قصيدة بركات الشريف

طي
X
 
  • التوقيت
  • إظهار
مسح الكل
المشاركات الجديدة
  • الشريف الهاشمي
    عضو
    • Oct 2008
    • 11

    #1

    قصيدة بركات الشريف

    [poem=font="simplified arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]
    يالله ياللـي كـل الأمـات ترجيـك=يا واحدٍ مـا خـاب حـيٍ ترجـاك

    يا مرقبٍ بالصبـح ظلّيـت اباديـك=مـا واحـدٍ قبلـي خبرتـه تعـلاك

    وليت يا ذا الدهر ما اكثـر بلاويـك=لله يزودنـا السلامـة مـن أتـلاك

    ياللي على العربان عمت شكاويك=وليت يا دهـر الخطـا ول مقـواك

    واليـوم هالكانـون غـادٍ شبابيـك=تلعب به الأرياح مـن كـل شبـاك

    يا مالك اسمع جابتي يوم أوصيـك=واعرف ترى يا بوك بامرك وانهـاك

    وصيـةٍ مـن والـدٍ طامـعٍ فيـك=تسبق على الساقه لسانـه لعليـاك

    أوصيك بالتقوى عسـى الله يهديـك=لهـا وتدركهـا بتوفيـق مــولاك

    الله بحـق أجـدادك الغـر يعطيك=رضاه مع كل ما تمنى مـن امنـاك

    احفظ دبشك اللي عن الناس مغنيـك=اللي إلى بان الخلـل فيـك يرفـاك

    واعرف ترى مكة ولاها ابن اخيـك=لو تطلبه خمسة دواويـن معطـاك

    اجعل دروب المرجلة مـن معاليـك=وادراج سيّسها على العـز مرقـاك

    لا تنسدح عنها وتبغينـي أعطيـك=جميع ما يكفيـك مـا حاصـل ذاك

    احذر امـر ليعـات أبيهـا لتاليـك=ايضا ويرخص عندها قـدر مـأواك

    أدّب ولدك إن كان تبغيـه يشفيـك=واستسعفه من بعـد مربـاه بـالآك

    أما سمج واستسمجك عنـد شانيـك=ويفر من فعله صديقـك وشـرواك

    وإلاّ بعد جهله تـرى هـو بياذيـك=لو زعلـت أمـه لا تخليـه يـالاك

    واحذر تضيع كل من هو ذخر فيـك=معروفه لا تنساه واوفـه العرفـاك

    ترى الصنايع بين الاجواد تشريـ=إلـى طمعـت بركزهـا لا تـعـداك

    واحذر سرور بغبة البحـر يرميـك=ولا عنده افلس من تجزعك وابكـاك

    واوف الرجال حقوقها قبـل تاتيـك=لا تعتمـد بالعفـو فالحـق يقفـاك

    وهرج النميمة و القفا لا يجي فيـك=واياك وعرض الغافل ايـاي وايـاك

    تبدي حديث للنـاس فيـه تشكيـك=وتهيم عند الناس بالكذب واشـراك

    واذا نويـت احـذر تعلـم بطاريـك=كم واحد تبغي به العـرف واغـواك

    واحذر شماتة صاحب لك مصافيـك=والى جرا لك جـاريٍ قـال لـولاك

    ولا تحسب إن الله قطـوعٍ يخليـك=ولا تفرح إن الله على الخلق بـداك

    إن اشتهى حط الطمع فـي تواليـك=لو ما لقيته يا فتـى الجـود يلقـاك


    والضيف قـوم لـه حيـن يلفيـك=مما تنوشه يا فتـى الجـود يمنـاك


    اكرم قبالـه فانهـا مـن شواديـك=وابذل له المجهـود مـا دام يعنـاك


    واحذر تلاقي الضيف مقرن علابيـك=خله محـب لـك صديـق إذا جـاك


    وأوصيك زلات الصديق إن عثا فيك=ما زال يغطاها الشعر فاحتمـل ذاك


    راعه ولو ما شفـت انـه يراعيـك=عساك تكسر نيّتـه عـن معـاداك



    واحذر عدوك لو بقا بـي يصافيـك=عود الجنا واطعنـه حينمـا جـاك


    لا تامنه فاطلـب مـن الله ينجيـك=ويكفيـك ربـك شـر ذولا وذولاك


    شفني أنا يابـوك بآمـرك وانهيـك=عن التعرض بين الاثنيـن حـذراك


    وإذا حضرت طلايبٍ مـع شرابيـك=اسع لهم بالصلح والـلاش يفـداك


    ابذل لهـم بالطيـب ربـك ينجيـك=لا تجضع الميـزان مـع ذا ولا ذاك


    أما الشهادة أدّهـا إن دعـوا فيـك=بيّن عمود الدين لا عميـت اريـاك


    بالك تماشـي واحـد لـك يرديـك=طالع بني جنسـك وفكـر بممشـاك

    رابع أصيل فـي زمانـك يشاكيـك=وإلى شاف خملاتك عن الناس غطاك


    واحذر عن طرد المجفـي حذاريـك=عليك بالمقبـل وخـل مـن تعـداك

    ثم العـن الشيطـان ليـاه يغويـك=تـرى إن تبعتـه للشّرابيـك وداك


    واوصيك لا تشكي علينـا بلاويـك=أنت السبب اخذك عيونـك بيمنـاك


    واعرف ترى اللي وطا الفهر واطيك=ولا أنت أعز من الجماعة هـذولاك


    المسك يا راسي عن الذل واخطيـك=واحذر تكلـم يـا لسانـي حـذاراك


    والطف بجارك ثم قـم دون عانيـك=وافطن إلْما يعنيك عن ربعة أخـواك


    يا ذيب وان جتك الغنم في مفاليـك=فاكمن إلى حيـث الرعايـا اتّعـداك


    من أولٍ يا ذيـب تفـرس بياديـك=واليوم جا ذيبٍ عن الفـرس عـداك


    يا ذيب عاهدني وأعاهدك ما رميـك=مرميك أنا يا ذيب لـو زان مرمـاك


    والنفس خالف رايها قبـل ترميـك=ترى لها الشيطان يرمـي بـالادراك

    ومن بعد ذا لا تصحب النذل يعديـك=وعن صحبة الأنذال حاشاك حاشـاك


    ترى العشير النذل يخلـف طواريـك=وأنا أرجي إنك ما تجي دون آبـاك


    والهقوة انك ما تجـي دون أهاليـك=ولا ذكر عود الورد يثمـر بتنبـاك


    والحر مثلك يستحي يصحب الديـك=وان صاحبه عاعا معاعات الاديـاك


    لا تستمع قول الطرف يـوم يلفيـك=بالكذب يقضي حاجته كل مـا جـاك


    من نم لك نم بك ولا فيـه تشكيـك=والاَّه قــد أزرا رفـيـقـك وأزراك


    عندك حكا فينا وعندي حكـا فيـك=وأصبحت كارهنـا وحنـا كرهنـاك


    ما اخطاك ما اصابك ولو كان راميك=واللي يصيبك لو تتقيت ما اخطـاك


    مير استمع مني عسـى الله يهديـك=النصح يـا مالـك لـك الله مـولاك


    عنـدي مظنـة مـا تمثلتهـا فيـك=واطلب لك التوفيق من عند مـولاك[/poem]
  • عفتان العتيبي
    عضو ماسي
    • Oct 2008
    • 498

    #2
    صح السانه والسانك

    وكفووو بالرجال

    تعليق

    • عبدالرحمن الهيلوم
      عضو
      • Apr 2007
      • 21232

      #3
      مشكوووووووووووور يالغالي
      وصح السانك والساانه

      تعليق

      • أخو جوزا
        إدارة أقسام القبيلة
        • Jul 2003
        • 4189

        #4
        [align=center]الشريف الهاشمي شكرأ للمشاركة بقصيدة بركات الشريف الملئ

        بالحكم والنصائح..[/align]
        قال الله تعالى:

        ﴿وَالْعَصْرِ * إِنَّ الإِنسَانَ لَفِي خُسْرٍ * إِلاَّ الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ ﴾

        تعليق

        • متعب العصيمي
          مشرف سابق
          • Aug 2006
          • 4855

          #5
          الله لايهينك على طرح القصيدة

          قصيدة حكم ونصائح من ذهب

          تعليق

          • فهد النفيعي
            مشرف سابق
            • Dec 2005
            • 11363

            #6
            قصيده رائعه ومعروفه واشتهرت في الخليج- العربي وسار بها الركبان

            وهذا يدل على قوة القصيده وجزالة المعنى وصدق النصيحه

            لاهنت يالغالي


            وننتظر جديدك....

            تعليق

            • ضامي وفا
              عضو نشيط
              • Nov 2008
              • 60

              #7
              بيض الله وجهك

              مشكور ياغالي

              عساك عالقوة

              تعليق

              • الشريف الهاشمي
                عضو
                • Oct 2008
                • 11

                #8
                شكراً على مروركم وصراحه الموضوع ماصار زين إلا بردودكم


                بيض الله وجيهكم

                تعليق

                • الامير حريبيش

                  رابطة محبي الهيلا

                  • Jan 2007
                  • 1071

                  #9
                  لاهنت يابن هاشم علي القصيده

                  تعليق

                  • الشريف الهاشمي
                    عضو
                    • Oct 2008
                    • 11

                    #10
                    الله يعطيكم العافيه على مروركم

                    تعليق

                    • المقاطي2008
                      عضو
                      • Dec 2008
                      • 16

                      #11
                      [fot1]مشكور[/fot1] الهاشمي الشريف

                      تعليق

                      العمل...