لافي حمود الغيداني (الجمال الانثوي)

طي
X
 
  • التوقيت
  • إظهار
مسح الكل
المشاركات الجديدة
  • هلال الدوادمي
    عضو ماسي
    • Jan 2006
    • 868

    #1

    لافي حمود الغيداني (الجمال الانثوي)

    مساكم عســـــــل ..


    اليــــــــكم القصيده الغنيّه عن التعريف





    [poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    مايبـرد واهـج الشـوق وشعـور الهيـام=غير سرداً تطوي البعـد بالسرعـه طـوي
    بديها من خلف ماهـوب مثلـه مـن امـام=مستوي في حال .. وبحال ماهـو مستـوي
    خشمها عبرود طلقـه .. وموخرهـا بهـام=رافعـه راعـيـه بـأشـارة ٍ ماتنـغـوي
    لابدو دعاء السفر .. واعلنو ربـط الحـزام=ورشادات الامن لـو ترتطـم والا تهـوي
    واستلمها واحـد ٍ خبرتـه عشريـن عـام=كبـتـن ٍ بالله وبكتـابـه إيمـانـه قــوي
    مسلـم ٍ عنـده خبـر بالحـلال وبالحـرام=جابله ربي علـى الديـن وسلوكـه سـوي
    وصعدت مثل اشقر ٍ فوق جول الصيد حـام=لمراوحهـا مـع الجـو لجـه وحــدوي
    مثل مايدوي صدى صـوت رعـاد الغمـام=صوتها صـداه عبـر الفضـا يـدوي دوي
    صنعة اللي ماعرفـوا لاصـلاة ولاصيـام=شعب ٍ أكثرهم ماهو عـارف ٍ منهـو ذوي
    بالنهـار لياتعلـت كبـر فـرخ الحـمـام=دونهـا الاف المسـافـات تزويـهـا زوي
    وان تغطلس بينـك وبيـن رؤيتهـا الظـلام=كن في روس اجنحتهـا مشاهيـب بـدوي
    دوبهم دكـو عـن دلالـه الربـع الحشـام=تحتها من وقـدة السمـر جمـر ٍ مجثـوي
    دايم وربعـه علـى جلسـة ٍ عنـده حيـام=ابلـج ٍ ليـن جنابـه لربـعـه وحـمـوي
    مالي الا هي .. لياجـا للاشـواق أحتـدام=وقامت الذكرى على القلب تكوينـي كـوي
    لي شهر وشـوي عينـي محاربهـا المنـام=ودي احضـر جـوازي وادورلـي خـوي
    بينـي وبينـه مسافـات وحـدود ونـظـام=واحـد ٍ فرقـاه شاويتـن فـوادي شــوي
    بس ابـا ازوره مثـل مايـزارون الكـرام=لين عينـي مـن قبالـه وشوفـه ترتـوي
    لو بغيت اصبر .. واكابر .. واقول اني تمام=ذيب حبـه بيـن جـرد المحاديـب يعـوي
    كان مالي في دروب الهوى شـف ومـرام=لين شفته .. واشهد انـه هـواة المهتـوي
    ياسـلام الله علـى السلهمـه والابتـسـام=وياسلام الله علـى اللـي مابيلـه مطـروي
    كن مالله حط في منطقـة خصـره عظـام=وكن غيره ماحتوى مثـل ماهـو محتـوي
    لاقعـد مـاوده يقـوم .. وليـاقـام قــام=تلوي اعنـاق البشـر قومتـه يمـه لـوي
    تقل بين اعلا الجسم واسفل الجسـم انقسـام=شي من جسمه مرتـب وشـي ٍ فوضـوي
    استلمنـي فـي جبروتـه اشـر اسـتـلام=ليـن طيّـح معنـويـات راس المعـنـوي
    الغـرام ليابطـش فيـك ملعـون الرسـام=مايعرف هـذا قبيلـي .. وهـذاك خلـوي
    يكبـر الرجـال امـام المهمـات الجسـام=ويصغر الرجـال امـام الجمـال الانثـوي
    مايتحمل نظرة العيـن .. وارخـاي اللثـام=لو باسه بـاس رحمـة حيـاة بـن جلـوي [/poem]
    منقوله ...

    [cc=الشاعر]لافي حمود الغيداني الحربي[/cc]
العمل...