اهل الطيب / نداء العياضي

طي
X
 
  • التوقيت
  • إظهار
مسح الكل
المشاركات الجديدة
  • نداء العياضي
    عضو
    • Sep 2008
    • 13

    #1

    اهل الطيب / نداء العياضي

    [poem=font="simplified arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
    ياسعود جرح القلب زاد التهابـه=واعروق قلبي قام يكفـخ لهبهـا
    عشت العمر ياسعودضيق وكابـه=وافراح وقتي حظي اللي حجبهـا
    الهم كني بيـن ضرسـه ونابـه=والنار وسط الجوف شبت حطبها
    واجر قلبي جـر قـوس الربابـه=جرت هواوي في لحونه سحبهـا
    الناس صارت كنها وسـط غابـه=دنيادنيـه تبلشـك فـي نشبهـا
    الله خلق بالناس وجـه التشابـه=قومن على نيه وبه نـاس نبهـا
    الطيب اللي صافي الطيـب جابـه=والاولـه فالـه بكفـه كسبـهـا
    اللـي يقـدر ويتقـدر جنـابـه=عند الرجال اللي عريبـن نسبهـا
    اللـي كلامـه در لامـن حكابـه=اللي لاجته القـوم تاخـذ طلبهـا
    والا الردي لاجيت له صـك بابـه=واليا ابتلش كل المخاسر حسبهـا
    اللي كلامـه كـن فيـه انقلابـه=اللي لاسولف كـل كلمـه قلبهـا
    والا بخيل المـال بهجـر ترابـه=وناس الجهاله عيب اخالط عصبها
    ولا تحقر اللي تجهلـه لا تعابـه=والكلمه الكوعاء على من جلبهـا
    منْ لايهاب الناس محـدن يهابـه=واللي طعم كاس العناء ماشربهـا
    اصاحب اهل الطيب والطيب لابـه=لو كان من اقصى القبايل عربهـا
    بعض الاجانب ليتهم لـي قرابـه=وبعض الاقارب ليت مالله قربهـا
    اهل الجهل صارو قـروم وذيابـه=بقروشهـا والا بلمعـت رتبـهـا
    القرم مابه شخص يحسب حسابه=والناس غير المال وشهو جذبهـا
    المال عند العـود قمـت شبابـه=عشنا وشفنا بالحيـاه وعجبهـا
    كم به غني معطى علوم وذرابـه=وكم به فقير ادموع عينه سكبهـا
    والخط واضح فوق سطر الكتابـه=اهل الحكم واهل الطرب في طربها
    والهم بيت الحزن واخفى زهابـه=والفرحه ابعد من ثرى نجد لبهـا
    شاب القلم والجـرح زاد التهابـه=وحبل المواجع جر روحي سلبهـا
    ماهو عتاب اقولهـا مـع طلابـه=شاعر ودمعه من دموعـه كتبهـا







    [/poem]
  • محمد النفيعي511

    رابطة محبي الهيلا

    • Jan 2008
    • 2128

    #2

    تعليق

    • عبدالرحمن الهيلوم
      عضو
      • Apr 2007
      • 21232

      #3
      صح ااالسانك وينانك ياااااااالغااااااااااااالي

      تعليق

      • نداء العياضي
        عضو
        • Sep 2008
        • 13

        #4
        الف شكر على مروركم ولكم ودي واحترااامي

        تعليق

        • كعام المعادين
          عضو نشيط
          • May 2009
          • 54

          #5
          صح لسانك مدد بلاعدد

          ولك كل التقدير والاحترام

          تعليق

          العمل...