لـو يـرحـل المـريـخ للفرقدينا.لمحمد الاحمد السديري

طي
X
 
  • التوقيت
  • إظهار
مسح الكل
المشاركات الجديدة
  • ابن جدعــان
    عضو ذهبي
    • Mar 2003
    • 362

    #1

    لـو يـرحـل المـريـخ للفرقدينا.لمحمد الاحمد السديري

    [poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
    إن صـار زود المال بيدين الانـذال =حنـّا مـن المعـروف تندا يدينا

    وان كانهم شرهوا على طيب الافعال =حنـّا وردنـا جـمامها وارتوينا

    وان فكـّروا للجـود يمشون رحّال = حنـّا قبـل يمشون يـّمه خطينا

    يـا مـا لبسنا للشرف كـل سربال =وعلـى البسيطة للفضيلـة مشينا

    فـي دوحـة العربـا لنا مجد وظلال = وحنـّا علـى در المكـارم غـذينا

    لـو نـجمع اللي فات منا مـن المال = إن كـان شيدنـا القصور وبنينا

    نـعطي ولا نـتبع عطانـا بالاقـوال =ونبـذل ونسكت كنـنا ما عطينا

    وان باعـوا الشيمـة بديـنار وريال = حنـا دخلنـا سوقهـا واشتـرينا

    نطلـع لها لـو هي على روس الاقذال =لـو هـو عسيـر ٍ دربها ما انثنينا

    بـافعالنـا نرسم دروب ٍ للاجيـال =إلـي نساهـا غيـرنا مـا نسينا

    أسـود سـادات ٍ تسجل للاشبـال = فضايـل ٍ شـمنا لهـا واهتديـنا

    بـيض ٍ نسجلهن جديدات وسـمال =حـفايـظ ٍ لاحفادنـا اللاحقيـنا

    نصبـر على الشـّدات لـو شيلنا مال = لـو سـال دم دفوفـنا ما شكينا

    نـخاف يلقـى سـدنا كـل ختـّال = ويـبني هـزيلات المعانـي عليـنا

    الليـل يـا خالـد علـى والدك طال = وهنـّيـت ناس ٍ بالكـرا نـايمينا

    يا عـز راسـي شفت مـا خبث البال =شـي ٍ يهـوّل شيـّب الـجاهلينا

    شـي ٍ مـن اسبابـه يشيب بالاطفال = فطّـر خـشوم مهجـرعات الحنينا

    أديـر قـالات ٍ عريضـات وطوال = قـالات خـلنّ المخفـىّ يـبـينا

    منهـن رزيـن العقـل بالوقت يهتال = بـوقت ٍ عبـوس ٍ فطّـن الغافلينا

    وقـت ٍ من اسبابـه شكى كل ريبال = نصبـر ونسكـت كنـنا غايـبينا

    النـاس بـالأيـام راحـل ونـّزال = وتفجعهم الدنـيا وهـم دالـهيـنا

    وحـيـات رب ٍ نزل آيات الانفال = عـالـم خفايـا نـية الحاقـدينا

    ما اترك طريق العدل في كـل الاحوال=لـو يـرحـل المـريـخ للفرقدينا
    [/poet]
  • ابو وعيل
    مراقب سابق
    • Aug 2002
    • 1707

    #2
    صح لسانك ولسان قايلها


    يعطيك الف عااااافيه ياابن جدعان على الاختيار الرائع ...


    تحياتي
    ابو وعيل

    تعليق

    • ابن جدعــان
      عضو ذهبي
      • Mar 2003
      • 362

      #3
      اخوي ابو وعيل.

      صح بدنك طال عمرك.

      ولا شكر على واجب.

      تعليق

      • نهيان الحمادي
        عضو ماسي
        • Jul 2003
        • 677

        #4
        لاهنت على هذا الاختيار
        صدر البيت الاخير ناقص كلمة ربما تكون سقطت سهوا
        بيض الله و جهك على ها الاختيار

        تعليق

        • ابن جدعــان
          عضو ذهبي
          • Mar 2003
          • 362

          #5
          سحاب نجد.

          وجهك ابيض يا ابن العم .

          وبالنسبه للبيت الأخير تم تعديله.

          تعليق

          • ابن فرحان

            رابطة محبي الهيلا

            • Jul 2003
            • 1264

            #6
            يا ابن جدعان ..

            بارك الله فيك على ها الاختيار الطيب ..


            ورحم الله السديري .. واموات المسلمين

            تعليق

            • ابن جدعــان
              عضو ذهبي
              • Mar 2003
              • 362

              #7
              امين امين.

              ولا شكر على واجب

              تعليق

              العمل...