كلنا برقا وروق

طي
X
 
  • التوقيت
  • إظهار
مسح الكل
المشاركات الجديدة
  • زيـاد الـسـمـيـري
    عضو فضي
    • May 2007
    • 289

    #1

    كلنا برقا وروق

    هذه القصيد قيلت في ملتقى مزاين قبيلت الهيلا //





    نبتدي باسم العزيز الهادي العدل الســــلام **** ربنـا المولـى ومرسـى ارضنـا باجبالهـا
    خالق العالـم ومنشـى فالسمـا ردم الغمـام **** والمـزون الـلـي تـرادم ممـطـرً وبالـهـا
    انتهض ياهاجسـي مـاعـاد فالدعـــوى كـــلام **** وابـدع الابيـات جزلـه مــالـنـا باهزالـهـا
    حدد حـروف القوافـي خلهـا مــثـل الحسـام **** تمدح ارجـال المواقـف صدقها باقوالهـا
    ربعي الهيلا عتيبه عـزوتي وقـــت التسعـام **** صيتها عالـي وشامـخ والفخـر بارجالهـا
    طيبهــا يــشفي القلـوب ومـدحهـا مابـه ملام **** لابـــةً بــيـن الــقـبـايـل عـالـيـاً منـزالـهـا
    تضرب بـحد السيـوف الـلـي يـقصّن العظـام **** فالمـواقـف ماتلـيـن وفخـرهـا لاجيـالـهـا
    فوق بــيدا العــز هــيبـه للمـعـادى والخصـام **** لاحتمى الماقـف عنيـده والنصر بقبالهـا
    تشهد نجوم الليالي ويشهد اطــراف الـحـزام **** ويشهد التاريخ بالماضي بضرب افعالهـا
    كلنـا برقـــا وروق وبيــنــنـا طيـب وحـشــام **** ماتفرقنـا علـوم اهــل الـوشى ونقالهـا
    راينا واحد وبين القلـب والعقـل انــســـجـام **** نعرف اجـزال الهـروج وخفّهـا واثقالهـا
    من حشمنا له حشيمه فوقهـا زود احتـرام **** وفالمجالـس هرجنـا مسمـوع مـن عقّالهـا
    المراجل قالوا اهـل المعرفـه ذروة سنـام **** والفعـول اللـي تنومـس ربعـنـا مدهالـهـا
    وجارنـا حـقً عليـنـا لايـهـان ولايـضـام **** والضيـوف اليالفـوهـا بالـكـرم يثنالـهـا
    ربعي الهيلا هل البل هم عزيزيـن المقـام **** للمزايـن فـي روابـي نجـد مطيـب فالـهـا
    في نفود السر شيدنا البيـوت مـع الخيـام **** البيـوت العامـرات اللـي يـظـل ظلالـهـا
    الشعل والصفر نقّوه غيرها وضح وجهام **** تعِجـبـك لاشفتـهـا فــي دقـهـا وجلالـهـا
    احتموهـا يـوم عـج الجـو جايـلـه عـسـام **** القـروم اللـي تبيـع ارواحهـا فـدوا لـهـا
    والقبايل والنعم فيها لاجـا وقـت الزحـام **** كـل عــزوه فالجـزيـره وافـيـاً مكيالـهـا
    كلنا في ظل ابو متعب كريـم ابـن الكـرام **** المليك ابن الملوك اللـي حميـد اخصالهـا
    قايـدً ننعـم بخيـره للوطـن بــرد وســلام **** وللشدايـد رجـل صـارم وللعقـد حلالـهـا
    فالبدايـه والنهايـه عــد مــارف الحـمـام **** وعـد مــزنً فــي سمـانـا وابــلً همالـهـا
    اختم ابياتي بذكـر الهاشمـي خيـر الانـام **** ياصـلاة الله علـى محمـد عـدد مـن قالهـا

    هاذه القصيده للشاعر //
    محمد مرزوق صغير السميري
    تم التعديل الأخير بواسطة زيـاد الـسـمـيـري؛ 01-May-2008, 07:08 PM.
  • كامل الذوق
    عضو ذهبي
    • Apr 2008
    • 311

    #2
    مشكور على تذكيرك بالايام التي لا تنسى وبالقصايد الجميله ويعطيك العافيه

    تعليق

    • السفيرالدبلوماسي
      عضو فضي
      • Mar 2008
      • 234

      #3
      كفو يازياد و كلنا عتيبه هي الأساس ومصدر القوه والفخر

      تعليق

      • فهد النفيعي
        مشرف سابق
        • Dec 2005
        • 11363

        #4
        بيض الله وجهك

        تعليق

        • /عبد العزيز الجذع/

          رابطة محبي الهيلا

          • Apr 2008
          • 7289

          #5
          بارك الله بك , شكراً أخي الكريم

          تعليق

          العمل...