قصيده في عتيبه

طي
X
 
  • التوقيت
  • إظهار
مسح الكل
المشاركات الجديدة
  • شاعر القوابعه
    موقوف لمخالفة الأنظمة
    • Oct 2007
    • 341

    #1

    قصيده في عتيبه

    بسم الولي نبدى المثايل والامثال=رباً خلق كل النفوس وكفلها

    رباً خلق في الناس اجناس واشكال=احدا يعز النفس واحداً رذلها

    وحد لصعبات المهمات شيال= وحد يبي له حروتة ً ما وصلها

    وحد لخويه يبذل الروح والمال=وحد مواثيق الصداقه طملها

    وباق [ن] لهم انواع في عز واجلال=وباق[ن] لهم انواع واجد زلالها

    واذا اجتمع دين ومراجل برجال=قدره مطاليع الثريا نزلها

    واذا خسر دين ومراجل ولو طال=جوف الثريا ينزل ولو عاش اكلها

    قلته وهذا صدق والصدق ينقال=والدين وصى كلمة الحق قلها

    والي حداني أتبع ارسال برسال=رجلً مواثيق الصداقه جهلها

    ولاهي غريبه يوم اداريه فالحال=لجل الرجال اترك خثارق هبلها

    ماهوب كفولي وحتى ايش لو قال=الحر عينه في مواكر جبلها

    وانا عتيبي كان عدت بالافعال=والطيبه تلقى العتيبي فعلها

    من نسل ناساً تفخر العم والخال=برقا وروق اهل المواقيف اهلها

    كبيرهم تلقاه للميل عدال=وصغيرهم لاقال حاجه زهلها

    مالو على عربان في قاعة(الخال)=واخذوا شواهيق الجبال وعبلها

    ويوم العزاوي كنها وصف همال= على [طلال] جموع ربي خذلها

    ويوم على [عروى] بالقفا والاقبال=ناساً غزونا ثم كسرنا جملها

    وايام في [حصن الاحساء] كل الاقفال=مافكت اللي لااغزيله قفلها

    وايام في [واد الرشا] شب شعال=ياكم روحاً جالها من نسلها

    وايام في[ مكه وجده] تورسال=سقنا الشريف ولا انفعته دولها

    هاذي رموز ماتبي زود تفصال=وعن فعلنا بالفعل نقدر دبلها

    واليوم في حكم السعودي هل الفال=كلاً يقول انا الوليده وانا الها

    والخاتمه يالي تحملت الاثقال= جتك العلوم وصرت مضرب مثلها

    وتراك تاتنشد عن القيل والقال=ويوم القيامه كل نفس وعملها
  • فهد النفيعي
    مشرف سابق
    • Dec 2005
    • 11363

    #2

    تعليق

    • شاعر القوابعه
      موقوف لمخالفة الأنظمة
      • Oct 2007
      • 341

      #3
      وانت بالف بخير

      تعليق

      العمل...