راع الولع لوتنصحه يالعياضي

طي
X
 
  • التوقيت
  • إظهار
مسح الكل
المشاركات الجديدة
  • ((الدلبحي))

    رابطة محبي الهيلا

    • Mar 2003
    • 6010

    #1

    راع الولع لوتنصحه يالعياضي

    قال الشاعر بدر بن عواد الحويفي هذه القصيده في صديقه الشاعر مقعد العياضي لانه ينصحه عن الصقاره :
    راع الولع لوتنصحه يالعياضي
    المنتحي شور العرب مايطيعه
    لوقلت طعني قلت بالقلب حاضي
    مارتاح لين البرد ينزل صقيعه
    لاشفت نزاز الطفل بالفياضي
    والسيل ناقع والمنادي سبيعه
    واخضر نبات القاع عقب الرماضي
    زان التمشي بالديار الوسيعه
    هذيك والله منوتي يابوماضي
    بأقصى الخرم والايسار الوديعه
    بالبر لوهو برد مبسوط راضي
    طبعي وكلٍ له مزاج وطبيعه
    وتحت المكيف بس اهوجس وفاضي
    اوجس كسل واوجس عضامي وجيعه
    برده يعقب بالمفاصل شواضي
    يدخل صماصيم العضام المنيعه
    لاقمت جاني بالعضام انتفاضي
    لوماتعنز طحت طيحه وقيعه
    انا خشن ومسن ماني غضاضي
    ولفح الهبايب والسموم استطيعه
    واليا انتحى هاجوس جاشي وهاضي
    مالي مع اهل السوق شريه وبيعه
    دنيت مايطوي بعيد الاراضي
    وسلمت مفتاح الوداعه وديعه
    وكملت من راع البقاله مقاضي
    مدهال مكفي الهموم وربيعه
    ومعي اشقرٍ جثل المناكب غلاضي
    افحج مسرول والمناخر وسيعه
    والبوز وافي والثنادي عراضي
    حرشٍ كفوفه مثل شوك النقيعه
    صيروم ضربه بالهداد انقضاضي
    مضرب كفوفه بالحباري شنيعه
    طلعه عليهن فزةٍ بأنتفاضي
    يردم وله كسره عليهن سريعه

    وسلامتكم
  • خالدالعصيمي
    عضو ماسي
    • Aug 2003
    • 688

    #2
    بالبر لوهو برد مبسوط راضي

    طبعي وكلٍ له مزاج وطبيعه


    صح اللسان القايل

    وسلمت يمين الناقل

    تعليق

    • وصل العطياني؟؟؟
      مشرف عام
      • Jul 2003
      • 3809

      #3
      ياسلااااام...
      سلمت يمينك ...
      ولك الشكر...


      تحياااااتي.
      [align=center][/align]




      [align=center][move=right]na111na@hotmail.com[/move][/align]

      تعليق

      • ((الدلبحي))

        رابطة محبي الهيلا

        • Mar 2003
        • 6010

        #4
        مشكور اخوي وصل على المرور ويعطيك العافيه

        تعليق

        • ((الدلبحي))

          رابطة محبي الهيلا

          • Mar 2003
          • 6010

          #5
          خالد شاكرين ومقدرين لجميل العباره التي تكتبها
          يعطيك العافيه
          تقبل تحياتي

          تعليق

          • ابو وعيل
            مراقب سابق
            • Aug 2002
            • 1707

            #6
            بيض الله وجهك

            وصح لسان القايل

            تقبل تحياتي ،،،،

            تعليق

            العمل...