سعد الأكلبي وخارطة الطريق

طي
X
 
  • التوقيت
  • إظهار
مسح الكل
المشاركات الجديدة
  • ابن جدعــان
    عضو ذهبي
    • Mar 2003
    • 362

    #1

    سعد الأكلبي وخارطة الطريق

    [poet font="Simplified Arabic,5,white,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
    يا ذا الجلال اللي عروشك فوق واملاكك حدر =ومهماً تسامت به عروشه مستحيل يطولها

    يا حي يا قيّوم يا ذا الأنافة والكبر = ما نافسك في عظمتك مكر العباد وهولها

    وما نافسك من عمّر بيوته على سطح القمر =واللّي ترسي فوق أقاليم المياه سطولها

    ما انته بحاجة من عبد ولا بحاجة من كفر =ولا بحاجة ثابت الدنيا ولا منقولها

    أنت السميع لمن حمد وأنت المزيد لمن شكر =واللي ما يشكر نعمة المنعم عليه تزولها

    ياذا الجبروت العظيم ويا القدير المقتدر =تفزع لنا في معضلات ما نريس حلولها

    تلعب بنا خلاّن فرغتنا كما لعب الكور =أن اقبلت صاحوا لها وأن دبّرت صاحوا لها

    لا هبّنا الطايف بعض الأحيان في فية عصر =شهب الليالي من ورانا يسحبن ذيولها

    أنت السلام اللي لك الإسلام وانت المشمخر=اللي عجايب قدرتك في المعجبين ذهولها

    سلام يا محمد رسول الله راعي الوجه الأغر =وسلام يا روح ملائكة السما صلّوا لها

    سلام يا بو بكر يا عثمان يا علي وعمر =وسلام يا سبع الآفاق أطلالها وسفولها

    سلام يا صدق النوى سلام يا وسع الصدر =سلام يا مفتاح بيبان الفرج وقفولها

    وسلام يا شمس الضحى تشرق على بر وبحر =وتشرق على كل الديار جبالها وسهولها

    وسلام يا غر السحاب اللي تبجح بالمطر =وشم الجبال اللي تبجح بالسحاب قذولها

    وسلام يا هوج الرياح اللي عطاها مستمر =مهما خذوا منها من الحسنات ما ردوا لها

    ليت الرحاب اللي لنا بوجيهها حق وقدر =ما تضمحل من الزمان ولا نشوف سمولها

    و ياليتنا لاما سرحنا اليوم الأبيض من فجر =تبطي عبات الليل ما تضفي عليه سدولها

    ولاّ ليامنها ضفن سدولها يطلع بدر =يا صل ضياه اللي على الكوره تطق طبولها

    المعتبر يآخذ على الدنيا دروس من العبر =والناس يكسبها معاملها بقد عقولها

    أحيان تصدف لعبة الشاطر مع غلطة عمر =مره .. لكن لا عدت الغلطة ما عاد ينولها

    حنا عرفنا كلنا ما طال من شيء قصر =والأحلام ماتوا قبلنا شرهين ما وصلوا لها

    حتى الجمال اللي تحمّلها الهقاوي بالصبر =يالله بحملتها تقوم وتدّرج بحمولها

    والحب سيسان العبادة والعبادة بالجهر =ان ما قدرت تقولها وجه الصحيح يقولها

    يسرون عميان المحبة تيه في غدرا الغدر =للي تحد سيوفها واللي تعن خيولها

    ولا تفكر في غناة ولا تفكر في فقر =وتشفع لبيضان الصدور احضوضها وفعولها

    واهل التكلف بالمعرفة والتصنع بالبشر =والله ما هي حول الصحيح ولا الصحيح بحولها

    اللي يفضّل ما يقيم بو ميه من بو عشر =حتى الفضولية عن الفاضل بطل مفعلوها

    اللي تخبره لحيته ذا ..طولها يصبح بزر =واللي تخبره بزر يصبح لحيته ذا ..طولها
    [/poet]
  • وصل العطياني؟؟؟
    مشرف عام
    • Jul 2003
    • 3809

    #2
    هههههههههههههه







    والله قصيدة جزلة من شاعر جزل ومعروف


    وغني عن التعريف


    ولك جزيل الشكر بن جدعان على هذا الإختيار الراااااائع



    تقبل تحياااااااااااااتي

    .
    [align=center][/align]




    [align=center][move=right]na111na@hotmail.com[/move][/align]

    تعليق

    • ابن جدعــان
      عضو ذهبي
      • Mar 2003
      • 362

      #3
      العفو العفو

      ياوصل العطياني؟؟؟

      لاشكر على واجب

      تعليق

      • نهيان الحمادي
        عضو ماسي
        • Jul 2003
        • 677

        #4
        بيض الله وجهك يا ابن جدعان على ها الاختيار
        اخوك نهيان الحمادي

        تعليق

        • ابن جدعــان
          عضو ذهبي
          • Mar 2003
          • 362

          #5
          هلا اخوي سحاب نجد.

          وجهك ابيض.

          ولا شكر على واجب.

          تعليق

          العمل...