يا روحي اللي عن الهفوات مانعهـا=لو كان من صوبها يحداني الحـادي (مصلح عياد الشلوي)

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    يا روحي اللي عن الهفوات مانعهـا=لو كان من صوبها يحداني الحـادي (مصلح عياد الشلوي)

    الشاعر الكبير/

    [align=center][align=center]مصلح بن عياد الشلوي[/align][/align]

    [align=center]تجد في قصيده الحكمة والنصح والمرجلة فكل قصيدة من قصائده تعتبر منهج دراسي متكامل للرجولة الحقيقية فنترككم مع هذه القصيدة لابن عياد:[/align]

    [poem=font="simplified arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    يا روحي اللي عن الهفوات مانعهـا=لو كان من صوبها يحداني الحـادي
    هي ودها تمشي بدربٍ مـا ياسعهـا=وأنـا مـاودي بـدربٍ فيـه نقـادي
    أجاهد النفس ليـن تصـد وأقنعهـا=عن زاد ماهـو بقـدر لـي ولازادي
    مطاعـة الله فـي دربـي تطوعهـا=اليا هدى الله روحي صحصح فـؤادي
    روحي على اللي خلق روحي مودعها=عسى وأنا أبو فهد يهدينـي الهـادي
    يازين صوت المؤذن يـوم ينشعهـا=اللـي يكبـر بآيـات الله ويـنـادي
    الله أكبـر علـى الأفـاق ماأوسعهـا=الخير والشر فيهـا صـار متـلادي
    المؤمن اللـي يفكـر فـي موادعهـا=عنده يقين إن بعد الـزرع حصـادي
    والجاهـل اللـي يباريهـا ويذرعهـا=يرصد لها في خلايا مخـه أرصـادي
    ماهمـه إلا مـن الأمـوال يجمعهـا=ويعانق الطايـرات وجوهـا الهـادي
    من طاوع النفس قامت به على أربعها=وأومت به وماي لين يحـدر الـوادي
    إليا انحدر حولت به فـي مصانعهـا=مصانع الـذل والخبيـة والأنكـادي
    أمسى مع البوم وأصبح في مواقعهـا=تحول الصقر بـوم وصـار ينقـادي
    ياصقر عود بروح الصقـر وأرفعهـا=العار والـذل مالـك فيـه مقعـادي
    الروس ماعابـت الإ مـن تصدعهـا=خيب رجاها السموم وسـم الأكبـادي
    اللي من الغـرب وزعهـا موزعهـا=وعربيا تشتريهـا كـاش وأقصـادي
    القبح في وجهـه شاريهـا وبايعهـا=قطاعـة الديـن لا قـوة واعـتـادي
    الله وأنـا مصلـح العيـاد يقطعهـا=قطع الرشا فـي قليـب جـاه ورادي
    النفس تبغـا لهـا رجـل يصارعهـا=رجال ماهـو قليـل ديـن وربـادي
    تـرى الرياجيـل معروفـه طبايعهـا=صدق ونزاهة وديـن وزاد وزنـادي
    غض النظر واقصر الخطوة وسنعهـا=احفر بها حفـرة الميـت والإلحـادي
    ادخل بهـا منـزل الميـت وسمعهـا=صياح الأحفـاد والزوجـة والأولادي
    اخذ الجنازة علـى متنـك وشرعهـا=بالقطن والشاش والكافـور والكـادي
    اربـط كفنهـا وجودهـا وشيعـهـا=على النعش لين تاصل بيتها العـادي
    اليا طويت اللحـد مندونهـا دعهـا=اسحب عليها تراب القبر من غـادي
    رح للعنايـة وعايـن فـي ودايعهـا=جسم بلا روح وأرواح بلا أجسـادي
    تعيـن الأجهـزة واسمـع لعالعهـا=لاتنشـد أحـدٍ ولا ينشـدك نشـادي
    حتاك تروي خـدودك مـن مدامعهـا=تشوف ماشاف غيرك يابن الأجـوادي
    ورح للمساجين وانشدها وش أودعها=في منـزلٍ ماتهنـت فيـه مرقـادي
    السجن ضيقبهـا والقيـد موجعهـا=سد الحراسات من ضبـاط وأفـرادي
    رح للفقراء وعاين فـي مضاجعهـا=وأعلم ترى الخافيات أدهى من البادي
    العسر خلى الرجال تعـض أصابعهـا=ياما كسر من مقام وكسـر أوتـادي
    مايطعـم المـرة إلا مـن تجرعهـا=انشد مجرب يجيـك بعلـم الأوكـادي
    الطيبة في المكـان الطيـب ازرعهـا=انفق من المال لاتطغيـك الاعـدادي
    ابعد عن الشـر والفتنـة ومولعهـا=النار تمسي شرار وتصبـح رمـادي
    ارفق على النفس واحذر من تراجعها=خلك مجاهد جهـادٍ صـدق ومفـادي
    على الهوى واصل الرحلـة وتابعهـا=ارجع كمـا كنـت ماعنهـا تلـدلادي
    أصل المحـلات الأربـع لاتقاطعهـا=حتى لو صدفةٍ مـن غيـر ميعـادي
    ميصالـك إلهـا يذكـرك بمنافعـهـا=فزعـة وجزعـة وتذكيـر وتعبـادي
    ترى الوداعة بترجع عنـد مودعهـا=والصفحة تبيـن الممتـاز والعـادي
    لابد مـن يـوم ينزعهـا منازعهـا=تـدور اللـي يذكرهـا التشـهـادي
    مهما تطول العمار اللحـد مرجعهـا=رعيان الأدباش وإلا ملوك وأسيادي[/poem]
  • متعب العصيمي
    مشرف سابق
    • Aug 2006
    • 4855

    #2
    كل بيت أفخم واقو من اللي بعده

    صح لسان الشاعر / مصلح بن عياد الشلوي

    وسلمت يمينك يافيصل

    تعليق

    • خالد نوار العتيبي
      عضو ماسي
      • Feb 2009
      • 751

      #3
      قصيده جزله


      صح لسان بن عباد شاعر كبير



      سلمت يمينكـ

      يافيصل المسعودي وبيض الله وجهكـ


      تحياتي لكـ

      تعليق

      • أبونواف

        رابطة محبي الهيلا

        • Nov 2008
        • 2163

        #4
        [align=center]يازين صوت الموذن يوم ينشعها
        قصيدة في غاية الروعه صح لسان الشاعر مصلح بن عياد الشلوي
        ولاهنت أخوي على النقل .[/align]

        تعليق

        • فيصل المسعودي
          مشرف عام
          • May 2005
          • 8296

          #5
          تم النشر في الأصل بواسطة متعب العصيمي عرض المشاركة
          كل بيت أفخم واقو من اللي بعده

          صح لسان الشاعر / مصلح بن عياد الشلوي

          وسلمت يمينك يافيصل
          [align=center]هلا متعب


          شرفتنا بمرورك وردك الطيب ياغالي


          تحياتي[/align]

          تعليق

          • فيصل المسعودي
            مشرف عام
            • May 2005
            • 8296

            #6
            تم النشر في الأصل بواسطة خالد نوار العتيبي عرض المشاركة
            قصيده جزله


            صح لسان بن عباد شاعر كبير



            سلمت يمينكـ

            يافيصل المسعودي وبيض الله وجهكـ


            تحياتي لكـ
            [align=center]ووجهك أبيض ياغالي

            الجزالة تكمن في مرورك وردك الطيب

            شكراً لك

            تحياتي[/align]

            تعليق

            • فيصل المسعودي
              مشرف عام
              • May 2005
              • 8296

              #7
              تم النشر في الأصل بواسطة أبونواف عرض المشاركة
              [align=center]يازين صوت الموذن يوم ينشعها
              قصيدة في غاية الروعه صح لسان الشاعر مصلح بن عياد الشلوي
              ولاهنت أخوي على النقل .[/align]
              [align=center]فعلاً

              يازين صوت الموذن يوم ينشعها


              شكراً لمرورك وردك الرائع ياغالي

              تحياتي[/align]

              تعليق

              العمل...