رائعة بركات الشريف

طي
X
 
  • التوقيت
  • إظهار
مسح الكل
المشاركات الجديدة
  • فهد النفيعي
    مشرف سابق
    • Dec 2005
    • 11363

    #1

    رائعة بركات الشريف

    1.يامرقب بالصبح نطيت iiراقيك
    ما واحد قبلى خبرته تعــلاك
    2.وليت ياذا الدهر ما أكثر iiبلاويك
    الله يزودنــا السلامه من اتلاك
    3.يللى على العربان عمت شكاويك
    وليت يا دهر الشقا ول مقواك
    4.ولا يوم ها الكانون غاد iiشبـابيك
    تلعب به الأرياح من كل iiشبـاك
    5.يا مالك اسمع جابتى يوم أوصيك
    واعرف ترى يابوك بآمرك iiوانهاك
    6.وصية من والد طــــامع فيك
    تسبق على الساقه لسانه iiلعلياك
    7.أوصيك بالتقوى عسى الله يهديك
    لهـــا وتدركها بتوفيق مولاك
    8.الله بحق أجــدادك الغر iiيعطيك
    مرضاته مع ما تمنيته أمنــاك
    9.احفظ دبشك اللى عن الناس iiمغنيك
    اللى إليا بأن الخلل فيك يرفـاك
    10.واعرف ترى مكه ولاها iiبناخيـك
    لو تشحذه خمسة ملاليم iiمعطاك
    11.اجعل دروب المرجلة من iiمعانيك
    واحذر تميل عن درجها iiبمرقاك
    12.لاتنسدح عنها وتبغينى iiأعطيك
    جميع ما يكفيك ما حاصل ذاك
    13.أدب ولدك إن كان تبغيه يشفيك
    واستسعفه من بعد مرباه بالاك
    14.اما سمج واستسمجك عند iiشانيك
    ويفر من فعله صديقك وشرواك
    15.وإلا بعد جهله ترى هو iiبياذيــك
    لو زعلت أمه لا تخليه يــالاك
    16.واحذر تضيع كل من هو ذخر iiفيك
    معروفه لاتنساه وأوفه iiبعـرفاك
    17.ترى الصنايع بين الأجواد تشريك
    اليا طمعت بغرسهــا لا iiتعداك
    18.واحذر سرور بغبة البحر يرميك
    ولاعنده أفلس من تشكيك وأبكاك
    19.واوف الرجال احقوقها قبل توفيك لا توفيه بالقول فالحق iiيقفــاك
    20.وهرج النميمة والقفا لا يجى فيك
    .وإياك عرض الغافل إياى وإياك
    21.تبدى حديث للمــلا فيه iiتشكيك.
    وتهيم عند الناس بالكذب iiواشراك
    22.واليا نويت احذر تعلم iiبطــاريك
    كم واحد تبغى به العرف وأغواك
    23.واحذر شماتت صاحب لك iiمصافيك
    واليا جرى لك جارى قال لـولاك
    24.ولا تحسبن الله قطـــوع iiيخليك
    ولاتفرح أن الله على الخلق iiبداك
    25.الضيف قدم له من حين iiيلفيــك
    مما تطوله يا فتى الجود iiيمنــاك
    26.أكرم اقباله فإنها من شواديـــك
    وابذل له المجهود مــادام iiيعناك
    27.احذر تلقى الضيف مرقن iiعلابيك
    خله محب لك صديق إذا جــاك
    28.وأوصيك زلات الصديق إن عثا iiفيك
    مازال يغطاهـا الشعر فاحتمل iiذاك
    29.راعه ولو ما شفت انه iiيراعيــك
    عساك تكسر نيته عن iiمعـــاداك
    30.واحذر عدوك لو ظهر بى iiيصافيك
    خلك نبيه وراقبه وين ما iiجـــاك
    31.لاتأمنه واطلب من الله ينجيـــك
    ويكفيك ربك شـــر ذولا وذولاك
    32.شفنى أنا يــا أبوك بآمرك iiوانهيك
    عن التعرض بين الاثنين iiحــذراك
    33.إذا حضرت أطلابه مع iiشرابيك
    اسع لهم بالصلح واللاش iiيفداك
    34.ابذل لهم بالـطيب ربك ينجيك
    ولاتجضع الميزان مع ذا ولاذاك
    35.أما الشهادة فأدها إن دعوا iiفيـك
    بين عمود الدين لاعميت iiأريـاك
    36.بالك تماشى واحد لك يرديــك
    طالع بنى جنسك وفكر بممشاك
    37.رابع أصيل فى زمانك يشـاكيك
    لا شاف خملاتك عن الناس iiغطاك
    38.وأحذرك عن طرد المقفى iiحذاريك
    عليك بالمقبــل وترك إللى iiتعداك
    39.ثم العن الشيطان لياَّه يغويـــك
    ترى إن تبعته للشرابيــك iiوداك
    40.ووصيك لاتشكى علينا iiبلاويــك
    أنت السبب طرفك عيونك بيمناك
    41.واعرف ترى إلى واطي الفهر واطيك
    ولا أنت أعز من الجماعة iiهذولاك
    42.المسك يا راسى عن الذل واخطيك
    واحذر تكلم يا لســـانى iiحذراك
    43.والطف بجارك وقم من دون عانيك
    وافطن لما يعنيك عن ربعة أحواك
    44.يا ذيب وإن جتك الغنم فى مفاليك
    فاكمن الين إن الرعـــايا تعداك
    45.من أول يا ذيب تفرس iiبيــاديك
    واليوم جـا ذيب عن الفرس عداك
    46.يا ذيب عـاهدنى وأعاهدك iiمرميك
    مرميك أنا يا ذيب لو زان iiمرماك
    47والنفس خالف رأيها قبل iiترميــك
    ترى لها الشيطان يرمى iiبالإهلاك
    48.ومن بعد ذا لا تصحب النذل iiيعديك
    وعن صبحة الأنذال حاشاك حاشاك
    49.ترى العشير النذل يخلف طواريك
    وأنا أرجى أنك ما تجى دون أباك
    50.والهفوة إنك ما تجى دون أهاليك
    ولاظن عود الورد يثمر بتبنـاك
    51.والحر مثلك يستحي يصحب iiالديك
    وأن صاحبه عاعا معاعات iiالأدياك
    52.لا تستمع قول الطرف يوم iiيلفيك
    بالكذب يقضى حاجته كل ما iiجاك
    53.من نم لك نم بـك ولا فيه iiتشكيك
    وأيلاه قد أزرا رفيقــك وأزراك
    54.عندك حكا فينا وعندي حكى iiفيك
    وأصبحت كارهنا وحنا iiكرهناك
    55.ما اخطاك ما صابك ولو كان راميك
    وإلي يصيبك لو تتقيت ما iiأخطاك
    56.مير استمع منى عسى الله iiيهديك
    النصح يـا مالك لك الله iiلمولاك
    57.عندى مظنة مـا تمثلها iiفيك
    واطلب لك التوفيق من عند مولاك
    تم التعديل الأخير بواسطة فهد النفيعي؛ 09-Dec-2007, 10:21 PM.
  • عبدالرحمن الهيلوم
    عضو
    • Apr 2007
    • 21232

    #2
    بسم الله الرحمن الرحيم
    الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين


    لاهنت يالغالي .الشايب كان ايرددها 0 احفظ دبشك الي عن الناس يغنيك !

    شكرا يابن عمي وجعل شيابك الجنه

    تعليق

    • محب الهيلا
      عضو ممـــيز
      • Nov 2007
      • 20292

      #3
      مشكور وماقصرت على القصيده الرائعه لكن طيرك فجعني

      تعليق

      • فهد النفيعي
        مشرف سابق
        • Dec 2005
        • 11363

        #4
        تم النشر في الأصل بواسطة الهيلوم1340 عرض المشاركة
        بسم الله الرحمن الرحيم
        الصلاة والسلام على أشرف الأنبياء والمرسلين سيدنا محمد وعلى آله وصحبه أجمعين


        لاهنت يالغالي .الشايب كان ايرددها 0 احفظ دبشك الي عن الناس يغنيك !

        شكرا يابن عمي وجعل شيابك الجنه
        ومن يقول شيبانه للجنه ولاهنت على مرورك

        تعليق

        • فهد النفيعي
          مشرف سابق
          • Dec 2005
          • 11363

          #5
          تم النشر في الأصل بواسطة محب الهيلا عرض المشاركة
          مشكور وماقصرت على القصيده الرائعه لكن طيرك فجعني

          صدقني انك طير مثله والطير ما يخاف ياصقر المنتدى

          ولاهنت على المرور

          تعليق

          • ابــن مـــنـــيـــع
            عضو
            • Oct 2007
            • 7

            #6
            تسلم على نقل هذه القصيدة الجميلة يافهد النفيعي

            وفيه بيتين في اولها يقول:

            يالله ياللي كل الامات ترجيك===ياواحد ماخاب حي ترجاك

            يارب عبد مامشى في معاصيك===مايمشي الا في محبتك ورضاك

            تقبل مروري ولك كل التقدير والاحترام

            تعليق

            • فهد النفيعي
              مشرف سابق
              • Dec 2005
              • 11363

              #7
              وانت صادق يا ولد العم ولا هنت على المرور ا لكريم

              تعليق

              • شبيب شافي الملعبي
                عضو ماسي
                • Sep 2007
                • 472

                #8
                مشكور على النقل وصح لسانك
                وتقبل مروري

                تعليق

                • معاند قمر
                  عضو فضي
                  • Nov 2007
                  • 247

                  #9
                  سلمت أياديك على النقل يافهد وهالقصيدة من أجمل ماقرأت وكلها حكم


                  صح لسان الشاعر ودمت بكل ود

                  تعليق

                  • فهد النفيعي
                    مشرف سابق
                    • Dec 2005
                    • 11363

                    #10
                    الاخوان

                    شبيب الملعبي

                    معاند قمر

                    لاهنتم على المرور دام التواصل

                    تعليق

                    • عزارم

                      رابطة محبي الهيلا

                      • Dec 2010
                      • 2691

                      #11
                      كلها حكم الله يرحم الشريف بركات وشكرا لك ياطيب

                      تعليق

                      العمل...