قصيده الشمري في عتيبه < الروقه >

طي
X
 
  • التوقيت
  • إظهار
مسح الكل
المشاركات الجديدة
  • خيال الجريبا
    عضو ماسي
    • Nov 2007
    • 432

    #1

    قصيده الشمري في عتيبه < الروقه >

    يقول من عبر بزينات الامثال
    وزاهي القوافي جايبينه جزيله
    من جاش اديبٍ ينظم الشعر بالحال
    اخذ جزيل القاف وارمي هزيله
    الفكر يحضر والحبر فوقهن سال
    والقاف مازونٍ على مايبيله
    مثايلٍ ماولفوهن الانذال
    ولا نقلوهن مدركين الفشيله
    شاقن لنظم الشعر ماضين الافعال
    يوم الزياره للديار الجميله
    يوم الخميس اثنين وعشرين شوال
    جينا الرجال اللي علومه نبيله
    اولاد( روق) الي عريبين وثقال
    قبيلةٍ ياحي والله قبيله
    اولاد (روق) اللي لهم صيت وفعال
    اهل السيوف المرهفات الصقيله
    واهل ابيوتٍ راسيه كنها جبال
    عز الرفيق ومكرمينٍ نزيله
    ذباحت الحايل كريمين الاشبال
    متوارثين الطيب نعم القبيله
    شرهاتهم ماهي على جمعت المال
    فوق الصحون يقلطون الجليله
    كبار الصيانا والسمن فوقها سال
    اللابه اللي يذبحون المحيله
    وبيوتهم لضيف مزبن ومدهال
    وديارهم كم واحدٍ يلتجيله
    لوننشد التاريخ ونشوف وش قال
    يشهد لهم تاريخ نجدٍ وجيله
    تاريخهم واضح على راس ماطال
    تاريخهم بين وكلٍ حكيله
    يومٍ على طلال مايبهج الحال
    ثار الدخن من حر صلو الفتيله
    زادو على الهقوات يوم ادبر الفال
    يوم الحرايب والعدو ترتكيله
    ميزانهم يرجح على عايلٍ عال
    وحريبهم يوم القا عزتيله
    قبيلةس ماطاوعو شور عذال
    قومٍ على الحراب تشفي غليله
    رجالهم ينطح ثلاثين رجال
    وخيالهم ينطح جموعٍ وخيله
    للزين زينينٍ وللضد جهال
    عوق الخصيم اليا بدا منه عيله
    قومٍ يعرفه عاقل الناس والضال
    سقم الحريب ومقحمين الدبيله
    يشدون سيلٍ يضرب الجال للجال
    واللي بوجه السيل لازم يشيله
    ودخيلهم يلقا المعزه مهو ذال
    وعزالله انه داخل به دخيله
    وصديقهم لامن نشدته عن iالحال
    يقين مايعتاض فيهم بديله
    وصديقهم عنه المحاميل تنشال
    تنشال لوا ن المحامل ثقيله
    وعدوهم يسقونه المر وذلال
    باليل يسهر ماتهنا بليل
    وعدوهم يذوق تسعين غربال
    خلوا على كبده حر ومليله
    وعدوهم لوهو من الجيش جمال
    بالمعركه خلوه يطرق شليله
    يردون حوض الموت جسرين الاقبال
    فرسان لاركبو ظهور الاصيله
    صولاتهم غدابها كم رجال
    وياويل رجالٍ تعرض سبيله
    وكم من عقيدٍ وسدو راسه الجال
    وشيوخ راحو بالمعارك قتيله
    ولو اباعد افعولهم مالهاتال
    يصعب علي اعداعها من حصيله
    يستاهلون المدح عربين الانسال
    نسل الرجال اللي علو iبالطويله
    شين لشوفه زاد مدحي بالاقوال
    والقول عقب الفعل اكبر دليله
    وجعل الخيال اللي نشا فوقه اخيال
    والغيث يمطر من حقوق المخيله
    على نفي امع القراره والاجبال
    وتسيل كل اشعابها من مسيله
    حيث نها دار البطوله والابطال
    ديار الكرم والطيب للي يجيله
    دار الهم حامينها ماض الاجيال
    من دونها ترخص عمارٍ طويله
    يقولها اللي ماتغير والامال
    قول الحقيقه والصراحه يبيله
    وصلات ربي عدماوادين سال
    وعدادبراقٍ برق في مخيله
    على الذي سن الفرايض والأعمال
    نبينا المختار راع الفضيله

    منقوول
  • عبدالله هادي ناشي الفليت.

    رابطة محبي الهيلا

    • Sep 2007
    • 1791

    #2
    اولاد( روق) الي عريبين وثقال
    قبيلةٍ ياحي والله قبيله
    اولاد (روق) اللي لهم صيت وفعال
    اهل السيوف المرهفات الصقيله


    صح لساااااااااااانه


    والادر روق يستااهلووووووون

    تعليق

    • فهد النفيعي
      مشرف سابق
      • Dec 2005
      • 11363

      #3
      ونعم في الروقه عيال العم

      تعليق

      • محب الهيلا
        عضو ممـــيز
        • Nov 2007
        • 20292

        #4
        يستاهلون ومشكور وماقصرت

        تعليق

        • خيال الجريبا
          عضو ماسي
          • Nov 2007
          • 432

          #5
          اشكركم جميعا على مروركم العطر

          تعليق

          • هداج المخامر
            عضو فضي
            • Dec 2006
            • 205

            #6
            مشكور على المجهود ياخيال الجريبا وصح لسان الشاعر

            تعليق

            • خيال الجريبا
              عضو ماسي
              • Nov 2007
              • 432

              #7
              اشكرك على مرورك العطر

              تعليق

              العمل...