تبشر بفنجال يشب النظر فيه

طي
X
 
  • التوقيت
  • إظهار
مسح الكل
المشاركات الجديدة
  • خالدالعصيمي
    عضو ماسي
    • Aug 2003
    • 688

    #1

    تبشر بفنجال يشب النظر فيه


    يا مل قلبآ ضيق بصدر راعيه

    لولاي اعذل به عن المستحيني

    عمال مشغول بهمه وطاريه

    الا ألى صكوا به الغانمين

    ولا لاح له مرقاب وده يعديه

    لا قلت هذا الدرب حطه يميني

    ما هوب لاقي له رفيق يصافيه

    ولا ظنتي بالرأي صفيوا ثنيني

    يا راكب حرزها لبس راعيه

    مامون قطاع الفيافي هجيني

    لولا المرس صكن ضروسه لواحيه

    عقب على كوره عياب يبيني

    يشبه لفرخ بين اللوح راعيه

    لا صف جنحانه بعد حومتيني

    يلفي لابن ضيدان حثيه يلفيه

    ابو محمد مدهل الغانميني

    تبشر بفنجال يشب النظر فيه

    امعذب تطرب له الحاضريني

    مع كبش مصلاح بفرقة مربية

    وقم الرباع مربيتنه سميني

    اوصل نصيحة من نصح له وحاميه

    عن دقة في مجلس الخايبيني

    ليت الردى وسم على وجه راعيه

    اللي يدق بغيبة الغافليني

    فطنتني شي وانا قبل ناسيه

    وانته غديت لهم قلبي عويني

    جمل جوابك واصرفه يم واليه

    اللي سعى بك وانت ماء مهيني

    متكفل بالعبد من حين ينشيه

    لما يرده لاسفل السافليني

    والرزق عند مسير العبد مجريه

    محيي الفياض البالية بالغشيني

    والدين مانأخذ ندور الشرف فيه

    الا نسدد به خلول تبيني

    حنا سبب همه وجمعه وطاريه

    لو يجزي المعذار ماكان ديني






    الشاعر
    مصلط ثويني الزغيبي،






    -
  • طلال الثعلي
    مشرف سابق
    • Sep 2003
    • 828

    #2
    خالدالعصيمي


    شكرااا لنقلك المتميز دائما...

    وصح لسان مصلط الزغيبي..

    تحياتي...

    تعليق

    • خالدالعصيمي
      عضو ماسي
      • Aug 2003
      • 688

      #3
      طلال الثعلي

      مشكووووووووووورعلى مرورك

      الذي انار القصيده مع الشاشه

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        ماقصرت ياخالد
        تسلم يمناك
        صح السانك والسان الشاعر مسلط
        تقبل تحياتي

        تعليق

        • خالدالعصيمي
          عضو ماسي
          • Aug 2003
          • 688

          #5
          الاخ ((الدلبحي))

          مرور معتاد منك

          مما يعطي المشاركه رونق خاص

          لك فائق تحيات خالد العصيمي

          تعليق

          • متعب العضياني
            عضو ماسي
            • May 2003
            • 707

            #6
            تسلم مليوووووووووون وبيض الله وجهك
            قصيده بقمة الجزاله الله يعطيك العافيه على نقبها
            وتقبل تحياتي

            تعليق

            • خالدالعصيمي
              عضو ماسي
              • Aug 2003
              • 688

              #7
              الاخ متعب العضياني

              وجهك ابيض ويمينك سالمه

              شكرآ على مرورك الكريم

              لك اجمل تحيه من خالد العصيمي

              تعليق

              • وصل العطياني؟؟؟
                مشرف عام
                • Jul 2003
                • 3809

                #8
                بيض الله وجهك...
                مجهود سخيّ تبذله معنا ...
                فلك الشكر الأجزل ..




                تحياااااتي.
                [align=center][/align]




                [align=center][move=right]na111na@hotmail.com[/move][/align]

                تعليق

                • خالدالعصيمي
                  عضو ماسي
                  • Aug 2003
                  • 688

                  #9
                  الاخ وصل

                  لاهنت على المرور المعتاد

                  لك اجمل تحيه

                  تعليق

                  العمل...