يا حرام الحر اجل ماعاد تكفيه الاشاره .....؟؟؟

طي
X
 
  • التوقيت
  • إظهار
مسح الكل
المشاركات الجديدة
  • ابو فراس
    مراقب سابق
    • Jun 2003
    • 1421

    #1

    يا حرام الحر اجل ماعاد تكفيه الاشاره .....؟؟؟

    قصيده للشاعر ناصر القحطاني عندما قابل الشيخ احمد ياسين المجاهد الفلسطيني المعروف ..



    ياحلاوة صرختك والحر تكفيه الاشـــــــاره
    ما انت في غزه وحيد الا معك عشـــــــــرين دوله

    يا نهارٍ كل ماله يســـــقي الليل المـــــراره
    ماعليك من الفـــــــوازير الفـــــــــــوازير محــلولـه

    البطل ياشيخ ياسين ان شكى التاريخ عاره
    قوم الدنيــــــا وطـــش بها وراه وقــــــال قـــولـه

    انت لا من قلت (لا) صديت لك خمســــين غاره
    وانت لا قلت (ايه) تشـــحن لك ميـــة صــــوله وجولـه

    كل وسم بجلدك الصوان طير له شــــــراره
    يا شـــموخٍ تنحني لك هامــــة الدنيــــا خجـــــوله

    وان حنت ظهرك كرابيجٍ تعز اسخف حضاره
    ماتذلك وانت شـــــيخٍ ممتلي دين ورجــــــــــــوله

    بس حدثني حديث الماء لعشـــــاق الطهاره
    عن بلادٍ صار للجغرافيـــــــا فيــــها الف صـــــوله

    عن صمود مخيماتٍ تنشــــد الفزعه زيــاره
    عن رجالٍ لاخضـــــــوع ولا نفـاق ولا عمـــــــــوله

    عن جرادٍ سبب الرعب اسمه ( اطفال الحجاره )
    القدر بالحـــرب عوضهـــــم مراجيــح الطفــــــوله

    عن ( عروسٍ ) فجرت عشـــرينها لعيون حاره
    واذكروا سكانها ايامٍ من الخنســـــــــا وخــــوله

    عن هذيك القبه اخر حلمنا وأول منــــاره
    بيلسانٍ عزه الله واحتضن مســــــــرى رســـــوله

    عن حماس الرايح اللي كل ماذعذع حماره
    لان وجه القاع واهتــز البحـــر عرضــه وطــــــوله

    عن زغاريد البنادق هي تظاهر بالغزاره
    عن عصافير البيادر هي تحلق بالســــــــــــهوله

    عن شبابيك اليد اللي حرمت لمس الستاره
    عن ( رغيفٍ ) من صبــــــاح الله قليل اللي ينـــوله

    عن سما الموال وارض الدبكه ورقص العباره
    والتفاصيل الكثير وخطوة الدنيـــــــا العجـــــوله

    عن عسر مدري يسر مدري كسر مدري جباره
    هدنةٍ لعيـــــــــــونٍ عيـــدٍ مادرينــــــا عن حلوله

    ( جيلنــــا مل الجرايد مالقى فيها بشـــــــاره )
    واكثر الاجراس خرســـــا والزمن هذي فعـــــوله

    ماوعينا الا على النكسه وموال الخساره
    نحسب اللي وســـــط بال اجدادنا نقدر نطــــوله

    ياحرام الحر اجل ما عاد تكفيه الاشــاره
    وش ورا ( خمسين ) عامٍ بعثرت ( عشــــرين ) دوله


    وسلاااااااااااااااااااااااااااامتكم
  • فيصل محمد

    رابطة محبي الهيلا

    • Apr 2003
    • 1079

    #2
    " إن من الشعر لحكمة ، وإن من البيان لسحرا "

    لا فض فوك يا ناصر القحطاني
    بارك الله فيك يا ابو فراس على نقل هذه القصيده

    تعليق

    • ابو فراس
      مراقب سابق
      • Jun 2003
      • 1421

      #3
      مشكووووووووور يا ابن محمد على مرورك الكريم

      تعليق

      • ابن فرحان

        رابطة محبي الهيلا

        • Jul 2003
        • 1264

        #4
        قصيده جميله جدا يا ابو فراس .. الله يعطيك العافيه ..

        تعليق

        • ابو فراس
          مراقب سابق
          • Jun 2003
          • 1421

          #5
          ابن فرحان الاجمل من ذلك مرورك يا اخي الكريم

          تعليق

          • ابن مشيب
            إدارة أقسام القبيلة
            • Nov 2002
            • 9791

            #6
            مشكور ياخوي ابو فراس , على هذة القصيدة المعبرة عن مافي خاطر القحطاني عندما قابل المجاهد الكبير احمد ياسين اطال الله في عمرة واعانه على اليهود الغاصبين.

            تعليق

            • ابو وعيل
              مراقب سابق
              • Aug 2002
              • 1707

              #7
              قصيدة جميلة ومعبرة يابو فراس

              يعطيك الف عافيه على نقلك القصيدة

              تعليق

              • ابو فراس
                مراقب سابق
                • Jun 2003
                • 1421

                #8
                حياك الله يا ابن مشيب واسعدني مرورك

                تعليق

                • ابو فراس
                  مراقب سابق
                  • Jun 2003
                  • 1421

                  #9
                  ابو وعيل وانت سالم وغانم مرورك زاد من جمال الموضوع

                  تعليق

                  العمل...