مايوجع الرجـل .. ويحـرّك تناهيتـه@@الاّ ليـا مـن فقـد لـه قطعـةٍ منّـه

طي
X
 
  • التوقيت
  • إظهار
مسح الكل
المشاركات الجديدة
  • فيصل المسعودي
    مشرف عام
    • May 2005
    • 8296

    #1

    مايوجع الرجـل .. ويحـرّك تناهيتـه@@الاّ ليـا مـن فقـد لـه قطعـةٍ منّـه

    [align=center]الــشــاعـــر/[/align]

    [align=center]فــالــح بــن قــشــعــم[/align]

    [poem=font="simplified arabic,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    أتلى العهد فـي فـؤادي يـوم خليتـه=وقفيـت وأعيونـي الثنتيـن يبكـنّـه
    شرحت وضعي على صدري وفليتـه=ولقيت صدري من الليّ صار له حنّه!
    أسرف بي الوجد والطـاروق شليتـه=وشعاير الصوت في صدري لها رنّـه
    مستاجعٍ مـن يـدي والحـال بريتـه=والوجعـه المدميّـه ماهـي بمنكـنّـه
    الله يسامـح صبـي عينـي وراعيتـه=خلانـي أبـدّل السـجّـات فالـونّـه
    مايلتفـت لــوّ تعمـدتّـه ولديـتـه=الاّ على اللي تجيب الشبط .. فالكنّـه
    عفريـةٍ حبّهـا الـعـذري تقهويـتـه=وكيّفت الأحساس من هيله ومـن بنّـه
    كل مادعانـي بعـال الصـوت لبيتـه=وأنقـاد مـن غيـر لافضـلٍ ولامنّـه
    أجيـه واليـا وصلـتـه ماتعديـتـه=جيّـة رفيـقٍ رفيقـه مبطـيٍ مـنّـه
    أسـج فـي عالـم أسلوبـه وأتاكيتـه=وأقول من لاعشـق مثلـه ياعنكنّـه ؟
    ماذاق ملح القبـال .. اللـيّ تحاليتـه=ولا أغرتـه كلمـةٍ معسولهـا جـنّـه
    أمشاهده .. لا أنكسر خصره ورديتـه=وميّـل بليـلٍ حريـره يعجبـك فنّـه
    ينسيك طعـم الحليـب اللـيّ تغذيتـه=وتسـج مـع عالـمٍ فالحـب منجنّـه
    والحـب لـولا متاهـاتـه وتنهيـتـه=ماصوتـوّ للقلـوب وجـات مستنّـه
    قلب الهواوي خضر .. والولف راعيته=ومن حبّها لـه تدكـه رفـق وأتحنّـه
    تصبح بشطّانـه .. وتمسـي بزاويتـه=وكل عرق ينبض خطا .. مسئولةٍ عنّه
    أقفـو بهـا اللـيّ شببهـم ماترجيتـه=وأسلوم الأجواد مثل الفرض والسنّـه
    راحت سنه كامله لاجـا .! ولا جيتـه=وحبّه على ظنيّ .. وحبيّ على ظنّـه
    أقفـى وجرحـه بقلبـي ماتشاويـتـه=وأقفيت .. والبعد جرحٍ ماأقـدر أكنّـه
    مايوجع الرجـل .. ويحـرّك تناهيتـه=الاّ ليـا مـن فقـد لـه قطعـةٍ منّـه [/poem]

    [align=center]منقووول[/align]
  • السبيــــعي
    عضو ممـــيز
    • Jan 2008
    • 2949

    #2
    [align=center]
    أمشاهده .. لا أنكسر خصره ورديتـه
    وميّـل بليـلٍ حريـره يعجبـك فنّـه
    ينسيك طعـم الحليـب اللـيّ تغذيتـه
    وتسج مـع عالـمٍ فالحـب منجنّـه
    [/align]

    [align=center]رائعة من روائع بن قشعم
    مو غريب عليك يافيصل هالنقل

    قصيدة اكثر من روعه
    > هيضت شجوننا فيها ههه

    الله يعطيك العافية حبيب ألبي
    ولاتبخل علينا في الجديد
    [/align]

    تعليق

    العمل...