من اجمل القصائد التي قيلت بقبيلة ((( شــــــــــــــــــمر )))

طي
X
 
  • التوقيت
  • إظهار
مسح الكل
المشاركات الجديدة
  • عبدالرحمن الهيلوم
    عضو
    • Apr 2007
    • 21232

    #1

    من اجمل القصائد التي قيلت بقبيلة ((( شــــــــــــــــــمر )))

    من اجمل قصائد شمر


    الشاعر الفذ المتبحر علي بن غشم الخريصي الشمري



    دنيـا غريبـه زاد فيهـا كدرنـا
    وزاد العنا من وقتنا وبعض الاسباب
    الله يالـولا المرجلـه ماصبـرنـا
    ولايحتمل وقتٍ محمـل بالاتعـاب
    ومع كل هـذا بفعلنـا ماقصرنـا
    نفعل اليامن الردي بالردى خـاب
    ومن باسنا بانظارنـا ماانحدرنـا
    لو سكرت بوجيهنا كل الابـواب
    حنا هلٍ للطايلـه مـن ظهرنـا
    وشموخنا عانق طويلات الاهضاب
    ولاهو غريـب ٍ فعلنـا لاهدرنـا
    عدونـا نسقيـه مـرٍ وتيـزاب
    ماهو جديدٍ مـن قديـمٍ خبرنـا
    قبيلة مشهود له عنـد الاجنـاب
    شمر هلي لو صار قاسـي دهرنـا
    ياقونا عند المصايـب والاصعـاب
    حنا الطنايا اسمنـا مـن سطرنـا
    وياما خذينا من جميلات الالقـاب
    وحنا هل الحرشا كبيـرٍ فخرنـا
    ساس المراجل والزعامه لنا ركاب
    وحنا ليا من قيـل غلبـا قدرنـا
    بعون الاله لفك صعبات الانشاب
    وحنا ساعيـس طـوالٍ شبرنـا
    ردينا لمواجهـة الضـد ماهـاب
    حنا الضياغـم للمعـادي قهرنـا
    تشهد لنا صولاتنا يوم الاكـراب
    وحنا يامن في كـل عـزٍ كبرنـا
    لاثارت الهيجا مطانيـخ ونجـاب
    وحنا الصفران لكل نـدٍ كسرنـا
    بفعالنا تفخـر شبـاب وشيبـان
    وحنا هل الحيسـة بعيـدٍ نظرنـا
    ماننحني لو تنحني كـل الارقـاب
    وحنا لمنهو صاح صبحـي جبرنـا
    كل بحق المنتخي صـار طـلاب
    وحنا ليامن قيل زوبـع حضرنـا
    الكل منا لغالي الـروح جـلاب
    وحنا السيافـا بالمعالـي شهرنـا
    من دوننا تقصر زحازيح واشنـاب
    وحنا سودان الروس محـدٍ جبرنـا
    وزهيد مانرضى الهزيمه لنـا بـاب
    وحنـا بزينيـن المحـازم ضفرنـا
    عند اللزم للملتجي درع وحجاب
    وحنا العصاة لكل عايـل دحرنـا
    تاريخنا ماهـو تزاويـر بكتـاب
    وحنا هل العصلا وسيـع بحرنـا
    واليا زعلنا امواجنا سيوف وحراب
    وحنا مساعيدٍ اليـا مـن ذكرنـا
    صغيرنا للطيب والمجـد كسـاب
    وحنا بالازمـل لنتخينـا جهرنـا
    بوجه العدو عوقٍ وعزٍ للاصحاب
    وحنا هل البلهـا قـويٍ ظهرنـا
    بزوماتنـا عدونـا دوم مرتـاب
    وحنا هل الجدعا اليامن جسرنـا
    خصيمنا دايم محطـم ومنصـاب
    وحنا الحجلان بفعلنـا ماصغرنـا
    ماننثني لاصار للحـرب شبـاب
    وحنا اكبارالصحون يااللي تخبرنـا
    اوساع الطعون صوابنا ماله أطباب
    وحنا لفعـل ايماننـا ماحصرنـا
    مهما نعد افعالنا مالـه حسـاب
    وحنا ابطـال بالمراجـل تجرنـا
    وتاريخنا عن قمة المجـد ماغـاب
    لاشالن بيـض العماهيـج سرنـا
    للموت نمشي وعزنا فوق الاشهاب
    كم شيخ قوم بالمعـارك صقرنـا
    عركاتنا يفرح بها الذيب وعقـاب
    وكم رعيلٍ تـاه عرضـه سترنـا
    في ظلنا عاشوا عزيزين واحبـاب
    للجار ظل وعز ومهنـو خطرنـا
    افعالنا ماينكـره نـزه الانسـاب
    هـذا وحنـا لغيرنـا ماحقرنـا
    نعمين بالاجواد من كل الاطنـاب
    والخاتمه صلوا على من هو فخرنـا
    محمد المصطفى خيـر الانسـاب



    الشاعر الفذ المتبحر علي بن غشم الخريصي الشمري
  • تذكار هايم
    عضو ماسي
    • Mar 2005
    • 664

    #2
    [align=center]أخي الفاضل عبدالرحمن الهيلوم بيض الله وجهك على هذه القصيدة

    وصح لسان الشاعر علي بن غشم الخريصي الشمري


    ونعم مليون تردفها مليون في قبيلة شمر


    أخوك

    تذكااااااااااااار هايم[/align]

    تعليق

    • عبدالرحمن الهيلوم
      عضو
      • Apr 2007
      • 21232

      #3
      شكرا علي المرور

      تعليق

      • محب الهيلا
        عضو ممـــيز
        • Nov 2007
        • 20292

        #4
        مشكور وماقصرت

        تعليق

        • عبدالرحمن الهيلوم
          عضو
          • Apr 2007
          • 21232

          #5
          شكرا علي المررور يالغالين [/color]

          تعليق

          • بندر المرشدي
            إدارة الأقسام الأدبية
            • Nov 2006
            • 4292

            #6
            شكرا لك ياعبدالرحمن
            [poem=font="Simplified Arabic,3,tomato,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
            يامنتـدى الهيـلا علـى العـيـن والــراس=صــدري وسـيـع ومــن مـعـزتـك مـلـيـان
            لبـسـت مـعـروفـك مـثــل ثـوبــي لـبــاس=وزرعت لـك فـي داخـل القلـب بستـان
            الله يبـيـض وجــه مــن ثـبـت الـســاس=وحط الـك مـن فـوق العناويـن عنـوان
            اســم ومسـمـى خـتــم جـــودة ونـبــراس=يـسـمـع بـــه الاصـقــه ويـــرآه عـمـيــان
            مـــــا يـنـتـقـيـم بـالـجــواهــر والالـــمـــاس=ولا يـغــمــره بــحـــر الــقــوافــي والاوزان
            [/poem]

            ::

            ديواني من إعداد الزميل/ عمر الدغيلبي ... بيض الله وجهه

            تعليق

            • عبدالرحمن الهيلوم
              عضو
              • Apr 2007
              • 21232

              #7
              شكرا علي المررور يالغالين [/color]

              تعليق

              العمل...