اضغط هنا ـــ المشاكل

طي
X
 
  • التوقيت
  • إظهار
مسح الكل
المشاركات الجديدة
  • عبدالعزيزالمرشدي
    عضو نشيط
    • Jul 2003
    • 30

    #1

    اضغط هنا ـــ المشاكل

    [poet font="Simplified Arabic,4,black,bold,normal" bkcolor="transparent" bkimage="backgrounds/14.gif" border="groove,10,teal" type=0 line=200% align=center use=ex length=0 char="" num="0,black" filter=""]
    المشاكل بالعوارف رجال تحلها
    [/poet]
    اا[poet font="Arial,4,darkblue,bold,normal" bkcolor="transparent" bkimage="backgrounds/14.gif" border="groove,10,teal" type=0 line=200% align=center use=ex length=0 char="" num="0,black" filter=""]
    الزمن دوار والعمر خاتمته زوال=يانديبي قل للاجواد بالله قلها
    يارجال آخر زمن فكروا به يارجال=فيه ناس ٍ ضايعه ماعرفنا دلها
    القلوب مكربنه بين جيم وبين دال=والنفوس النايمه كيف تصحي كلها
    من يفكربآخرالوقت جا فيه انفعال=ناس دورات الزمن علته ثم علها
    ان حكيت يكبرون الحكي كبر الجبال=لو سواليفك حقيقه تغير كلها
    وان تفضلت بنصيحه تصير بلا مجال=لو تنادي بالنصيحه ماحد يفطلها
    مايحبون الصراحه يحبون الجدال =استبد الظلم بقلوبها واحتلها
    والنوايا مع بعضهم صفر على الشمال=ناس ماتامن بها دقها مع جلها
    ولو تكلمت يتعرضك خبل ٍ به هبال=يحلم بسيرة هل الطيب بس يزلها
    مايعرف الزين والشين وعلومه هزال=وان هرج سل الكبود السليمه سلها
    سكبته سكبت ولد شيخ مافيها جدال=بس تغسل يدك كان الصحيفه فلها
    بالغرور يعد نفسه من خيار العيال=والعلوم الكايده ماقدر ياصلها
    مادرى ان الطيب للي مثل شكله محال=مايجيب الطيبه كود من يدلها
    مايحوز الطيبه واحد ٍ حيده هيال=والحمول الها عزوم الرجال تقلها
    والمناصي تنعرف والعدود الها حبال =والمشاكل بالعوارف رجال تحلها
    وشجرة ٍ ماشيف فيها مقيل ولا ضلال=انصحك ياللي تبي الضل روح وخلها
    ومجلس ٍ يجلس به مروجة قيل ٍ وقال=مقعدن به يهفي النفس لين يذلها
    ومن رضي بمجالس اهل الردى فيه اختلال=صحبة الرديان سم الكبود وغلها
    ومن مشى درب المعزه ورد حوض ٍ زلال=وكل رجال ٍ وله منزله يحتلها
    الله الله ياهل الطيب ياعيال الحلال=كل رجال ٍ سيوف الوقار يسلها
    وكل فعل بدون خوف ٍ من الله به ميال=ينكره راعيه لو نفعته في حلها
    ومن ضعف دينه فانا اباشره بالانحلال=والله ليبطي وهو قربته ما بلها
    والرياء راعيه مذموم لو بالفعل طال=ينكشف تال الزمن و الامور يخلها
    والكذوب يبين ما يختفي في كل حال=لو يـمـنّ النفس بالستر مايحصلها
    ذا كلام اللي يصوغ الجواب من السؤال=والنقاط الغامضه بالرموز يحلها
    والسلام ختام وارجو السموحه يارجال=معذره بملاحظات القصيده كلها

    عبدالعزيز بن عبد الله بن مجهول المرشدي
    [/poet]
  • فيصل محمد

    رابطة محبي الهيلا

    • Apr 2003
    • 1079

    #2
    " لا فض فوك " بارك الله فيك يا اخي عبدالعزيزالمرشدي

    إن من الشعر لحكمة ، وإن من البيان لسحرا

    تعليق

    • الوجيه
      عضو ماسي
      • Mar 2003
      • 640

      #3
      مــــــــنــــــتــــــاز

      عبد العزيز المرشدي
      بارك الله فيك ومشكور على الابيات الجميلة

      اخوك
      الوجيه

      تعليق

      • ابن فرحان

        رابطة محبي الهيلا

        • Jul 2003
        • 1264

        #4
        صح لسانك يا عبد العزيز ..

        قصيده جميله جدا وجزله ولا هي غريبه عليك ..

        الف شكر ,,,

        تعليق

        العمل...