الشاعر الكبير : مطلق الثبـــيتي العتـــــيبي ... رحمة اللة

طي
X
 
  • التوقيت
  • إظهار
مسح الكل
المشاركات الجديدة
  • شبيب شافي الملعبي
    عضو ماسي
    • Sep 2007
    • 472

    #1

    الشاعر الكبير : مطلق الثبـــيتي العتـــــيبي ... رحمة اللة

    الشعر بحر واسع ولاكن دررة لايستطيع الوصول اليها
    الى الكبار أمثال مطلق الثبيتي
    وهذة أحدى الدرر الشعرية الحكيمة بأسلوبها

    [poem=font="Simplified Arabic,4,black,normal,normal" bkcolor="white" bkimage="" border="outset,4,gray" type=0 line=0 align=center use=ex num="0,black"]


    اختـار سمحـات الـدروب النظيفـة = اللي غسلها رايـح المـزن برشـاش
    يمشونهـا قـوم النفـوس الشريفـة = اللي ضمايرهـم نقيـة كمـا الشـاش
    ابيوتهـم مثـل الحصـون المنيـفـة = ما هي لطير البوم غيـران واعشـاش
    وإحلالهـم للضيـف دايـم مريـفـه = لو رجلهم يسرح ويضوي على مـاش
    والرجـل منهـم مـا يخلـي رديفـه = إن ما ت مثله مات وان عاش له عاش
    وان مات منهم رجـل عقـب خليفـه = يطعن نحور القـوم ويـرد الادبـاش
    يعرف هدف روحـه ويعـرف وليفـه = ما يعرف الخونـة ولا هـو بغشـاش
    وليـا رزقـه الله بعـذراء عفيـفـة = ايحطها مـا بيـن نونـه والارمـاش
    ماهو علـى الخفـرات يستـل سيفـه = وان طالعوا فيـه الرجاجيـل ينحـاش
    حلـو النبـا سمـح المحيـا لضيفـه = ويصير لـه خـادم مسخـر وفـراش
    وان مـد مـا مـدت يمينـه قصيفـة = مدت يمينـه تبهـر الخبـل والـلاش
    واليا هـرج تلقـى علومـه طريفـة = ما هـو لهفـوات المناعيـر منقـاش
    وان شبت النيـران مـا هـو بليفـة = في ساعة الكربـة سـواي ورشـاش
    سده بعيـد ولا أحـد يعـرف غريفـه = ولا هو لعرض المكرم العرض نهـاش
    والشوك في جنبـه سـوات القطيفـة = إن كان ما له بيت مامـون وافـراش
    ما يرتكـي فـوق الخبـول الضعيفـة = اللـي ليـا حركتهـا قدرهـا طـاش
    وان جـا نهـار كـل قـرم يعيـفـه = ما هو ليا ثارت على القـوم رمـاش
    الكذب يعـرف بيـن الأجـواد زيفـه = والصدق مثل السيف صاطي وحشاش
    وصحيفته يـا طيبهـا مـن صحيفـة = ولهـا مـن العقـال كاتـب ونقـاش
    حـاز المراجـل والمراجـل كليـفـة = الا على اللي كـل مـا رامهـا هـاش
    وان شاف له من جانب القـوم خيفـة = تلقـاه للخيفـة مهاجـم وبـطـاش
    الصـدق والمعـروف والطيـب كيفـه = ويغبش لها مع طلعة الفجـر مغبـاش
    للحمل مـا تلقـى جنوبـه صخيفـة = حوله بروق تعمـي العيـن وافـلاش
    يصبر على جرحـه ويمسـح نزيفـه = طبه بشبه خير مـن طـب الاحبـاش
    ولا هو كمـا سبـع سنونـه ضعيفـة = دايـم يلحسهـا وللعظـام عــراش
    وان شاف له في غيبة النـاس شيفـة = ما هو بخبل لاخضـر العـود قـراش
    دنيـاه لـن صـارت ذلـول عسيفـة = طـوع عليهـا كـل عاصـي ونفـاش
    وان كان قفـت مـا عليهـا حسيفـة = ولا هو ورا هوج المعاصيـر قشـاش
    وان جاع ما وقع كمـا طيـر جيفـة =وان عري ما يلبس سماليل وأخيـاش[/poem]
  • Man من العتبان

    رابطة محبي الهيلا

    • Oct 2007
    • 2397

    #2
    رحم الله الشاعر مطلق الثبيتي

    قصيدة جميله فيها من الحكم الشي الكثير

    يعطيك العافيه يا الملعبي على المشاركة الفعاله .

    تعليق

    • الدعجاني محمد
      عضو نشيط
      • Nov 2007
      • 63

      #3
      الله يرحمه

      مشكوور اخوي والله يعطيكـ العافيه



      ولا تحرمنا من جديدك

      تحياتي،،،،،،،،،

      تعليق

      • نبض عتيبه

        رابطة محبي الهيلا

        • Jul 2007
        • 1037

        #4
        اعتبرها من المعلقات بصراحه

        تعليق

        • شبيب شافي الملعبي
          عضو ماسي
          • Sep 2007
          • 472

          #5
          مشكورين على المرور ومطلق الثبيتي شاعر ورمز في الشعر الشعبي
          ويستاهل الثناء والذكر رحمة اللة

          تعليق

          • محب الهيلا
            عضو ممـــيز
            • Nov 2007
            • 20292

            #6
            رحمه الله ومشكور على القصيدة

            تعليق

            • شبيب شافي الملعبي
              عضو ماسي
              • Sep 2007
              • 472

              #7
              محب الهيلا مشكور على المرور والمتابعة

              تعليق

              • فهد النفيعي
                مشرف سابق
                • Dec 2005
                • 11363

                #8
                الله يرحم مطلق الثبيتي وبيض الله وجهك على النقل

                تعليق

                • شبيب شافي الملعبي
                  عضو ماسي
                  • Sep 2007
                  • 472

                  #9
                  تم النشر في الأصل بواسطة فهد النفيعي عرض المشاركة
                  الله يرحم مطلق الثبيتي وبيض الله وجهك على النقل
                  فهد انت بذات مرورك غالي علي ولايهونون الباقي

                  وتقبل مروري

                  تعليق

                  العمل...