قصيده دمعه يتيم

طي
X
 
  • التوقيت
  • إظهار
مسح الكل
المشاركات الجديدة
  • Aljr7
    عضو نشيط
    • Jan 2003
    • 38

    #1

    قصيده دمعه يتيم

    طول الليل مدري هالليالي مقيمه

    *************** في خفوق ٍ يتيم ٍٍ او عيون اليتيم


    وش يتيم الخفوق ووش خفوق ٍ يتيمه

    ************ *** سمها كيف ترغب كيف لا يالنديم


    يانديم ٍ تشمر ساعده عن نديمه

    *************** بالعظيم القدير وبالقدير العظيم


    اني احب حبك والعذاب استهيمه

    *************** واني اكرمك وصل ٍ ماذكر به كريم


    واني اشربك قيض ٍ مانشد جود ديمه

    *************** واني ارجفك برد ٍ ثار به الف غيم


    وابني لـ جرح قلبي في خطاك الف خيمه

    *************** وافترش جور قلبك والتحفك الف ضيم


    واكتبك بيت شعر ٍ مانكتب في قديمه

    *********** *** وش قديمه قسم بالله يهبى القديم


    واسترك جرح فاضح ماتخيطه (حليمه )

    *************** والبسك ثوب عاري مارضى به حشيم


    واعترف للمشاعر بالذنوب الاثيمه

    ************ *** واصرخ بوجه حظ ٍ بالمواجع دميم


    واصلب القلب وابكي ياااجريمه جريمه

    *************** طفل قلبي توفى رحمتك يارحيم


    بعدها اوعدك والله لادفنك في صميمه

    *************** واحفرك كل يوم ٍ من صميم الـ صميم


    عل ربي يعيدك روح نفس ٍ هشيمه

    *************** مثل ماحيا البوالي والعظام الرميم


    بس تدرين يااعظم من هويته بـشيمه

    ************ *** لو دريتي كفرتي بالصدود اللئيم


    بـ الف قيمه شرينا وماانشرينا بقيمه

    *************** وبالف دمعه شرقنا ثم مات اليتيم




    منقول

    أخوكم / الجرح ( محمد المقاطي العتيبي)
  • طلال الثعلي
    مشرف سابق
    • Sep 2003
    • 828

    #2
    Aljr7

    سلمت يمينك

    يانشمي

    قصيده اكثر من رائعه

    صح لسان قايلها محمد المقاطي

    قريتها اكثر من مره


    تحياتي,,,

    تعليق

    • طلال الثعلي
      مشرف سابق
      • Sep 2003
      • 828

      #3
      تم نقلها الى الشعر الشعبي

      لان هذا القسم خاص بقصائد الاعضاء

      وشكرا

      تعليق

      • ابن فرحان

        رابطة محبي الهيلا

        • Jul 2003
        • 1264

        #4
        قصيدة رائعة يا الجرح ...

        الله يعطيك العافية

        تقبل اجمل تحية ,,,

        تعليق

        العمل...