والحوالة راس مال الشايبين

طي
X
 
  • التوقيت
  • إظهار
مسح الكل
المشاركات الجديدة
  • مصدة 2004
    عضو
    • Jan 2004
    • 15

    #1

    والحوالة راس مال الشايبين

    [poet font="Simplified Arabic,5,sienna,normal,normal" bkcolor="black" bkimage="backgrounds/21.gif" border="inset,5,indigo" type=2 line=350% align=center use=ex length=0 char="" num="0,black" filter=""]
    باسمك اللهم نبدا مانقولة ***يا موفق يامسهل يامعين
    عند بابك نوخ المذنب ذلوله ***ياملاذ العبد رب العالمين
    أعترف قصرت والنفس محمولة ***تتبع مازين ابليس اللعين
    المعاصي منذ أيام الطفولة ***نقترفها سر والامعلنين
    مرة الدنيا بالامال معسولة ***دار حنا في رجاها مسيرين
    لو نطول اشياء شئ مانطولة ***والنهاية في عداد الميتين
    الله اكبر يامصيفٍ صيفوله ** كل مقبل صيف قلنا مصيفين
    ياعزيزي سؤال أبغى حلولة ***لاجل يقنع راسي اللي مايلين
    الشباب اليوم شتان فلولة ***محدرين في الخطأومسندين
    في السفر صاير لهم صولة وجولة ***في بلاد المفسدين الفاسدين
    كن واحدهم بطل راعي بطولة ***في الغزاة الفاتحين الأولين
    من رقى للبست منهم صفقولة ***وان رقص له زول جوه منقطين
    ان طلب كاس لمزاجه دبلوله***لين يرى الواحد بعينه ثنين
    مابقى من فندق ألاواجروله***لالمحته قلت رجال رزين
    ياسفير او مستشار أو ريس دولة ***الوكاد أنه من السلك الثمين
    كل يوم بين هذوله وذوله ***يتسول لارحم له والدين
    ناس ترفدله وناس مرفدوله ***سهرته شحذه مرار ومر دين
    وكان ماحصل بعد هذي سيوله ***فزعة امه عند عوده فزعتين
    مع صلاة الصبح صف ذاك طوله ***عند باب البنك جمع واقفين
    صف معهم ثم نشد من كان حوله ***وين قسم الصرف للمتقاعدين
    وخذ شيكه من يدينه وصرفوله ***قال لله عاقلين موكلين
    الدراهم للغليم حولوله ***والحواله راس مال الشايبين
    والغليم ثور في عرضه وطوله ***ولايفيد الثور لو انه متين
    ماتمر اللوبي الاذاك زوله ***عسكري في فصيل مبزوطين
    كل يوم موقفينه بالحموله ***ضمن عسكر كل يوم موقفين
    في رجا اللي لامشى تصفق نعوله ***ينطل الردفين بهوين الهوين
    وين عنها في الحيا حفصه وخوله ***قبح الله ذيك والمتشبهين
    من شباب يرفض المؤمن قبوله ***العزالك ياتراث المسلمين
    الولد ذا اليوم في صفة حجوله ***والخواتم والمناكر في اليدين
    والشعر عند الكوافير امشطوله***قصة أماالهام وألاصابرين
    الملابس والغطاوي قطع شوله***الكعب مايلبس ألا قفلتين
    طب وسط السوق ويسحب رجوله**كشح سفتي لايسار ولايمين
    وين خالد؟وين طارق؟ويش هوله!؟**أنكروا سم البلا يامنكرين
    افزعوا للدين بالله افزعوا له** وش حياة نعيشها من غير دين
    يغبن الرجال من شي ن يهوله ** أؤمن ان الله مع الصابرين
    من سمعني قال لي ياهول هوله** لايشره لين يشوف الشين لين
    لايخطئني الكلام اللي أقوله ** دورة الساعة وكل شي ن يبين
    السماء عن الدعاء قفل قفوله** ليه مدري؟ يامغيث السائلين
    نية الرجال سابقةٍ فعوله *** كان زينٍ زين والا الشين شين
    الإجابة كلمتينٍ ومعقوله*** ضعف وازع دين وأخرى مقلدين
    الحضارة مصطلح وله اصوله** لاحضارةلافكر لا مجنبين
    تو مستوعبت هذيك المقولة*** ليتنا من حجنا ذا سالمين
    ياولد ذيك العرب يابن الحمولة**استمعلي ثم تنبه يافطين
    الرجولة يامدورة الرجولة** بالكتاب وسنة الهادي الأمين


    أحببت أن أنقل لكم هذه القصيدة وارجو أن تحوز رضاكم
    [/poet]
  • وصل العطياني؟؟؟
    مشرف عام
    • Jul 2003
    • 3809

    #2
    قصيدة ولا أروع...
    تسلم يمينك أخوي..

    الرجاء كتابة القائل...
    أو إذاكانت لك فننقلها لقصائد الأعضاء...










    تحيااااااااتي.
    [align=center][/align]




    [align=center][move=right]na111na@hotmail.com[/move][/align]

    تعليق

    • ابو وعيل
      مراقب سابق
      • Aug 2002
      • 1707

      #3
      قصيدة رائعة جداً


      تسلم ياولد العم .. ويعطيك الف عافيه

      ولاهنت ،،،،،،،،،

      تحيااااااتي

      ابو وعيل الرويس

      تعليق

      • طلال الثعلي
        مشرف سابق
        • Sep 2003
        • 828

        #4
        مصدة 2004

        الله يستر عليك

        وهذي قصيده واقعيه ..

        وياماا حصلت.

        لكن (ماينعذل عبدا يبي رهاط)

        ههههههههههههه

        تحياتي..

        تعليق

        • الراااااسي
          عضو نشيط
          • Jan 2004
          • 39

          #5
          هلا بولد العم مصده 2004



          مشكور وتسلم يمينك

          تعليق

          • داهية عتيبة
            عضو مهم
            • Jul 2003
            • 961

            #6
            تسلم ولا يسلم ردي العزايم


            مشاركة أكثر من رائعة

            ...

            تعليق

            العمل...