي مجده تبنيه
    قبيلتن لوجيت أعد فعولها== أمجادها الأقلام ماتحصيه
    ياسع والله حظ منهم ربعه= = لياجا نهار ابليس ومناديه
    ليا جا نهارن راكبن شيطانه= = هم أول البيرق وهم تاليه
    ليا من شيخ القوم قال : عتيبه== والتم جمعه ثم حدى حاديه
    في راي أخو نوره ملكنا خالد== برواحنا عند اللقاء نفديه
    الله يجمع شملهم بالطاعه== وتنفيذ حكم شرع الله في مخطيه
    ومني صلاة الله مع تسليمه== على النبي ماحل به طاريه



    وللمعلوميه قال الأمير هذه القصيده في يوم السبت تاريخ 12 رجب عام 1400


    وتقبلوا تحياتي،،
    نسيم الليل
  • ابن عاصم
    عضو ادارة سابق
    • Nov 2002
    • 415

    #2
    الله يرحمه ويسكنه فسيح جناته

    الامير عبدالمحسن التوم الله يرحمه معروف بفصاحة اللسان وقوة الحجه وسرعة البديهه.


    تسلم يمينك يانسيم الليل

    قصيده رائعه وانتقاء جميل

    تعليق

    • فرهــودي
      عضو فضي
      • Nov 2002
      • 231

      #3
      ابن عاصم

      الله يسلمك..
      وشكرا لتواصلك والقادم احلى ان شاء الله..

      تقبل تحياتي،،
      نسيم الليل

      تعليق

      • راعي الابل
        عضو نشيط
        • Dec 2002
        • 83

        #4
        نسيم الليل

        تسلم يمينك
        قصيده رائعه من رائع

        ورحم الله الشيخ عبدالمحسن

        تعليق

        • فرهــودي
          عضو فضي
          • Nov 2002
          • 231

          #5
          راعي الابل:
          الله يسلمك .. يعجبني فيك تواصلك..
          الله لايحرمنا هالتواصل

          تقبل تحياتي،،
          نسيم الليل

          تعليق

          العمل...