يا ضـــــــــــــــــــــلع

طي
X
 
  • التوقيت
  • إظهار
مسح الكل
المشاركات الجديدة
  • المزنكي
    عضو نشيط
    • Mar 2006
    • 46

    #1

    يا ضـــــــــــــــــــــلع

    يـا ضلـع جعـل الغيـث يسقيـك نـوه
    مـن مزنـةٍ غــرا مطـرهـا رهــاواه
    ضـلــعٍ اذا زاد الــدهــر زاد قــــوه
    مـا جـاه مـن طـول الليالـي رخـاواه
    ضلـعٍ اذا سقـت الـقـدم فــي عـلـوه
    جلست لي فـي مجلـسٍ لـه طـراواه
    عقب البطـى شوفـة فياضـه وجـوه
    يبعـد عـن القلـب الشقـي الشقـاواه
    بـيـنـي وبـيـنـه خـــوةٍ وأي خـــوه
    خـوة قسـا مـاهـي بـخـوة فـضـاواه
    أليا انزعجـت مـن الزمـان المشـوه
    لقـيـت فــي عـالـي نـبـاه الـهـداواه
    وان بـار فـي الرفقـه قليـل المـروه
    فـي قمتـه شفـت الـوفـا والحـفـاواه
    صديـت بـه يـوم الـدهـر زاد ســوه
    وعـن عالمـه قطـع العلاقـه نجـاواه
    نـاس علـى الهفـوات فيهـم جــروه
    تركض لجمع المال ركض الفـلاواه
    نظـراتـهـم لـلـمـال كـثــره وشـــوه
    الـمـال مقـيـاس الـغــلا والـعــداواه
    رجـــلٍ بـلـيـا مـــال كــــل عــــدوه
    وراعي الكنوز الطايله فـي النبـاواه
    والمـال كـم شيّـخ مـن النـاس بــوه
    لو كان ما يسوى مـن القـدر مـاواه
    والـقـل كــم لــوى مـــذارع فـتــوه
    هو من هلا الردات وأهل الصخاواه
    يضحـك علـى الطيـب ردي الربـوه
    طـيـور شـلـوا بيـدتـهـا الـصـعـاواه
    مـن الحـسـد قــام يـحـذف ويتـفـوه
    وبيتـه لصلـفـات الهبـايـب مـفـاواه
    ناس مشـو علـى الطريـق المشـوه
    صلـى بهـم مـن لا يعـرف التـلاواه
    ممشى الفتـى فـي خايـعٍ سـال تـوه
    قفـر عليـه مـن الحـبـاري حــراواه
    يبعـد عـن الأنــذال ويـشـب ضــوه
    ويـحـط منـزالـه بــراس الـعــلاواه
    يبـرد بهـا صــدره ويـرفـع سـمـوه
    ويـشـوف للدنـيـا طــراه وحــلاواه



    خــــالد بن مدعث الدوسري
  • عبدالرحمن الهيلوم
    عضو
    • Apr 2007
    • 21232

    #2
    صح السات ابو مدعث
    مشكووووووووووووووووور يالغالي

    تعليق

    • الدعجاني 090
      عضو نشيط
      • May 2007
      • 72

      #3
      [align=center]المزنكي يعطيك الف عافيه على القصيده لاهنت

      تحياتي لك [/align]

      تعليق

      • فدا لعتيبه
        عضو ماسي
        • Mar 2008
        • 444

        #4
        المزنكي
        يعطيك العافيه
        صح لسانك
        دمت بسلامه...

        تعليق

        العمل...