ابن زويبن ** ابن عون (ياسلام على القصيد الجزل)

طي
X
 
  • التوقيت
  • إظهار
مسح الكل
المشاركات الجديدة
  • هلال الدوادمي
    عضو ماسي
    • Jan 2006
    • 868

    #1

    ابن زويبن ** ابن عون (ياسلام على القصيد الجزل)

    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    إن كان تنشد عن علومي وأنا صبي=ا بتذكـرهـا واعلـمـك عـنـهـا
    لو هي بصفحات ٍ طواها الزمن طي=جرة مطـر جاهـا عجـاج ودفنهـا
    ألعب طواريق الهوى مع هل الغـي=اثقـل المعنـى واخفـف لحنـهـا
    والشعر يبقى في قلوب العرب حـي=ولا كل من سوى القصيـدة تكنهـا
    وأنا حداها حدي الاصعـاب بعصـي=واقودهـا قـود الاديـب برسنهـا
    والحب مردوده على صاحبـه سـي=كـم ضحكـة ونَـات قلبـي ثمنهـا
    أذكر سنة تسعه وتسعيـن هجـري=الـف وثلاثميـة بدايـة زمنـهـا
    زلت بي الاقدام للشمـس مـن فـيَ=اقـدار والاقـدار تومـر وتنهـى ّّ
    غافل وجتني من كوت خافقـي كـي=كيـة عطـب لـولا طبيـب مكنهـا
    أبعدت مضربها عن الصـدر بيـدي=ولدَت على كبـدي برمـح طعنهـا
    وعرفت ماتخفيه في صدرهـا لـي=من واقـع النظـرات منـي ومنهـا
    نظرت فيهـا مثـل نظراتهـا فـي=وعجزت اقاومهـا وصديـت عنهـا
    كل النساء ظلماء وهي بينهن ضـي=غطت شعاع الشمس أشعـة بدنهـا
    من الذهب تلبـس خلاخيـل وحلـي=سـود محاجرهـا وحمـر وجنهـا
    مدري تسمى من ومنيـن ومـن أي=وش هي قبيلتهـا وموقـع سكنهـا
    راحت وانا مااعرف من اخبارها شي=الا رمـوز الموتـر اللـي حضنهـا
    مدينة من بيـن ابـو ظبـي ودبـي=لعلهـا كاننـهـا هــي وطنـهـا
    تمطر عليها السحب هذي ورى ذي=وديـم الليـّا قفـى ثراهـا ودنهـا [/poem]

    الشاعر: عبد الله ابن زويبن الحربي



    ( رد الشاعر : عبد الله بن عون الرويس)



    [poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    ياحي عـذب القيـل ياحـي ياحـي=المهنة اللـي قـل مـن يمتهنهـا
    اقفال ما يدخل على اسرارها عـي=اللـي يخبـز السالفـة ويعجنـهـا
    جواهـرٍ قلبتهـا بـيـن أيــادي=وعجبت فاللي مع بعضهـا قرنهـا
    واللـي تبناهـا وموضوعهـا نـي=واللي على افضل ما يناسب وزنهـا
    جتني وانا غربي دراويـش وهبـي=في ديرة جعـل الغشيـن ايغشنهـا
    مثل الهنوف اللي عليها اجمل الزي=اللي مشاحن جيلهـا مـا شحنهـا
    حيث ان الاولى هي والفايزة هـي=ولا قد وخذ عند المراهـن رهنهـا
    وعنها نشدني واحـد مـن بنيخـي=قلت انشدوا عنها مديـر امخزنهـا
    لابن زويبـن فوقهـا طابـع حـي=ويكفي كتابة رمزهـا عـن علنهـا
    ولا ادري تسمى هند والا اسمها مي=والا تسمى باسمها اللـي ضمنهـا
    عند المواجه يـوم حلـت حوالـي=حبيـت منهـا مابـدا مـن لدنهـا
    ويوم المليحة حركت لـي طـواري=من حسن جوهرها وطيب امعدنهـا
    نويت اجاريها لـو اقـدام رجلـي=حفيا وهي يتعب مجـارى ضعنهـا
    ولديت اشوف اللي بقى في مخابـي=واللي بوسمه صاحبي مـا سجنهـا
    وإلا سميـي لاوٍ أرسانهـا لــي=لين اذعنت له طايعة مـا شطنهـا
    طرايف من مـآردٍ عـذب ورهـي=ما هو همـاج كـل كبـدٍ وسنهـا
    المآرد اللي يكتفـى منـه بشـوي=مثل الدوا لا جـاء فتـوقٍ وشنهـا
    لا صار عذبٍ ماه ورهـي ورخـي=بصر العدود مهلكـة مـن قطنهـا
    [/poem]
  • شـــلـــهوب
    عضو فضي
    • Jun 2008
    • 244

    #2
    الله أكبر .. أعلام شعر ومدارس يستفاد منها

    تعليق

    • هلال الدوادمي
      عضو ماسي
      • Jan 2006
      • 868

      #3
      شلهوب

      الله يعطيك العافيه .

      على المرور يالغالي

      تعليق

      • /عبد العزيز الجذع/

        رابطة محبي الهيلا

        • Apr 2008
        • 7289

        #4
        الله.

        شعراء عمالقة.

        صحت السنتهم.

        والف شكر يا هلال.

        تعليق

        • هلال الدوادمي
          عضو ماسي
          • Jan 2006
          • 868

          #5
          هلا بك عبد العزيز



          اسعدني مرورك طال عمرك .

          لاهنت يالغالي .


          دمت في حفظ الرحمن

          تعليق

          • فهد العطاوي555
            عضو ماسي
            • Jul 2008
            • 533

            #6
            [align=center][grade="00008b ff6347 008000 4b0082"]الله يعطيك العافيه ياهلال داورد[/grade][/align]




            بارك الله بك , شكراً أخي الكريم

            تعليق

            العمل...