سـلام يالهـيـلا قبيـلـة عتـابـه

طي
X
 
  • التوقيت
  • إظهار
مسح الكل
المشاركات الجديدة
  • وادى الرمه
    عضو
    • Nov 2008
    • 15

    #1

    سـلام يالهـيـلا قبيـلـة عتـابـه

    [align=center]لافي حمود الغيداني وهذه الرائعة ونعم بالمادح والممدوح


    وانـا اعتبـر نفسـي هنـا بالنيابـه

    عن حرب ربعي بني سالم و مسـروح

    اهل الوفا من قبـل عصـر الصحابـه

    واهل النقا اللي دونه الوجه ممسـوح

    سـلام يالهـيـلا قبيـلـة عتـابـه

    سلامٍ اسوقـه مـن الـروح للـروح

    نفحة شـذا ريضـان نبـت السحابـه

    معـه عليكـم ينبعـث منـه ويفـوح

    مـن بيننـا مـا بالمحبّـه غـرابـه

    لها بوسط قلوبنـا ابـراج وصـروح

    للوصـل بجسـور التواصـل صلابـه

    حقايـقٍ ماهـي بقـاويـل ومــزوح

    ياللي علـى صـدره نقشتـوا كتابـه

    صدر الكتاب اللـي للامجـاد مفتـوح

    على جبينـه ياجـده مـن قـرى بـه

    تاريـخ سيرتكـم مـدوّن و مشـروح

    صافح جبين الشمـس عـز ومهابـه

    احدٍ عنه راضي و احد منـه مجـروح

    لـولا بيـاض فعولـكـم والرقـابـه

    على سفوحٍ دونهـا سفـوح وسفـوح

    لطّامـة العايـل ليـا جــاك مـابـه

    ذبّاحة الحايـل لـو الـزاد مشحـوح

    فيكـم علـى تكفـى طلاقـة ذيـابـه

    وعلى ونعم فيكم ضرم راس مشفـوح

    تاريخكـم بالطيـب كــلٍ درى بــه

    وعلى ماقيل العلـم مقفـي ومنطـوح

    الطيـب ياعتابـه لبسـتـم ثيـابـه

    قول وفعل والكلمـه اللـي لهـا روح

    واللي رجـا عفـوه يسابـق عذابـه

    حفّاظ بيض وسـود الاعمـال باللـوح

    لو ماني محاسـب علـى كـل جابـه

    انـي لقـول بكلمـةٍ حــدّ ذابــوح

    ذي افعالكم مـن غيركـم مـا تشابـه

    لكن بظلـم النـاس مانـي بمسمـوح

    ايـه احتـرم حـق القبايـل واهابـه

    والظلم عنه العبد منهـي و منصـوح

    مـا تنهـب حقـوق القبايـل نهابـه

    حتى اني انسفها على ظهـري واروح

    لكم اخشرى بالطيـب مـن كـل لابـه

    الطيـب حـقٍ للاجـاويـد ممـنـوح

    مثـل المجـم اللـي عـذيٍ شـرابـه

    كـلٍ بدلـوه يـارد الجـم ويـمـوح

    ما يغـطّ نـور الحـق ويصـك بابـه

    الا ضعيف العرف و قصيّـر الشـوح

    عسى السحـاب اليـا تراكـم ضبابـه

    وبروقـه تفـرّق مثانـيـه وتـلـوح

    على وطـن صقـر العروبـه عقابـه

    همالها يروي عطش كـل صحصـوح

    غيثٍ ما يذكر للضـرر فيـه اصابـه

    صحه على ماقالوا النـاس وصحـوح

    ليـن يتشابـك نبتهـا تقـل غـابـه

    وروس الزبيدي كنّها المرو بالصـوح

    يا موعد اصحـاب الدعـا الاستجابـه
    ا
    جب دعانـا يامجيـب النبـي نـوح

    حاولـت تجنيـب الخطـا وارتكـابـه

    وان حصل .. مطلوب يعفو كل طحطوح

    قصيدتـي تختـال كبـر و صبـابـه

    علـى معانقهـا سمـع كـل ممـدوح

    وختام شاعرهـا مثـل مـا بـدا بـه

    الا انـي بكلمـة شـرف ودي ابـوح

    تدرون من اولى لبعض مـن شبابـه

    برقا و روق و بني سالـم ومسـروح
    [/align]
  • ابو ضيف الله
    مشرف عـام
    • Feb 2003
    • 8888

    #2
    [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    تدرون من اولى لبعض مـن شبابـه = برقا و روق و بني سالـم ومسـروح [/poem]


    [align=center]صح لسان الشاعر لافي الغيداني على هذه القصيدة الرائعة
    واشكرك اخي وادي الرمه على نقلها وسبعين الف نعم في حرب حريبة الدول[/align]
    قال الشافعي رحمه الله: أركان الرجولة أربع: الديانة والأمانة والصيانة والرزانة.

    قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




    اللهم أنصر من نصر الدين وأخذل من خذل الدين

    تعليق

    • وادى الرمه
      عضو
      • Nov 2008
      • 15

      #3
      تم النشر في الأصل بواسطة ابو ضيف الله عرض المشاركة
      [poem= font="simplified arabic,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
      تدرون من اولى لبعض مـن شبابـه = برقا و روق و بني سالـم ومسـروح [/poem]


      [align=center]صح لسان الشاعر لافي الغيداني على هذه القصيدة الرائعة
      واشكرك اخي وادي الرمه على نقلها وسبعين الف نعم في حرب حريبة الدول[/align]

      صح بدنك يابو ضيف الله
      ولاشكر على واجب وترى الخير بيننا اكثر من الشر اللي يحاول المساكين البحث عنه
      ولاعليكم زود طال عمرك

      تعليق

      • روقي الجمش
        كـاتب مميــز
        • Jul 2005
        • 2132

        #4
        أخي الكريم / وادي الرمة

        السلام عليكم ورحمة الله وبركاته

        صح لسان الشاعر / لافي الغيداني على هذه القصيدة الجزلة ...

        وطرح موفق للهذه القصيدة .. وعتبية وحرب ما بينهم إلا الطيب ..

        لك مني كل الحب والتقدير .

        والســـلام ،،،

        تقبل تحياتي
        / روقي الجمش .

        تعليق

        • وادى الرمه
          عضو
          • Nov 2008
          • 15

          #5
          تم النشر في الأصل بواسطة روقي الجمش عرض المشاركة
          أخي الكريم / وادي الرمة

          السلام عليكم ورحمة الله وبركاته

          صح لسان الشاعر / لافي الغيداني على هذه القصيدة الجزلة ...

          وطرح موفق للهذه القصيدة .. وعتبية وحرب ما بينهم إلا الطيب ..

          لك مني كل الحب والتقدير .

          والســـلام ،،،

          تقبل تحياتي
          / روقي الجمش .

          وعليكم السلام عليكم ورحمة الله وبركاته
          صح بدنك ياروقي الجمش
          وكان تعرفون الطيب الكلام اللي يسود المنتدى لاتخلونه يجلس
          لاتنه عن خلق وتأتي مثله

          تعليق

          • ضامي وفا
            عضو نشيط
            • Nov 2008
            • 60

            #6
            صح لسان قايلها

            وسلمت يمين ناقلها

            يعطيك العاافيه

            تعليق

            • وادى الرمه
              عضو
              • Nov 2008
              • 15

              #7
              تم النشر في الأصل بواسطة ضامي وفا عرض المشاركة
              صح لسان قايلها

              وسلمت يمين ناقلها

              يعطيك العاافيه
              صح بدنك
              وتسلم من كل شر

              تعليق

              العمل...