سعد بن جدلان ومجارات غازي بن عون وعبدالله ين عون

طي
X
 
  • التوقيت
  • إظهار
مسح الكل
المشاركات الجديدة
  • الروقي فواز
    عضو فضي
    • May 2007
    • 209

    #1

    سعد بن جدلان ومجارات غازي بن عون وعبدالله ين عون

    بسم الله الرحمن الرحيم

    السلام عليكم ورحمة الله وبركاته



    اقدم لكم قصائد من العيار الثقيل


    قصائد تنحت على الصخر بماء الذهب


    والبدايه كانت عند



    الشاعر/ سعد بن جدلان



    [poem=font="simplified arabic,4,royalblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    الا يالهبوب الباردة عجلي هبي=على جاش من قامت هواجيسه تلوبه

    أنا مرةٍ اصحى ومرن يغيبي=أسرح مع كثر الطواري بغيبوبه

    ألا يادهر ماهوب حق تلاعبي=رماني الزمان لمقرد الخلق لعبوبه

    عباد مغفلها الزمان وتعجبي=يحسبون قل المال في الرجل عذروبه

    وأنا قانع بللي علي كاتبٍ ربي=ومومن بمقدوره وقانع بمكتوبه

    ولا أبغى عمى الأريا برايه يجربي=وهو ماعرف ماجوب ربي وما جوبه

    هذور المجالس راعي المدح والسبي=وهو في الخلا لو جاه بنت خذت ثوبه

    يقولون لي جز من تصرفك وتحبي=وانا توبتي من مجتمعهم هي التوبه

    ديار الوبا من طبها راح متوبي=وقرابة الجربا على الحول مجروبه

    وانا عارف منصاي لمن بدا نبي=واعرف طريقي اللي بتجه صوبه

    وانا أعرف من أعادي ومن أحبي=وبه ناس لاتبغض ولاهي بمحبوبه[/poem]




    مجاراة الشاعر/غازي بن عون



    [poem=font="simplified arabic,4,royalblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    انا للكلام الزين يابداح يا حبي=راع القصيدة داعب القلب باسلوبه

    تشوقت فيها يوم لقيتها لبي =تشوق محب شايف زول محبوبه

    على شان في موضوعها ماحرش ضبي=وخلاني أمشي مع مماشيه وادروبه

    هجوس تكبر مع معانيه وتلبي=وهو يشتكي من قسوة الوقت وخطوبه

    ويلوم الهذور اللي على الهذر متربي=مشاهد عيوب الناس ماشاهد اعيوبه

    بخيل ذليل علته مالها طبي=شذب القفى غاية مرامه ومطلوبه

    ولا لوم من جاشه من الغيض متعبي=على من تناجوا بالمقفى ونموبه

    عسى ساق من لامه بما قال ينجبي=نتيجة قذيفة بندق وجهت صوبه

    ليا ضبه الجبار ماعاد ينضبي=وصوابه من الركبه ليا حد عرقوبه

    أصارع هموم عن يمومي تجنبي=وتكشفلي آفات عن الخلق محجوبه

    وأحول بسوق عن هل الكون متخبي=تجيني به أنواع الغرابيل مجلوبه

    وانا أرجي الفرج من وامر الوبل ينصبي=مدبر ابن آدم خالقه غافر ذنوبه[/poem]



    مجاراة الشاعر /عبدالله بن عون:




    [poem=font="simplified arabic,4,blue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    انا يوم غازي جاب تقريره الطبي=عن الأكلبي درته وفوجيت باعجوبه

    وتواشى بجاشي واهج الشوق واشتبي=على مشرع حلو على الكبد مشروبه

    ورمع للجنوبي رامع الشوق واجنبي=وعلى شوق ابن جدلان خاويت مندوبه

    ولو ماجذبني لا عزيمه ولانبي=جذبني حديثه مع ثنينٍ تناجوبه

    ولا لوم ابن جدلان ولو عاش متخبي=وهجر ساحةٍ فيها الموازين مقلوبه

    احد صاير قاضي واحد صار متنبي=واحد صاير عوني على حسب مطلوبه[/poem]



    مجاراة الشاعر / مطلق بن شنار الزعبي



    [poem=font="simplified arabic,4,royalblue,normal,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    الا يالذلول الداربه عجلي خبي =خبيب الظليم اللي من الصوت مرعوبه

    با خاوي عليك الأكلبي ان كان رحبي=على منهج بعض الشواعير غنوبه

    والا ياملكة الشعر جاك الطلب لبي=لبي رغبتي برضاك منتي بمغصوبه

    ابيها تجي مصبوبة بالمثل صبي=مثل مايصبون الذهب لستوى ذوبه

    انا أطرب لجزلات القوافي وتطربي=ولي ساحة بين الشواعير مهيوبه

    جذبني ثمين القول وأشمل وغربي=أبيات لبن يكلب يقولون منسوبه

    شعاني واشوف الشوق قام يتلهبي=تلهاب نارٍ في دجى الليل مشبوبه

    هيضني وانا أخفي عن الناس واغبي=مراهيش مزن داعب البرق دالوبه

    خطير علي لو افتح الباب تلعبي=كما يلعب البركان بكلاه وجنوبه

    سمعت الكلام ولبن جدلان قربي=وسمعوا به افحول الشعر قبلي وهلوبه

    وقام البيت الأول بالخيال يتقلبي=ومابين الثريا والثري صرت مندوبه

    هذا الشعر ماهو شعر بعطيك واكتبي=وانشر صورتي في صفحة الشعر لو نوبه

    ولاهو شعر ابو من هب يهديه من دبي=ويسمى حداثه واكثر الناس هبوبه

    منهم يستغيث الشعر ويصيح ويهبي =يصرخ ويتعوذ ماسكينه بلغبوبه

    لو ان الهبايب ياسعد تقضي النبي=شفت الناس كل من هواها قضى نوبه

    مرات الهواء يسكن ومرات ينكبي=وهذي سنة الايام غالب ومغلوبه

    ولاتسمع الواشي ترى ماله ملبي=خله مع فريق ابليس يلعب معه طوبه

    ولاتقوله يافلان وشفيك تشذبي=ترى عادة النمام تحصيله الكوبه

    وترى الناس مجبوله على الكره والحبي=وترى اللي تحسه غيرك رجال حسوبه

    وترى الأدمي مخلوق لعبادة الربي=وترى كل مافي الكون لعبات واكذوبه[/poem]
  • عبدالله الجـــذع
    مشرف منتدى قصه وقصيده
    • Sep 2007
    • 8093

    #2
    قصيده معروفه ورائعه للعلم سعد الاكلبي

    ومجاراه رائعه ايضا من العمالقه عبدالله وغازي بن عون

    والشاعر الزعبي

    الف شكر لك يالغالي

    محبك

    ,
    قال الرسول صلى الله عليه وسلم [مَنْ قَالَ أَسْتَغْفِرُ اللَّهَ الْعَظِيمَ الَّذِي لَا إِلَهَ إِلَّا هُوَ الْحَيَّ الْقَيُّومَ وَأَتُوبُ إِلَيْهِ غُفِرَ لَهُ وَإِنْ كَانَ فَرَّ مِنْ الزَّحْفِ ]( سنن الترمذي ) .


    .
    قال صلى الله عليه وسلم : ( إن الشيطان قال : وعزتك يارب ! لا أبرح اغوي عبادك ما دامت أرواحهم في أجسادهم !
    فقال الرب تبارك وتعالى : ( وعزتي وجلالي , لا أزال اغفر لهم ما استغفروني ) ... ( السلسله الصحيحه )

    .

    موقع يضم جميع القراء


    هنا

    تعليق

    • السبيــــعي
      عضو ممـــيز
      • Jan 2008
      • 2949

      #3
      [align=center]هذور المجالس راعي المدح والسبي وهو في الخلا لو جاه بنت خذت ثوبه

      صح السان بن جدلان

      شاااعر غني التعريف ومن احب الشعراء الى قلبي

      الف شكر يالغالي
      [/align]

      تعليق

      • الروقي فواز
        عضو فضي
        • May 2007
        • 209

        #4
        تم النشر في الأصل بواسطة عبدالله الجـــذع عرض المشاركة
        قصيده معروفه ورائعه للعلم سعد الاكلبي

        ومجاراه رائعه ايضا من العمالقه عبدالله وغازي بن عون

        والشاعر الزعبي

        الف شكر لك يالغالي

        محبك

        ,


        مرحبا مليووووووون

        ياعبدالله

        يشرفني مرورك

        تعليق

        • الروقي فواز
          عضو فضي
          • May 2007
          • 209

          #5
          تم النشر في الأصل بواسطة السبيــــعي عرض المشاركة
          [align=center]هذور المجالس راعي المدح والسبي وهو في الخلا لو جاه بنت خذت ثوبه

          صح السان بن جدلان

          شاااعر غني التعريف ومن احب الشعراء الى قلبي

          الف شكر يالغالي
          [/align]


          اخوي السبيعي


          هلا وغلا

          ويستاهل ابن جدلان

          وشعرانا الوافين

          مشكور على المرووووووووور

          تعليق

          • وافي الخماش
            عضو ممـــيز
            • Apr 2008
            • 4089

            #6
            عمالقة صح السنتهم وعسى ربي يحفظهم ..

            لا هنت يالغالي ..

            تعليق

            • الروقي فواز
              عضو فضي
              • May 2007
              • 209

              #7
              تم النشر في الأصل بواسطة وافي الخماش عرض المشاركة
              عمالقة صح السنتهم وعسى ربي يحفظهم ..

              لا هنت يالغالي ..
              وافي

              الله لا يهينك

              ويشرفني مرورك

              تعليق

              • عبدالرزاق القشعمي
                عضو نشيط
                • Apr 2008
                • 83

                #8
                [align=center]قصائد من العيار الثقيل فعلا"

                عافاك الله يالروقي

                ولاهنت[/align]

                تعليق

                • الروقي فواز
                  عضو فضي
                  • May 2007
                  • 209

                  #9
                  تم النشر في الأصل بواسطة عبدالرزاق القشعمي عرض المشاركة
                  [align=center]قصائد من العيار الثقيل فعلا"

                  عافاك الله يالروقي

                  ولاهنت[/align]


                  عبد الرزاق يشرفني مرورك

                  والله لا يهينك

                  تعليق

                  العمل...