صدفه لقيت الشعر في قسم الاعصاب

طي
X
 
  • التوقيت
  • إظهار
مسح الكل
المشاركات الجديدة
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #1

    صدفه لقيت الشعر في قسم الاعصاب

    [align=center]اسعد الله اوقاتكم بكل خير

    هذه رساله من الشاعر الكبير / جوهر بن غالب الحربي ..

    قرأتها فأعجبتني واحببت ان انقلها لكم .. وتستمتعوا بقرائتها ..[/align]





    [poem=font="simplified arabic,5,red,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    صدفه لقيت الشعر في قسم الأعصاب=يبـي يشـق الثـوب ومحجزيـنـه
    وأسمع وراه بغرفته صوت وطـلاب=أحد(ن) يبي يحماه وأحـد(ن) يدينـه
    وسئلت عنه أهل العنايـه والأطبـاب=وش صاب حال العود يـا معالجينـه
    قالوا مريض ودخّل أشهار منصـاب=والظاهـر انـه مقفيات(ن)سنيـنـه
    قلت أبا زوره عجلوا فكـوا البـاب=قالوا مريض ويزعجك فـي ونينـه
    قلت أن هجرته عمد يلحقني أعتـاب=تكفـون لا تقفـون بيـنـي وبيـنـه
    قالوا تفضـل دون تقييـد وحسـاب=لو كان حال العـود ماهـي بزينـه
    وجيته وهو من ضجة الناس مرتـاب=وقام وتنهض فـي وقـار وسكينـه
    عليه مـن لبـس العيـادات جلبـاب=وسلك المغذي رابطـه فـي يمينـه
    وحبيت خشمه وأقبل الدمـع سكـاب=وأبطـى يطالعنـي بعين(ن)حزينـه
    جسمه نحيف ولحيتـه كلهـا تـراب=وبعض الكوايا واسمـات(ن) جبينـه
    معروف ما بين القرايـب والأجنـاب=شكل بدوي معـروف ملـه وطينـه
    قلت انت وشلونك عسى ما بك أسباب=وقـام يتلقـف عبرتـه فـي يدينـه
    قلت أنت لا تبكي ترى عندك أقـراب=قرابـة المولـود مــن والديـنـه
    ومش الدموع وقال ويش أنت يا شاب=فـلان وبـن فـلان وفـلان وينـه
    ناس(ن) ثنوا من دون حقي ولاغـاب=يـوم إنـهـم حيـيـن متوارثيـنـه
    متوارثين الصيت والصيت ما خـاب=ياطيـب صيتـي عندهـم حافظينـه
    حامينني من كـل جاهـل وغصـاب=مـن مـد كفـه للعبـث خاصمينـه
    واليوم شـوّه سمعتـي كـل مغتـاب=يلعب على الحبلين محـد(ن) يهينـه
    إلاّ قليل(ن) من كثير العـرب طـاب=تالي رجايـه عقـب ذقـت الغبينـه
    لعلهـم يبنـون بيتـي بـلا طنـاب=في وجـه صلفـات الليـال المتينـه
    وحقي عليهـم ذبـح تسعيـن كـذاب=ومن فـوق هـذا شرهتـي بالثمينـه
    وإن ما فعلوا هذا فـأنا مالي أصحاب=بكره تبي تصبـح عضامـي دفينـه
    بلغ لي الشعار فـي كـل الأشعـاب=تراك فـي حكـم الوصيـه رهينـه
    وأنته تنوب وكل شاعـر ليـا نـاب=يصبح كمـا الربـان فـوق السفينـه
    إما طلع و ألاّ هفـى هفيـة غـراب=والشعر ماهـو شـي لـولا سمينـه
    بلغ شواعير النبـط تصـدر كتـاب=عن عالم(ن) شعـر النبـط ظالمينـه
    قلت الوصيه واصله مابهـا أطـلاب=أبـداً تطمـن والمـراسـل أميـنـه
    وقام وتلحف وأنسدح وأغلـق البـاب=وبعد المرض عادت عليـه السكينـه [/poem]
    [align=center][/align]








    [align=center]للتواصل عبر twitter تويتر


    al_bargawy@
    [/align]
  • ابو براك

    رابطة محبي الهيلا

    • Feb 2006
    • 1587

    #2
    صح لسان الشاعر

    ومشكور يالغالي على القصيده الرائعه

    تعليق

    • وافي الخماش
      عضو ممـــيز
      • Apr 2008
      • 4089

      #3
      صح لسانه ..

      ومايشوف شر الشعر ..

      تعليق

      • محمد العتيبي

        مشرف منتدى شعراء قبيلة عتيبه

        • Mar 2005
        • 10789

        #4
        تم النشر في الأصل بواسطة ابو براك عرض المشاركة
        صح لسان الشاعر

        ومشكور يالغالي على القصيده الرائعه


        [align=center]ابوبراك
        شكرا لمرورك العذب ..
        تحيتي[/align]
        [align=center][/align]








        [align=center]للتواصل عبر twitter تويتر


        al_bargawy@
        [/align]

        تعليق

        • محمد العتيبي

          مشرف منتدى شعراء قبيلة عتيبه

          • Mar 2005
          • 10789

          #5
          تم النشر في الأصل بواسطة وافي الخماش عرض المشاركة
          صح لسانه ..

          ومايشوف شر الشعر ..


          [align=center]وافي الخماش
          مايجيك الشر ان شاء الله .. وشكرا لمرورك ..

          تحيتي
          ..[/align]
          [align=center][/align]








          [align=center]للتواصل عبر twitter تويتر


          al_bargawy@
          [/align]

          تعليق

          العمل...