وصية فيصل الرياحي,,,

طي
X
 
  • التوقيت
  • إظهار
مسح الكل
المشاركات الجديدة
  • ابن صنهوت

    رابطة محبي الهيلا

    • May 2008
    • 1734

    #1

    وصية فيصل الرياحي,,,

    [align=center]بسم الله الرحمن الرحيم

    اخواني اعضاء المنتدى الزوار الكرام رحل بالامس القريب شاعر دمعة لفقده العيون وحزنت له القلوب شاعر غني عن التعريف
    شاعر اتصف بالاخلاق والرجوله والمروه والشهامه والكرم ووووو.....
    رحل فيصل بن منصور الرياحي ولكن لايزال معنا ولو غاب عن العيون مازالت تحتضنه القلوب .
    رحل وترك لنا ارثا من الحكم والنصح والادب
    فاليوم اضع بين ايديكم دره من درر هذا الرجل العملاق اتمنى ان تحوز على اعجابكم وان تستفيدون مم تحويه من الحكم والنصح[/align]


    [poem=font="simplified arabic,7,black,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    يابدر خذ وصيه واعتبرها وديعه=
    الله اعلم متى يابوك يوم الوداعي=
    يجري العمر والايام تجري سريعه=
    سرها قبل رمي اسهومها مايذاعي=
    يابدر نحمد الله ماعلينا هزيعه=
    رغم بعض العواصف رافعين الشراعي=
    نطلب الله يوفقنا دروب الشريعه=
    ما ندور على دروب الغوى والضياعي=
    ونطلب الله يجنبنا الامور الشنيعه=
    لاتعاوى علينا ضاريات السباعي=
    يابدر ماجنيتك من بيوت الدنيعه=
    النفوس الضعيفه والقلوب الوجاعي=
    يابدر مركزك بين الحصون المنيعه=
    اخذ منا ومن جدك حميد المساعي=
    يابدر من يحاول هزعتك لاتطيعه=
    الجبال الشوامخ ترفض الانهزاعي=
    ومن قطع رفقتك قله يامال القطيعه=
    يارفيق المذله مال رفقتك داعي=
    وكان بعض الرفاقه جاك منهم وجيعه=
    قد يكون الفراق افضل من الاجتماعي=
    لاترافق خبيثين النبا والطبيعه=
    سقط ناس سوالفهم تجيب الصداعي=
    يلبسون اقنعه فوق الوجيه الوضيعه=
    وعن وجيه الردا لا زام يطيح القناعي=
    واجد الطيبين ولا تضيق الوسيعه=
    دور اهل الوفا واهل الصدور الوساعي=
    والصديق الصدوق المحترم لا تبيعه=
    احتفض به وخلك للمواثيق راعي=
    واحذر الضحكه الصفرا من اهل الخديعه=
    حلل افكارهم في مختبر فكر واعي=
    بعضهم يتخذ من كل حاجه ذريعه=
    يكرهون البنا ويفضلون التداعي=
    ولاتضلي خلاف الناس مثل التبيعه=
    كلمة النعم جاهد وانتزعها انتزاعي=
    لاتاخر جوادك خلها فالطليعه=
    خذ مكانك مع اهل المجد والاطلاعي=
    المذمه على الانذال ماهي بديعه=
    والمدايح يحصلها طويل الذراعي=
    والتزم في حبال الله بم تستطيعه=
    من تمسك بدينه جا بو جهه شعاعي=
    والصبر له عواقب طيبه لاتضيعه=
    قدر الصبر والله معك وامره مطاعي=
    كم صبرنا على بعض الامور الفضيعه=
    نعتبرها من التافه وسقط المتاعي=
    وكم لي اصارع الدنيا بنفس(ن) شجيعه=
    واجتهادي يحقق لي نتيجة اصراعي=
    اتفاول بخير ودم وجهي ما ابيعه=
    كل شي يباع الا الحيا مايباعي=
    اعشق العز واحب الحياه الرفيعه=
    واكره الارتخايه وارغب الارتفاعي=
    واتواضع لسمحين الوجيه النصيعه=
    واترفع عن اهل الزيف واهل الخداعي=
    يابدر لاتلفت للعقول الخليعه=
    قدر الراس قدره لاتحسب الكراعي=
    كم سمحنا وسامحنا خطات الخميعه=
    حشمة الطيبين وقصرة للنزاعي=
    ما عرضنا لحمنا للوحوش المجيعه=
    لو شربنا من الحنضل وسم الافاعي=
    ولن وردنا خصومة حق والا نزبعه=
    عضمنا ما يلين نكيل صاعن بصاعي=[/poem]


    [align=center]رحمك الله يا ابا بدر اااامين

    وسلامتكم محبكم بن صنهوت[/align]
  • نايف الغبيوي
    موقوف لمخالفة الأنظمة
    • Nov 2008
    • 106

    #2
    الله يرحمه ويسكنه الجنه قصيده مؤثره يعطيك العافيه ع اختيارك للقصيده

    يابدر خـذ وصيـه واعتبرهـا وديعـه
    الله اعلم متـى يابـوك يـوم الوداعـي

    تعليق

    • البريماني

      رابطة محبي الهيلا

      • Jan 2008
      • 1684

      #3
      الله يرحمه ويسكنه الجنه اشهد بالله انا وصيه لي بدر ولي انا استفدت منها حكم

      تعليق

      • أبونواف

        رابطة محبي الهيلا

        • Nov 2008
        • 2163

        #4
        [align=center]الله يرحمه ويسكنه فسيح جناته والله وصية ثمينه [/align]

        تعليق

        • ولد ميسان
          موقوف لمخالفة الأنظمة
          • Sep 2008
          • 112

          #5
          والله كبير يأبا بدر رحمك الله رحمه واسعه

          تعليق

          • ابن صنهوت

            رابطة محبي الهيلا

            • May 2008
            • 1734

            #6
            نايف الغبيوي
            الوفا طبعك
            ابو تواف
            ولد ميسان



            شاكر ومقدر مروركم لاهنتوا

            تعليق

            • بدر الكريزي

              مشرف سابق

              • May 2008
              • 2584

              #7

              الله يرحمه و يغفر له ويسكنه الجنه..



              لا هنت يا ابن صنهوت ..
              [align=right]قرأت فيما قرأته من بلوغ المرام .,
              اللي ترك شيء لله ( عاضه الله بخير ) .,
              [/align]

              [align=center].,[/align]
              [align=center]استغفر الله العظيم , و أتوب إليه ‘.[/align]

              تعليق

              • شـامان
                عضو نشيط
                • Aug 2007
                • 75

                #8
                [align=center]رحمك الله يا فيصل[/align]

                تعليق

                • مقدام الهيلا
                  عضو فعال
                  • Oct 2007
                  • 108

                  #9
                  الله يرحمه ويغفر له

                  تعليق

                  • الجوفـ
                    عضو
                    • Mar 2008
                    • 4

                    #10
                    الله يرحمه و يسكنه الجنه
                    وتسلم على النقل

                    تعليق

                    • نزهان الروقي
                      عضو ذهبي
                      • May 2008
                      • 303

                      #11
                      مواضيعك ممميزه اخي بن صنهـــوووت





                      لك مني كل التقدير والإحتراااام





                      رحم الله ابا بدر رحمه واسعه واسكنه فسيح جنااته

                      تعليق

                      • بجّاد الثبيتي
                        عضو ذهبي
                        • Nov 2008
                        • 300

                        #12


                        رحم الله فيصل
                        والله يحفظ له بدر ويحفظ عياله ..
                        أستمتعت بالقراءة

                        وكل الشكر يابن صنهوت ..

                        تعليق

                        • ممدوح الروقي
                          عضو ماسي
                          • Jan 2007
                          • 598

                          #13
                          الله يرحمه ويسكنه فسيح جناته والله وصية ثمينه

                          تعليق

                          • ابن صنهوت

                            رابطة محبي الهيلا

                            • May 2008
                            • 1734

                            #14
                            بدر الكريزي
                            شامان
                            مقدام
                            الجوف
                            نزهان
                            بجاد
                            ممدوح

                            اسعدني مروركم لا هنتوا

                            تعليق

                            • سطام العفار المزحمي

                              رابطة محبي الهيلا

                              • Jul 2008
                              • 1416

                              #15
                              رحم الله الشاعر الكبير فيصل الرياحي

                              كانت النصيحة غالية جدا وتحت ميزان الشريعة

                              الاخ العزيز ابن صنهوت بارك الله فيك على الموضوع الجميل

                              تعليق

                              العمل...