ارسلتلي خط كتبته بيمناي

طي
X
 
  • التوقيت
  • إظهار
مسح الكل
المشاركات الجديدة
  • ((الدلبحي))

    رابطة محبي الهيلا

    • Mar 2003
    • 6010

    #1

    ارسلتلي خط كتبته بيمناي

    هذه قصيده موجه من الشاعر الكبير بدر بن عواد الحويفي لشاعر نايف الحربي
    الملقب بنايف ابوعفريته وذلك لقوة شعره
    يقول الحويفي :
    ارسلتلي خطٍ كتبته بيمناي
    سلام وجه من صديق لصديقه
    ملفاه نايف طيب العرف والراي
    اللي هناديب الشكاله طريقه
    عد الروا ماهو ضحاضيح رواي
    شط الفرات اللي اغروقه عميقه
    ليا قرا خطي وبرق بدعواي
    ملزوم يرقا بالطويل ويويقه
    حيث ان قلبه بالمراقيب شقاي
    نايف وله بالنايفات اتعليقه
    ياللي لصلفات المعاشير حماي
    لانشف من بين الشفاتين ريقه
    انا صويب وناقلٍ داي برداي
    قلبي غداء من مابجاشي حريقه
    واللي ذبحني واحدٍ من دناياي
    والصبر والله يابن عايد ماطيقه
    يوم استتم وجاء على الكيف ومناي
    صالف ولاوافق طريقي طريقه
    ارهيت به واقبل على الجم مدلاي
    وتقطعت منه الحبال الوثيقه
    يوم اقتعدت وللهدف زان مرماي
    عودت يانايف خفيف العليقه
    واليوم وش رايك ليا صرت شكاي
    عطني مساندت الرفيق لرفيقه
    ودي تباصرني وقل لابن غزاي
    بالليل تنحاني عن النوم ضيقه
    اما اعذلوني واقنع النفس بغضاي
    والا اترجا والطلب في لحيقه
    شكيت يوم ان الغلا جاب قصياي
    ماخوذ مالي من يفك الوسيقه

    رد الشاعر نايف يقول :
    جاني جوابك ياعضيدي بدنياي
    وفزيت به فزت شفيق بشفيقه
    وغيبت مضمونه وعززت مبداي
    بعد عرفت من الجواب الحقيقه
    اللي مضى ماللمجانين قراي
    واليوم يابدر المجنن انفيقه
    قدمك كفو حوضي بجيت ظماياي
    سود الضماير والوجيه الخليقه
    وحليت بالحكمه شرابيك دعواي
    حليت بالحكمات ضبه غليقه
    واسمع يابوسلمان طيب هداياي
    ماباس ياللي علته من فريقه
    مأسوقكم ساقه مدبوح وحباي
    والابقوه وانت حلك رقيقه
    ابشر يبي يقبل لكم عقب الاقفاي
    بالحرب والا بالظروف الدقيقه
    وانا لابوسلمان مركز وضواي
    ان كان ماستعبد عبيدٍ عتيقه
    والله ماذخر عنك مالي ومبناي
    ويمنا على لطمة غريمك شفيقه
    واعرف ترى ماني بالاقوال رهاي
    وانتم صداقتكم صداقه عريقه
    وان كان قصدك تعين عن اقصاي
    ترى بحرنا ماينادي غريقه
    وسلامتكم
  • فرهودي
    عضو ماسي
    • Feb 2004
    • 886

    #2
    مشكور الدلبحي..
    واختيار موفق.. لشاعرين كبيرين،،
    والله يرعاك..

    اخوك فرهودي

    تعليق

    • خالدالعصيمي
      عضو ماسي
      • Aug 2003
      • 688

      #3
      صح اللسان القايل

      وسلمت يمين الناقل

      مع اجمل تحيه

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        اخوي فرهودي يعطيك العافيه
        على مرورك الكريم
        الاخ العزيز خالد العصيمي ممايسرني
        مرورك وقراءت تعليقك على القصيده
        الجميع تقبلوا تحياتي

        تعليق

        • وصل العطياني؟؟؟
          مشرف عام
          • Jul 2003
          • 3809

          #5
          مشكور الدلبحي..
          واختيار موفق..
          لاهنت..



          تحيااااااااتي.
          [align=center][/align]




          [align=center][move=right]na111na@hotmail.com[/move][/align]

          تعليق

          • ((الدلبحي))

            رابطة محبي الهيلا

            • Mar 2003
            • 6010

            #6
            يسعدني ويشرفني
            تعليقك
            وتواصلك
            اخوي وصل

            تعليق

            • احمد
              عضو
              • Feb 2004
              • 17

              #7
              تستحق التحيه

              مشكور مشكور

              بيض الله وجهك يا الدلبحي على هالقصايد الطيبه
              اللي فعلا تستحق من يقرلها أكثر من مره

              مثلها ونمدحك يا الدلبحي

              أخوك ( أحمد )

              تعليق

              • ((الدلبحي))

                رابطة محبي الهيلا

                • Mar 2003
                • 6010

                #8
                ياهلا ويامرحبا
                ياحمد يعطيك العافيه
                على التعليق والكلام الطيب
                وممايشرفني مرورك
                ويسعدني تواجدك
                تقبل تحياتي:

                تعليق

                العمل...