قصائد للمرحوم بندر بن سرور

طي
X
 
  • التوقيت
  • إظهار
مسح الكل
المشاركات الجديدة
  • >>>النفيعي<<<
    عضو
    • Jul 2008
    • 15

    #1

    قصائد للمرحوم بندر بن سرور

    قـصـيدهـ واعجبتني وحبيت انقلها لكم ...
    (( ... للـشاعر المرحوم بندر بن سرور العتيبي ... ))

    اما لطمنا العيل والا الطم العيـل // مادام شب النار منـدوب الاطفـا
    من ذاق حر القايله يعشق الليـل// ومن شب ضوه ليلة البرد يدفـا
    امسيت في جيلٍ ولاهوب ذالجيل//واصبحت والا ديرتي شبه منفـا
    واللي حما بيتـه... بطيـر ابابيـل.. //ماجيت ادور كل من صـد وقفـا
    ولاجيت ابشحذ .. يانما دلّه وهيـل // جيتك وجرح الظلم غاديه يشفـا
    جيتك بكلمه.. كنها صعقـة الويـل ..// ان قلت تكفـا لاتهـاون بتكفـا
    تكفا .. تراها كلمـةٍ تقطـم الحيـل // لابالله الا تنسف الحيـل نسفـا
    تكفا .. ترا تكفا لها هـدرة السيـل // في صدر حرٍ ينتف الطيب نتفـا
    تكفا.. ترا تكفا لها تسّـرج الخيـل // ان كان لك في مجمع الخيل عسفا
    تكفا .. تراني من قـرومٍ مشاكيـل// حماية الساقـه بسيـفٍ وشلفـا
    تكفا .. وتكفـا.. ماتسـاق لمهابيـل //تكفا تخلّي القـرم لاشٍ وهطفـا
    تكفا.. ترى تكفا.. تهـزّ الرجاجيـل // لولا ضروف الوقت ماقلت تكفـا

    والشاعر غني عن التعريف ... من ابياته المشهوره ...
    يا سخيف الذرعان منيب مرجوج // رجتني الايام جتني بحيله
    يا بنت لولا الي على تاسع الفوج // تركت نجد وعزوتً بالقبيله
    لا شك حاديني على نجد هيدوج // مسقي الفيافي لين يدرج مسيله
    تركي لمن البلاوي غدن عوج // حمله عتيبه كله ما تشيله
    يرسي كما امين البواخر على الموج // ومنين ما صك البحر يرتكيله
    مدام تركي حي ما ودي ادوج // وأن غاب غبت انا من الرجوم الطويله

    اعجبتني هالقصيده له
    يـا الله يـا جــــال الأمــــور الـمـهـمــــــه// تـجــلا وهـج قـلـب بــرا حـــال راعـيــــــه
    الـبـر دجـتـه والـبـحــر رحــت يـمـــــــه // يـقـطـعـــك يـا حـظ عـلـى الله مـسـاعـيــــه
    يـوم أن ولـد الـلاش رزقـه عـلـى أمـــــه //رزقـي عـلـى اللـي مـيـت الـقـشـع يـحـيـيـه
    يـأمــل قـلـب كـــل مـا مـــات هـمــــــــه// دارت دوالـيـب الـدهــــر لـيـــن تـحـيـيــــه
    فـراق شـمـل الـنـــاس عـيـــا يـلـمــــــــه//وقـت يـشـيـب الــرأس مـن شـايـــة فـيــــه
    أحـــــدٍ يـنـــام وحــط رأســــه بـكـمـــــه // وأحــدٍ تـخـم الـنـــوم عـيـنــــه وتـخـطـيــه
    وأحــدٍ يـحـاول بـالــردى بـنـت عـمـــــه // وأحــدٍ يـحــــول سـتـر عــذراء عـوانـيــه
    مـانـي وأنـا بـنـدر بـبـيــــاع دمــــــــــــه // يـقـطـعـك يـا بـيــــاع دمــه ومـهـفـيـــــــه
    الـلـي يـبـيـــع لابـســـــــات الازمــــــــه// ثــور يـبـا بـيـض الـرعـابـيـب تـغـنـيـــــه
    يـزعــل لـيـا جـت لـيـلــة الــدور يـمــــه//يـرضـى بـســوق المــال فـخــوه وفـأبـيـه
    خـطـو الـبـخـيــل الـلـي يـكـبــر مـعـمــه//يـقـرأ الـكـتـاب وواجــب الله يـخـلـيـــــــه
    إمـر هـرج لـك فـي رفـيـقــــه بـنـمــــــه//والاعـطـــا وامـــــه تـضـيــع هـقــاويـــه
    أنـشـدك يـا لـلـي كـل فــرض تـتـمـــــــه// تـقــرأ الـكـتـاب وكـل فـرض تـصـلـيــه
    ويـش الـقـلـيـب الـلـي غـمـيـق مـجـمـــه//ما فـاد غـرسـه مـاه عـطـشـى سـوانـيــه
    تـخـالـف الأنـظـــار شــرق ويــمــــــــه// وكـل هـدف رآيـه من الـنـاس مـرضـيـه
    سـم الـسـبـب يـا عــارف عـنــه سـمــــه // ســم الـسـبـب يـا عـارفــه قـبـل اسـمـيـه

    مع تحيااااتي
    ...
  • سلطان روق
    عضو ذهبي
    • Jun 2007
    • 387

    #2
    الله يرحمه

    لاهنت يالنفيعي على النقل الراائع

    تعليق

    • فهد النفيعي
      مشرف سابق
      • Dec 2005
      • 11363

      #3
      الله يرحمه ويغفرله

      سلمت يالنفيعي على نقلك واختيارك

      تقبل مروري

      تعليق

      • كاسر الحوم
        عضو ماسي
        • Oct 2007
        • 545

        #4
        [align=center]يالنفيعي لاهنت على النقل

        والله يعطيك العافية

        واعتقد ان القصيدة الاولى ما تخص بندر القسامي

        وهذي هي القصيده كامله ويقال انها لشاعر اسمه محمد الدحيمي


        [poem=font="simplified arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
        علم العفا وعفاك ياوافي الكيل=بساطة أبشرك في خير وعفا
        نكفي بعضنا وانتكافا على الشيل=واللي تعب من الحط والشيل يكفا
        من ذاق حر القايلة يعشق الليل=ومن شب ضوه ليلة البرد يدفا
        لاعاد ليل ٍنمت به حرى سهيل= وخايلن نوض ٍيخطف العين خطفا
        أمسيت في جيل ٍولاهوب ذا جيل= وأصبحت وإلا ديرتي شبه منفا
        كنا على فال الشحم والمعاميل= ونفوسنا أنقى من نقى العد واصفا
        وأنا ولو راحت بقولة تساهيل=صلف وصروف الوقت تحتاج صلفا
        ياترج جداني زحول الرجاجيل=يحرم فلا لي عنك ياترج مقفا
        إما لطمنا العيل وإلا ألطم العيل= مادام شب النار مندوب الأطفا
        خل أبرهه الأشرم على ذمة الفيل=وانظر لظلم مايوصفه وصفا
        ياذيل والله ماتجي راس ياذيل= علم ٍماهو يغبى ولاهوب يخفا
        واللي حما بيته بطير ٍأبابيل= مناجيتك أدور لمن راح وقفا
        ولا جيت أطلب منك بن ٍولا هيل=جيتك وجرح الظلم غاديه يشفا
        جيتك بكلمه كنها صعقة الويل= إن قلت تكفا لاتهاون بتكفا
        تكفا تراها كلمة ٍتقطم الحيل= لا با الله تنسف الحيل نسفا
        تكفا ماهي لمعقبين الفناجيل= تكفا لصلف وعادة القرم صلفا
        تكفا ترى تكفا لها هدرة السيل= في صدر حرٍ ينتف الطيب نتفا
        تكف تري تكفا لها تسرح الخيل= إن كان لك بالخيل سرجٍ وعسفا
        تكفا تبين كل لاش ٍوحلحيل = تسمع لها بالصدر هبد ٍورجفا
        تكفا وتكفا ماتساق لمهابيل= تكفا تخلي القرم لاش ٍوهطفا
        تكفا تجنبني هل القال والقيل=مانيب من ينكف على كل ملفا
        تكفا تراني من قروم ٍومشاكيل= حماية الساقه بسيف ٍوشلفا
        تكفا ترى تكفا تهز الرجاجيل=ولولا صروف الوقت ماقلت تكفا [/poem]

        واللي عنده علم عن هذه البيت اكثر ياليت يوضح

        وعسى الله يرحمك ويغفرلك ويسكنك الجنه يامتنبي عتابه[/align]
        تم التعديل الأخير بواسطة كاسر الحوم؛ 28-Aug-2008, 01:12 AM.

        تعليق

        • عبدالرحمن الهيلوم
          عضو
          • Apr 2007
          • 21232

          #5


          مااقول ياولد العم

          الا الله يجعل الجنه داره والله الي به شااعر

          ويابندر بن سرور وين انت // قصيده لبن عرويل الغالي


          وفق الله اعتيبة الهيلا

          تعليق

          • فهد العطاوي555
            عضو ماسي
            • Jul 2008
            • 533

            #6
            اله يسكنه فسيح جناته يارب

            تعليق

            • >>>النفيعي<<<
              عضو
              • Jul 2008
              • 15

              #7
              لا ياكاسر الحوم القصيده لبندر بن سرور وهذي كلها اشاعات

              ومحمد الدحيمي شاعر اول مرة نسمع فيه
              وتقبل تعقيبي


              قصيده محمد الدحيمي اللي انت حاطها فيها كسور واجد
              تم التعديل الأخير بواسطة >>>النفيعي<<<؛ 28-Aug-2008, 02:29 PM.

              تعليق

              العمل...