قصيدة الشاعر مانع القبع ...يارب هونها على عبدك وباله طوله

طي
X
 
  • التوقيت
  • إظهار
مسح الكل
المشاركات الجديدة
  • السمي البقمي
    عضو
    • Aug 2008
    • 8

    #1

    قصيدة الشاعر مانع القبع ...يارب هونها على عبدك وباله طوله

    مانع القبع
    يارب هونها على عبدك وباله طوله
    يـــارب هـونـهـا عـلــى عـبــدك وبـالــه iiطــولــه
    لا تبتـلـي مـــدرك مخالـيـقـك بـجـهـل الجاهـلـيـن

    نــاس أذكـيـا صاحـيـن فالدنـيـا ونـــاس iiمغـفـلـه
    يا ساتـر ألطـف بالعبـاد اللـي رقـودن مـن سنيـن

    الـلـي تـبـي تـرقـد وتبـغـا يــوم تصـحـى iiمـنـزلـه
    الهـون قـل يـا تابعـه ضايـع مـن اللـي iiضايعـيـن

    وأن ما رضا يضرب براسه في حصا ضلع جبلـه
    راحت علـى الغافيـن نومـه وأنـت سيـد العارفيـن

    المـيـت الـلـي حــي لـيـن يجـيـه مـوتـه iiبـوحـلـه
    يالله عسـانـا فـيـه مــا حـنـا بضـمـن iiالشامـتـيـن

    إن ما دخلت قلـوب الأرض أحسـن ثراهـا iiتدخلـه
    مـن لا نـفـع نفـسـه تــرا مـابـه نـفـع iiللمسلمـيـن

    يـا هيـه يـا غاويـن يـا غاديـن يــا اهــل iiالبلبـلـه
    نـــاسٍ لــهــذا الــحــد رجـعـيــه ورا iiمـتـأخـريـن

    بــاب التفـاهـم عــن جهلـهـم قــم ســده iiوأقـفـلـه
    يمكـن بعـد ملـيـون عــام يــروح ويـعـدي iiتـزيـن

    الـجـاهــل يـعـلــم ويـتـعـصـب لــرايــه iiوجـهـلــه
    النـاس جـايـه والغـبـي مقـفـي عـكـس iiالمقبلـيـن

    أبـــو مـركــب نـفــس مـــا يـلـقـا مـكــانٍ يقـبـلـه
    وشلـون اجـل مخطـي الثنتيـن مــن دنـيـا iiوديــن

    قـصـايــدٍ يـقـولـهـا الــبـــارح زمـــــان مـقــولــه
    مسكيـن يـا لابـس ثيـاب وعـصـر نــاسٍ iiميتـيـن

    يـا شيـن مأخـذ حـاجـةٍ لأصحابـهـا ماهـيـب iiألــه
    يبغـا ولـو كـان بـردى راســه مــع العـالـم iiيبـيـن

    شـعـرٍ هــذا اتــلاه تبـغـى الـصـدق ينـعـاف أولــه
    مافيـه عفـة حـب قيـس ولا فـخـر غــزوة iiحنـيـن

    مــن مهـزلـه نطـلـع ونـدخـل كــل يــوم iiبمهـزلـه
    وهـذا هـو اللـي حـد مـن كثـر إنتشـار المبدعـيـن

    كــلٍ يـقـول العـلـم عـنـدي سـالـم الـزيـر iiأزهـلــه
    ويذبـح ويسلـخ بــس مــا شفـنـا جنـايـز iiميتـيـن

    عشان ضحل الفكر ضحل العرف فكره ما أضحله
    حفـظ لــه أسمـيـن وقــرا كتابـيـن iiللمستشرقـيـن

    فــي بـالـه أنــه صــار أنشتـايـن مـثـل iiمستقبـلـه
    يا ما أظلم الإنسان شوف الفرق مـا بيـن iiالثنيـن

    كذبـة زمـن مفضـوح ومـوهـول ونــاس iiمهـولـه
    قامت تصلي شـرق مـا كنـا نعـرف الشـرق iiويـن

    خالـف وتعـرف تصبـح أبـو الفلسـفـه والمرجـلـه
    أهـل المهايـط فـي زمـان صـاروا الـلـي مفلحـيـن

    وألا وشـنـهـو فـعـلـه الــلــي للـتـعـالـي وصــلــه
    مـا يـدري إن الأنبيـاء وأهــل القـيـم iiمتواضعـيـن

    قــل للسفـيـه الـلـي يـبـي وقـتـه خـــلاف iiيـبـدلـه
    ويـحـط لــه فـعـل ومـكـانـه نـحـمـد الله iiمغتـنـيـن

    أهــل الثـقـه بالـنـفـس مـعـروفـه وفـعــلاً تفـعـلـه
    والــزود دايــم تكمـلـه للنـقـص عـنـد iiالناقصـيـن

    الـيـوم كـلـن راســه الأصـلـع نـبـت فـيــه نـخـلـه
    واللـي مدانـه بالـردى لأهـل الشـرف تبغـا iiتـديـن

    الطـيـب خـلـوه ألـهـلـه والـشـعـر خـلــوه iiألـهـلـه
    للمبـدعـيـن الأولـيــن والمبـدعـيـن iiالـحـاضـريـن

    ترقـاك يــا لـيـل السـهـر عيـنـي ونــوب iiتحـولـه
    اللـي رقيتـه مـن يـسـار الـهـم حــول بــي يمـيـن

    أحـاول أنقـض كـل بيـت أبـيـت والنـقـض iiأفتـلـه
    وارضي غـرور الشعـر وأكـب اسهلـه iiللساذجيـن

    مـن حـب هاذيـك الجفـول أطلـع وأطيـح iiبمشكلـه
    وأنا حسبت الحب جنة غصن كـرم وغصـن iiتيـن

    وشلـون لا مـن جابـهـا فــي كــل شــيء iiمطبـلـه
    والعيـن وسدهـا السهـر والقلـب وســده iiالحنـيـن

    الشوق أله والوجد أله والضحك أله والدمـع iiالـه
    والـحـب مـثـل العـمـر مــره مــا نعيـشـه iiمرتـيـن

    اللـي لـو يطلـب خفـوقـي قـلـت فــي كـفـك iiشـلـه
    وقدمـتـه بكـفـي وقـلـت أخـذيـه وشـلـه iiتحتـريـن

    وأقفـى وأنـا كفوفـي غـلا بـالـورد كـانـت iiمقبـلـه
    ومـن يومـه مـا عـاد أبـد شميـت ريـح الياسميـن

    عطيته أجمـل شـيء فـي وراح مـا أخـذت أجملـه
    ولا عاد أشوف الزين كلن في عيوني صار iiشين

    رغـم إنـه القاسـي وهاجـرنـي ولا رحــت أسـألـه
    أجمل سمه تدري وشنهـي : عـزةٍ فـي iiالعاشقيـن


    أتمنى أن تحوز القصيده على إعجابكم
    وتقبلوا تحيات أخوكم :::::السمي [mark=#000000]البقمي [/mark]
  • عبدالرحمن الهيلوم
    عضو
    • Apr 2007
    • 21232

    #2
    صح السان القبع
    زالسانك يالبقمي
    وحياااااااااااك الله

    تعليق

    • غازي بن فلاح الربيعان
      موقوف لمخالفة الأنظمة
      • Jul 2008
      • 229

      #3
      صح السان شاعر القوابعه
      ومشكووووووووووووور يالسمي

      تعليق

      • جراح البرقاوي
        موقوف لمخالفة الأنظمة
        • Jul 2008
        • 189

        #4
        صح السانه والسانك ياااالذيب

        تعليق

        • يزن الهيلوم
          عضو ماسي
          • Dec 2007
          • 675

          #5
          صح السان شاعر الهيلا
          وحياك يالبقمي

          تعليق

          • السمي البقمي
            عضو
            • Aug 2008
            • 8

            #6
            مشكورين
            ماقصرتم وما سوينا إلا الواجب
            وعتيبه الهيلا
            شعارها
            واجد وقصايدهم تبيض الوجه والله
            والله ونعم فيها وابشعارها

            تعليق

            العمل...