قصة قصيدة سلطان بن وسام ياغبيش بن خليل سلم على اعمير

طي
X
 
  • التوقيت
  • إظهار
مسح الكل
المشاركات الجديدة
  • فلاح الهاجري
    عضو ماسي
    • Jul 2007
    • 632

    #1

    قصة قصيدة سلطان بن وسام ياغبيش بن خليل سلم على اعمير

    قصيدة اعتذار من الشاعر سلطان بن وسام الى غبيش بن خليل الخنافر القحطاني وعمير ال روق القحطاني

    لعدم حضوره الحفل وذلك بسبب دخول خاله حنيف ال جدي الهاجري المستشفى




    يا غبيش ابن خليل سلم على اعمير
    بلـغ سلامـي لابـن عمـي وقلـه
    المعـذره لـو ماتفيـد المعـاذيـر
    عن موقفن اكبر مـن العـذر كلـه
    مير الظروف الطاريه يا المناعيـر
    ما هي علـى كيـف اللمخاليـق لله
    حركت من الافلاج حزت عشا الطير
    عقب العصر يوم الشجر مال ظلـه
    وقبل العشا متعدي حوطـة اسديـر
    ويـرن جوالـي بسرعـه وشـلـه
    هلو نعـم سـلام مسيـت بالخيـر
    واليا صـوت جعلنـي فدوتـن لـه
    قالت وهي وفيها من الحزن تاثيـر
    خالـك امنـوم فـي محلـن مملـه
    وما انتبهت الا وانا عاكـس السيـر
    كني عمـى والا العقـل فيـه خلـه
    هذا يعذرني من اغبيـش واعميـر
    اثتبـتـه واوثـقــه بـالادلــه
    سلام يا راعـي النيـاق المغاتيـر
    اللـي عشقلـه مركـزن واستحلـه
    كنه على الجبـه يـدوف الطوابيـر
    في نحور حكامـن وقومـن امهلـه
    اثقل على البيدا من اطويـق والنيـر
    صفقا الهوا مزحزحـه عـن محلـه
    وحنا اليا هبت عجـاج ومعاصيـر
    نجي من اقصانـا برمحـن وسلـه
    كل ابلجن يونس براسـه سعاطيـر
    مـوت العزيـز ولاحيـاة المـذلـه
    مثل السحاب اللي امزونـه مزابيـر
    اماانعـقـد الحـبـل والا انحـلـه
    انورد الظامي علـى جمـة البيـر
    ونخلي سروج امهـاوزات الاظلـه
    ميقافنا واحد علـى الشـر والخيـر
    يطلـق علينـا دولـتـن مستقـلـه
    دوله مظيـم مسطريـن الاساطيـر
    فـي معجـم التاريـخ دقـه وجلـه
    مركاظنا يشبع به الذيـب والطيـر
    وينصر بنا مـن حطنـا محزمنلـه
    واليـا بطشنـا بالسيـوف البواتيـر
    نبطش ولانبطش علـى غيـر ملـه
  • ضيف الله المسعودي
    عضو ماسي
    • Apr 2006
    • 482

    #2
    صح لسان الشاعر ابن وسام

    ولاهنت على هالاختيار الرائع

    وتقبل تحياتي

    تعليق

    • ابو فايح
      مشـرف عام
      • Jul 2006
      • 5343

      #3
      [align=center]تصدق مرت علي هالقصيده مرات واجد وماعمري سمعتها كامله لاني مدري وش مناسبتها بس هالحين ما اقول غير بيض الله وجهك وصح لسان الشاعر سلطان الهاجري.[/align]
      عالم تويتر



      abofayeh@

      تعليق

      • فلاح الهاجري
        عضو ماسي
        • Jul 2007
        • 632

        #4
        وجهك ابيض والله لا يهينك على المرور

        تعليق

        • التوم
          عضو فعال
          • Jan 2003
          • 142

          #5
          صح السان اشاعر الكبير سلطان وانا من المعجبين بشعره وسلوبه في النظم

          وبيض الله وجهك يا فلاح الهاجري وانت ما تجيب الا الفلاح يا الغالي

          تعليق

          • ممدوح الروقي
            عضو ماسي
            • Jan 2007
            • 598

            #6
            مشكور اخوي على النقل وصح لسان ابن وسام

            تعليق

            • فلاح الهاجري
              عضو ماسي
              • Jul 2007
              • 632

              #7
              يعطيكم العافيه على المرور

              تعليق

              العمل...