قصيدة يكافئ قائلها بنصف مليون ريال وقطعة ارض

طي
X
 
  • التوقيت
  • إظهار
مسح الكل
المشاركات الجديدة
  • نهار
    عضو نشيط
    • Oct 2003
    • 44

    #1

    قصيدة يكافئ قائلها بنصف مليون ريال وقطعة ارض

    قصيدة الملازم / مشعل بن محماس الحارثي / التى القاها امام صاحب السمو الملكي الامير سلطان بن عبدالعزيز في ميدان مجموعـة لـواء الملك خالد الرابع في المنطقة الجنوبيه يوم السبت الماضي.والتى نالت استحسان سموه ، وتم مكافأته بميلغ (500000 الف ) ونقله الى مكتب سموه ، وقطعة ارض من الامير خالد ، ومبلغ مالي غير محدد ، ومن نـائـبــه مـبـلــغ مــالــي غــيـــر مــحـــدد.
    [poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]
    خل النياح وفارق العـش يـا طيـر=غرد وهز الريش فـي كـل عالـي
    اليـوم هـذا غيـر وأيامنـا غيـر=والبارحـه ماهـي سـوات الليالـي
    الأرض صارت في عيوني نواويـر=والبـدر تـم وجامكـان الهـلالـي
    وأبها تحدت فـي بهاهـا الغناديـر=فلـت جدايلهـا وقـامـت تـلالـي
    وفي وجه خالد للفرح ألـف تعبيـر=وحجاج فيصـل فيـه كـل ابتهالـي
    من السعادة باقـي شـوي ونطيـر=عز الله ان اللي لفـا الـدار غالـي
    يامـر حبـا مـاغـرد العصافـيـر=يامرحبـا مـازاف نبـت السهالـي
    ترحيب أحلى من حليب المصاغيـر=وضح رعت روض ربيـع وخالـي
    باللي شكت رجله طـوال المشاويـر=ياطابهـا درب الخـطـر مايبـالـي
    قرت عيون اللـي يحبـون ياميـر=طاريك.. والاالحيـن شفتـك قبالـي
    ياما حسبت الوقت حسـب الدنانيـر=اسامـر انجـوم الثـريـا لحـالـي
    مبطي وانا اسمع فيك وصف البياطير=واليوم جالي في القصيـده مجالـي
    يا سيـدي مـال القوافـي معاذيـر=عـن البيـوت الوافيـات الجزالـي
    من لاجعـل للمـدح قيمـه وتقديـر=ماضنتـي يلفـت ذهـون الرجالـي
    وانت الذي معك السحاب المزابيـر=تمشي ميتبعـك الحيـا والخيالـي
    وانت الذي بسمك تبـاع الأساريـر=ومثلك له اسمـاءً عـراضٌ طوالـي
    سلطان يا سلطان من يومك صغيـر=مافي تسلطانـك وشخصـك جدالـي
    كانـوا ولازالو يسمـونـك الخـيـر=وياكثر الاسما اللـي تزاحـم فبالـي
    كريـم سبـلا الأزبـون المخاسيـر=طلـق الحجـاج الابعيـد المـدالـي
    درع البـلاد الاطويـل الاشابـيـر=أبـو اليتيـم الاعشيـق المعـالـي
    لو الله ابن مسطر المجـد تسطيـر=على حصـى الأرض ونفودالرمالـي
    واخو فهـد ذروة سنـام المشاهيـر=صفوت ملوك الارض بـاول وتالـي
    فهـد ولاقلنـا فهـد جـاوب النيـر=تهتـز لسمـه راسيـات الجبـالـي
    زعيمنا اللي للعـلا واصـل السيـر=حتـى تعلينـا علـى كـل عـالـي
    مال الطموح بوسط راسـه معاييـر=ولا للعوج عنـده ياكـود اعتدالـي
    اليازعل تزعـل ملـوك وجماهيـر=وليا رضى ينهـى جميـع الجدالـي
    ما يشبه غير الثنيـن ألمنـا عيـر=انته وابـو متعـب كريـم السبالـي
    عبدا لله اللي فيه من سالـم الزيـر=خطل اليمين الليـث حـام التوالـي
    سقم العـدو الياهـرج دون تفكيـر=رده على العـدوان جاهـز وحالـي
    نفخـر بكـم والا القصايـد تعابيـر=يا شيوخ نجد الشعب كلـه موالـي
    والله لوفيكم عـن الملـك تقصيـر=ما خصكـم ربـي عظيـم اجلالـي
    منا وفينـا مـا لفيتـو مـدا ويـر=حكامنـا وقـت الدهـور الهزالـي
    ورث الجدود امن الليال المعاسيـر=قبل القصور وقبل صـرف الريالـي
    هاك الزمام سلاحنـا حملـة بعيـر=ومـن يومهـا متوثقيـن الحبالـي
    منها جنـا واضـح ولافيـه تغييـر=نموت مـا نرضـى عليـه البدالـي
    ما استعمرونا اللي غذاهـم خنازيـر=تشهد لنا شهب السنيـن الخوالـي
    من قبل عاشر جد ابو بوش وبليـر=ماهي ثـلاث شهـور والاحوالـي ؟
    واليوم فـي وقـت الرخا والتياسيـر=شفنـا العجـب لااوالله الاالهبالـي
    يا كثر ما قمـت تسـوق المقاديـر=وياشيب عينـي لاذكـرت وطرالـي
    المسجد اللي هزه أصـوات تفجيـر=في حـزة فيهـا يجـاب السوالـي
    والمسلم اللي ذبح مـن دون تبريـر=ودم الرضيع اللي على الوجه سالـي
    ينشدك يا مكفر هـل الديـن تكفيـر=وش حكم ذبح المسلميـن العزالـي
    تدبـر القـران والهـدى تدبـيـر=واخذ الجـواب بصيغـة والكمالـي
    فضحكـم الله يـا لوجيـه المغابيـر=ياطغمـة التخـريـب والانحـلالـي
    واللي على الفتنـه تـدق المزاميـر=نعرف مطامعهم علـى كـل حالـي
    ونعرف من يدفع رسـوم الفواتيـر=يا لحيه اللـي جحرهـا الاحتلالـي
    لنحورهـم حنـا سـوات الازاريـر=حنا حمـاة الديـن ياهـل الظلالـي
    الأرض نزرعها رمـاح ومساميـر=يحـرم عليهـم وطيهـا بالنعـالـي
    ديارنا مـا هيـب كابـل وكشميـر=ياهمـلالـي صــدق ياهمـلالـي
    حامينها الاجـداد عـج ومعاصيـر=بسيوفهـم علـى ظهـور الجمالـي
    واليوم يا سلطـان شفهـم طوابيـر=ملو من المجلاس تحـت الضلالـي
    يبـون يـوم فيـه للحـق تكبـيـر=عـن الكـلام تبـان فيـه الفعالـي
    ياسيدي قل وش تبي بس ويصيـر=حدد هدف لـو هـو عسيرالمنالـي
    فالجـو نفاثـه وفالقـاع جنـزيـر=وان مت هاك اليوم من طيب فالـي
    هـذا وطنـا ماسكـنـاه تهجـيـر=الجيـش واحـد ماجمعنـا الحثالـي
    لوينتخـي عرعـر تلبيـه خرخيـر=كل الجنوب يصير جنـب الشمالـي
    لا يا وطن لا تحسـب انـا مدابيـر=لوالدهر في بعـض الاحيـان مالـي
    طالبك لاتجفل مـن الوقـت وتذيـر=وكــلٌّ ابـنـاك وبالله الاتكـالـي
    وان كان ما شفت السعد والتباشيـر=عيـبُ علينـا لبسـنـا للبـدالـي
    نذرً على لحرسك وافديـك واغيـر=ديني وعرضي فيـك واغلى حلالـي
    واللـي ياثـر فيـك بيـات تاثيـر=ابرى منـه لوكـان عمـي وخالـي
    وان مت واخذتني صروف المقاديـر=والله لوصـي فيـك حتـى عيالـي
    [/poet]
  • ابو وعيل
    مراقب سابق
    • Aug 2002
    • 1707

    #2
    بيض الله وجهك اخوي نهار .. على نقلك القصيدة الجميلة

    التي اصبحت قصتها مشهورة جداً عن جميع الناس ....

    تحياتي لك

    تعليق

    • الدهاسي
      عضو ماسي
      • Jan 2003
      • 547

      #3
      صح لسان قايلها وتسلم يدينك

      تعليق

      • الراااااسي
        عضو نشيط
        • Jan 2004
        • 39

        #4
        صح لسان الشاعر


        قصيدة رااااااااااائعة


        و تسلم يمينك على النقل


        و تـــــقــــبـــ تحياتي ـــــلــــوا

        تعليق

        • وصل العطياني؟؟؟
          مشرف عام
          • Jul 2003
          • 3809

          #5
          لاهنت ...
          قصيدة تستاهل فعلاً...
          يعطيك العافية...
          وصح لسان قائلها...



          تحيااااااتي.
          [align=center][/align]




          [align=center][move=right]na111na@hotmail.com[/move][/align]

          تعليق

          • الوليد الاسعدي
            مشرف عام
            • Jul 2003
            • 2336

            #6
            غلو :
            فـهــد ولاقـلـنــا فــهــد جـــاوب الـنــيــر *** تـهـتــز لـســمــه راســيــات الـجـبــالــي


            تعدي على الله :
            والله لـوفـيـكــم عــن الـمــلــك تـقـصــيــر *** مــا خـصـكــم ربـــي عـظــيــم اجــلالــي

            ؟؟؟؟!!!!! :
            نــذرً عـلــى لـحـرســك وافـديــك واغــيــر *** ديـنــي وعـرضــي فـيــك واغـلــى حـلالــي


            وعسى الله يحفظ لنا ديننا ويحفظ حكومتنا للخير دايم .
            [bdr][/bdr]
            و أنا عتيبي من سلالة هـوازن *** ربعي عوايدها الفخر من جدودها
            ما نوشي الفتنه ولا نحرث الردى *** ولا نهاب اليا تسامت وقودها
            ان ميل الميزان من قوم يمنا *** صبرنا لها لوكان كبرت لهودها
            وان ميل الميزان منا على العدا *** نروي من السم السقطري كبودها

            تعليق

            • @عريب الساس@
              عضو ذهبي
              • Mar 2003
              • 316

              #7
              شاااعر بمعنى الكلمه............................................ ..........


              وتسلم يانهار على النقل|4|

              تعليق

              • ((الدلبحي))

                رابطة محبي الهيلا

                • Mar 2003
                • 6010

                #8
                يعطيك العافيه
                بالعون ماقصرت ياتهار
                تسلم يمينك وصح السانك والسان الحارثي

                تعليق

                العمل...