مساجلة شعريه على الطرق الهلالي

طي
X
 
  • التوقيت
  • إظهار
مسح الكل
المشاركات الجديدة
  • الصف الواحد
    عضو فعال
    • Oct 2007
    • 185

    #1

    مساجلة شعريه على الطرق الهلالي

    [align=center]السلام عليكم ورحمة الله وبركاته


    هذه مساجلة شعريه بين عبدالله بن دغش الثوري السبيعي و فراج بن راشد العريدي العتيبي...


    يقول عبدالله بن دغش السبيعي في قصيدته :[/align]





    [poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    عيني لذيـذ النـوم عيـا يرودهـا=العبرة اجحدها بجاشـي واذودهـا
    واسهر طوال الليل لا نامت المـلا=والصبح كني فوق حاضي وقودها
    قم يانديبي فـوق وجنـن مظمـره=طويلة النسنـوس فـج عضودهـا
    عريضة المردف اصغار ً خفوفها=لا زرفلت كنهـا ترقـا سنودهـا
    تلفي على فراج من بـدة العـرب=زبن الطحوس الليا تردت جهودها
    من لابتن بالهوش والحرب تفتخر=في فعلها كـل القبايـل شهودهـا
    نطاحتـن للجمـع لاقـام يختلـط=في ساحة الميدان تشدي افهودهـا
    ذباحتـن للحيـل لطامتـن للعـدا=الاد روق الي عريـبً جدودهـا
    ابشر بترحيب اليـا منـك جيتـه=في ربعتن كـل النشامـا ترودهـا
    ترحيب ً احلى من لبن شمخ الذرى=ترعى اعشوبن ما يالاتن فنودهـا
    وعطه الكتاب الي به السر مرسله=شكواي لا من جته تلزم حدودهـا
    ولا هوب غاويني لـوازم لا بتـي=اهل الوفا الي ما تخالف عهودهـا
    لكن ابي فزعتـك يامنقـع الوفـا=اهل الهوى عطشا ويبست كبودهـا
    انا غريق الحب في غبـة البحـر=سبايب الي تـو زمـت نهودهـا
    تشدي لعود الموز لهـزه الهـوى=قام يتثنـى مـع نسانيـس نودهـا
    منبوزة الارداف ملهوفـة الحشـا=ترخي على ناب الردايف اجعودها
    يالله عسى من حدني دون عشقتـي=عساه فـي نـارً لضـي وقودهـا
    هذي ثلاث اسنين وانا ارجي الولي=ليالً مضت لي ياعسى الله يعودها
    واليوم يافـراج ياويـش حيلتـي=شدت ركايبهـم لعالـي نفودهـا
    ولالي جدا ياكود اعـدي مرقـب=وحالي عليهـا بايحـاتً سدودهـا
    فراج يالمنعـور عجـل بفزعتـك=الحال بين ناقصها عقـب زودهـا
    والعاشق المظهود هـاذي قضيتـه=همتك عجـل يالعريـدي ردودهـا
    واسلم عدد ماهل همال وارتهـش=في ليلة ً طلما تزلـزل رعودهـا[/poem]



    [align=center]رد فراج العريـــــــدي[/align]




    [poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    البارحـه عينـي كراهـا يكودهـا = قامت هواجيسي تـوارد وفودهـا
    مثل الضمايا يـوم جتنـي تداحـم=لا وردوها فوق صافـي عدودهـا
    خـود ٍ حسـان ٍ تخيـرت فيـهـا=ولقيت عبـدالله مطـوع شرودهـا
    نقـى غزايزهـا وطـوع جزلهـا=وخصني فيها دون باقـي بدودهـا
    مثايل ٍ يطـرب لهـا كـل سامـع=مثل الجواهـر نظمـت بعقودهـا
    يامرحبا ترحيب مخلص لمخلـص=اعداد حجـاج ً توافـد حشودهـا
    و اعداد من صلا الفرايض وكبـر=واعداد ريضـانً تفـوح ورودهـا
    بنسل القروم الـي لفانـي كتابـه=من فوق ريمية ً تطـوي خدودهـا
    ابن الرجال اهل الشجاعه والصخى=لا ثار عج الخيل تـروي عودهـا
    غلباً لها فـي قمـة المجـد قمـه=تعرف مواقفها ويعـرف جودهـا
    لبساسةٍ للجوخ والسيـف الحـدب=وتارد على حوض المنايا جنودهـا
    يشكي افراق الـي تمنـى قربهـا=عمهوجـة ًعيـا عليهـا حسودهـا
    ماجـور ياقلـب تمنـى ولايـفـه=وكبده من الفرقـا تزايـد لهودهـا
    يجـر وناتـه ويخفـي عبـرتـه=بعالي مراقيبً يشوقـه صعودهـا
    ولا اقبل عليه الليل ما جاه الكـرى=ما ذاقت عيونـه لذايـذ رقودهـا
    هذا الهوى لا بـارك الله بالهـوى=بلوىً على العاشق تقادح زنودهـا
    كم عاشق ٍمن حب ترفـات القـدم=سهـوم المنايـا قطتـه بلحودهـا
    مجنون ليلـى والدجيمـا وغيـره=شيوخ ًطوابيـر السرايـا تقودهـا
    ومن يشتكي من حب مزموم النهـد=رجال الوفا مـا يلحقـه منقودهـا
    يلومه غشيـم ٍ مـا تولـع بحبهـن=همـه طعامـه والفشيلـه يفودهـا
    وانا لعينا مـن شكالـي وخصنـي=ارسي لحمله مثل راسي حيودهـا
    ابشر بجاهـي ومالـي و فزعتـي=وجاه الشيوخ الي تحـل عقودهـا
    وان ما تهيت عقـب هـذي خلهـا=طـرد المقفـي غلطـة ٍ ياكودهـا[/poem]
  • نايف الهيلا
    عضو فعال
    • Oct 2007
    • 137

    #2
    [align=center]الصف واحد

    مساجله رائعه وشعار كبار

    الله يعطيك العافية[/align]

    تعليق

    • الصف الواحد
      عضو فعال
      • Oct 2007
      • 185

      #3
      [align=center]الله يعافيك


      واشكرك على مرورك الجميل طال عمرك


      لاهنت[/align]

      تعليق

      • مناحي الفرزه
        شـــاعــر
        • Jun 2008
        • 364

        #4
        مساجله روووووووووووووعه


        صح السان الشاعرين
        جعل من لامني في حب بيض الخدودي
        ماتفارق عيونه من حياته شقاها
        الهوى عارفينه من زمان الجدودي
        واجمل العشق بنت طاغيه في حلاها
        zaeem2222@hotmail.com

        تعليق

        • الصف الواحد
          عضو فعال
          • Oct 2007
          • 185

          #5
          تم النشر في الأصل بواسطة مناحي الفرزه عرض المشاركة
          مساجله روووووووووووووعه


          صح السان الشاعرين
          صح بدنك يامناحي


          واشكرك على مرورك الجميل طال عمرك


          تحياتي

          تعليق

          • أبو مصلح 511

            رابطة محبي الهيلا

            • Sep 2008
            • 1132

            #6
            الله الله


            مساجله رائعه



            سلمت يدينك يا ذيب على النقل

            تعليق

            • الصف الواحد
              عضو فعال
              • Oct 2007
              • 185

              #7
              اشكرك على مرورك الكريم طال عمرك


              تقبل تحياتي

              تعليق

              العمل...