نداء عاجل للي قلبه خظر

طي
X
 
  • التوقيت
  • إظهار
مسح الكل
المشاركات الجديدة
  • ابو محمد الدعجاني
    عضو مميـــز
    • Aug 2008
    • 3759

    #1

    نداء عاجل للي قلبه خظر

    السلام عليكم ورحمة الله وبركاته

    هذه من اجمل قصائد الشاعر الكبير شاعر الغزل شاعر الحب

    محسن الهزاني


    قال هذه القصيده يشتكي من جفا محبوبته

    انا دخيل الله عن الالتفاتي

    لوكان يشعشعني على ساقتي قوم

    اللي نطحني سيد الغاوياتي

    اللي غسل راسه بسدر من اليوم

    على الردايف دلق سابحاتي

    قدايمه تنقض وتاليه ملموم

    يازين يوم قلوبنا صافياتي

    ماطعت عذال ولا ارخصت بك سوم

    ارخصت من غالي حياتي مماتي

    وادعيتني لا اكل ولا سرب ولا نوم

    عن الوشاه احوالنامبهماتي

    يابو دليق كنه اطراف حموم

    رميت باسباب الهوى الموجباتي

    قلبي رمى الله نجلك السود بسهوم

    وابك اتهموني بظنهم يا شفاتي

    ياظبي حور سالم منك مسلوم

    قلت اسقني من ذبل مرهفاتي

    عسى طيور القلب تركد عن الحوم

    او حبة تنعش بها الظامياتي

    بمفلجات كنها الحص منظوم

    او قحويان من بكا المرزماتي

    غب المطر مايبتسم كل مكموم

    ياشبه ظبي ذيروه الرماتي

    يرعى زهر نبت بالادمات ماسوم

    تغريك ريح انفاسه الذارياتي

    عن ريح ريحان وعن ريح مشموم

    قلبي برمش عيونك المغظياتي

    والماسك اللي كنها النار مرقوم

    واخدودك اللي كالظيا المجهراتي

    في مدلهم باول الصيف مرقوم

    خيله لطلاب الهوى مسرجاتي

    يطعن وطلاب الهوى في يده روم

    قلت المواصل قال لا ياشفاتي

    بعد الثلاث بتالي الشهر باصوم

    انا الذي ياشبه خشف المهاتي

    علي اعياني زماني معك زوم

    عليك اهل دموعي الذارفاتي

    بالحان غنى نطقها غير مفهوم

    عقب المحبه والغلا ياشفاتي

    عليك ظيعت الحيا من كم يوم

    ان كنت مثلي مولع ياشفاتي

    فعساك سهر ماتجي عينك النوم

    ياقاعد النهدين سيد البناتي

    جعله عليك مبارك شهر ذا الصوم

    الجيد منها مثل جيد الحداتي

    والوسط منها كنه الرخ مهظوم

    قلت اسقني من ثنيك المسكراتي

    فانا من شرب انيابك البيض محروم

    وابك ابتلاني مجري الذارياتي

    وادعيتني من حبس بلواك ما اقوم

    لوقلت انا تايب عن الالتفاتي

    فلا عاش من ينسا خليله ولو يوم



    لكم مني اطيب تحيه اخوكم

    ابن غزاي الخظري الدعجاني
  • عبدالرحمن الهيلوم
    عضو
    • Apr 2007
    • 21232

    #2
    مشكووووووووووووور يالغالي

    والقلوب الخضر مااكثرها حين تعدهااااااااااااااااا

    موفق خير يالذيب

    تعليق

    • ابو محمد الدعجاني
      عضو مميـــز
      • Aug 2008
      • 3759

      #3
      يابعد راسي يالهيلوم مو مجمل مواظيعي الا انك اول من يمر عليها ولا قصور بباقي الاخوان

      ويشرفني مرورك ياولد الهيلا البار

      تعليق

      • نزهان الروقي
        عضو ذهبي
        • May 2008
        • 303

        #4
        الله يعطيك العافيييييه






        ويرحم شاعرنا

        تعليق

        • ابو محمد الدعجاني
          عضو مميـــز
          • Aug 2008
          • 3759

          #5
          الله يعافيك وشاكرلك مرورك العطر

          تعليق

          • الدعجاني 090
            عضو نشيط
            • May 2007
            • 72

            #6
            [align=center]يعطيك العافيه

            يابن غزاي والله لايهينك على القصيده

            تحياتي لك [/align]

            تعليق

            • ابو محمد الدعجاني
              عضو مميـــز
              • Aug 2008
              • 3759

              #7
              اخوي الدعجاني الله يعافيك ولاهنت على المرور العطر يابن العم

              تعليق

              العمل...