قصيدة الوظيفه ....

طي
X
 
  • التوقيت
  • إظهار
مسح الكل
المشاركات الجديدة
  • لبرنس
    عضو
    • Jun 2008
    • 13

    #1

    قصيدة الوظيفه ....

    ألا يالله عفــوك لا معي بيجــر ولا جــــوال
    ولا عندي وظيفه والتجـــاره فاشــلٍ فيـها

    ولا عندي شهـــادات ولا حــرفه تسد الحـال
    ولا حــظ كبير لا اخـطـت الجــره يقــديها

    مخابي الثوب تومي ما دخلها من زمان ريال
    بها فاتورة الكهــــرب ولايمـديني اقضيها

    على ذيك العـراوي تتعب الحادي مع الجمّال
    ثلاث اشهـور فالورشه وشهــــــرينٍ مغطيها

    ابيها لو تجمــّـل يوم واجلبها على الـدلاّل
    يجيها واحــد حظـه مثل حـظي ويشـــريهـا

    نصيت العسكــريه يوم قالو للنظام رجـال
    وقدمـت الملــف وصــورة متشـخـّص فيـهـا

    خـذا الاوراق مني واحــدٍ ما عند ابوه دلال
    سلوم الناس واهل المعرفه والطيب مخطيها

    قراها في دقيقه والتفت عجـــلٍ علي وقال
    شهادتك العظيمه ياولد وين انت مخفـــيها

    هزّيت الراس ما عندي تقول اني من البنقال
    وقمت احـب خشــمه واطلبـه بالله تمشيّــها

    نطلها من يده شين الطبيعه والنبا والفال
    وقال ازيّن تعـوّد صـوب نوقـاتك تعشــيّها

    تناوشته من الكرسي وعفت الحل والترحال
    وظربته بالبيـاله عقـب ما بيّحت شاهيـها

    خــذوني للسـجن لانيب لا ظـالم ولا محـتال
    مجـرد واحـدٍ جـا يكــحل عيـونه فيعمـيها

    ويوم اني خرجت اقفيت لارض الله وسيع الجال
    على بـرٍ هـــواه يـداوي العـله ويبــريها

    ادوّر قصعة الجــربوع والضب الفتي يختال
    والارنب يا شفاة الروح ما احلاها وطاريها

    بلا كهـرب ولا بيجـر ولا غــازٍ ولا نقــال
    قوانين الحضـــاره لا تبي شوفي ولا ابيها


    منقوول من احد المواقع
  • محمد العتيبي

    مشرف منتدى شعراء قبيلة عتيبه

    • Mar 2005
    • 10789

    #2
    [align=center]لبرنس شكرا على القصيده الرائعه ..

    ولكن من هو صاحب القصيده لحفظ الحقوق ..؟
    [/align]
    [align=center][/align]








    [align=center]للتواصل عبر twitter تويتر


    al_bargawy@
    [/align]

    تعليق

    • عتيبي راقي
      عضو
      • May 2008
      • 21

      #3
      عجيــــــب يا لبرنس ...
      ومشـــكوووور علـى النــقل يا برنــس

      تعليق

      • مجندل الشعار
        موقوف لمخالفة الأنظمة
        • Feb 2008
        • 47

        #4
        لبرنس شكرا على القصيده الرائعه

        تعليق

        • السبيــــعي
          عضو ممـــيز
          • Jan 2008
          • 2949

          #5
          [align=center]القصيدة راااائعة وطريفة
          وصح السااااان كاتبها ..

          مشكووور يالغالــــي لاهنت
          [/align]

          تعليق

          العمل...