البدايه والنهايه

طي
X
 
  • التوقيت
  • إظهار
مسح الكل
المشاركات الجديدة
  • فواز علي الروقي
    عضو ذهبي
    • Jul 2008
    • 347

    #1

    البدايه والنهايه

    البدايه والنهايه
    الوجيه السود تبقى فالبدايه والنــــــــــهايه
    ……..دايمٍ ورى الدنايا يمتــــرون المتــــــر كله
    دانيه ورى الـــدنيــــــه لامكان ولاولايــه
    ……..ولايسرون الجليس بقول زيــن وكظم زله
    عايشه تحت المهونه من حكايه في حكايه
    …….والشنيعه والرديه دربها دايـــــــــــم تـــدله
    كلبـــــــوهم فالرذيله ينظمون إلها الروايه
    ……..والاصيله والجــــزيله حلها من دون حله
    من حكايه في روايـــه وكملوها بالوشايه
    ……..نعنبوها من رجال ذكـــــرها بالخيـر قـله
    ماتعــــد إبها المـــــروه والتوخي للـوقايه
    ……..والسعــــــد منها يموت وكل مستور تفله
    ولاتفيـــدك بالرمايه في نهار جاء رمايه
    ……..وسيفها المـــدفون يبقى في ترابه ماتسله
    وماتسرك فالمعارك بالسيوف وبالسقايه
    ……..ولاتساوي عنـــــد مثلي فاللوازم قدر بله
    لاعزاوي ولاحميه ولاوجـــد فيها جدايه
    ……..دايـــــــم قل الرجاء بوجيهها تشوف دله
    ياعساني ياعساهــم ياعساهـــم ياعسايه
    ……..ياعساهــــــــم بالدمار اللي يدمر ماتحله
    مايعزون الرفيــق وشوهوا اسم السمايه
    …….والســــوايا بالاسامي مجعلت شيٍ محله
    دايم اهل الرذيله من اهل اهل الغـــــوايه
    ……..من طواغيت البشر والشر باسطتٍ لزله
    فالها رمل التراب ونمدح ارجال الحمايه
    …….الرجال اللي عــــــــدو احزامها دايم تذله
    من عملها عكس ذلك ماتسمى بالسـوايه
    …….فرقها بالحيــل واضح وكل مستورٍ تفله
    من تخسي للمعادي ولاذكروها بالخسايه
    …….من تنومس واحـــــد مثلي وغازيها تغله
    والوجيه البيض تبقى ماتــدرت بالدرايه
    ……..تاجها تاج الشرف والعــــز تاجٍ ماتمله
    فاللوازم لك يمين ماتمـــــــدح بالدعايه
    ……..والــــــــدعايه مادعتها تعتلي بيتٍ وفله
    ولو نضمنا ماوصلنا للنـــــهايه يالبدايه
    ……لاكن الهاجوس سجل هاجسٍ باللي حصله

    الشاعر :
    فواز بن علي بن سريع الروقي
  • محمد النفيعي511

    رابطة محبي الهيلا

    • Jan 2008
    • 2128

    #2

    تعليق

    • فواز علي الروقي
      عضو ذهبي
      • Jul 2008
      • 347

      #3
      النفيعي كيف حالك لي عليك عتب كبير
      كيف تكتب لي بالانجلش وانا عربي وعتيبي وشاعر
      ثم تجعلها مقداري من عندك
      على العموم عسى القصيده نالت الاعجاب
      وسرني هالحضور
      نجياتي لك

      تعليق

      • فهد النفيعي
        مشرف سابق
        • Dec 2005
        • 11363

        #4
        صح لسانك يا ولد روق قصيده جزله ورائعه

        تعليق

        • بدر الكريزي

          مشرف سابق

          • May 2008
          • 2584

          #5

          ""

          فواز الروقي ..

          صـح لسانك وعلا شانك ..

          وبيض الله وجهك على القصيدة الجزلة..

          بإنتظار جديدك ..

          ""
          [align=right]قرأت فيما قرأته من بلوغ المرام .,
          اللي ترك شيء لله ( عاضه الله بخير ) .,
          [/align]

          [align=center].,[/align]
          [align=center]استغفر الله العظيم , و أتوب إليه ‘.[/align]

          تعليق

          • فواز علي الروقي
            عضو ذهبي
            • Jul 2008
            • 347

            #6
            فهد النفيعي
            بدر الكريزي
            خيا الله بني عمي ويامرحبا بكم
            سرني حضوركم والله انه لشرف لثي امام القراء والاعضاءم
            وصحت ابدانكم
            تحياتي لكم

            تعليق

            العمل...