قصيدة الشاعر مطلق الجبعاء في قبيلة الغنانيم

طي
X
 
  • التوقيت
  • إظهار
مسح الكل
المشاركات الجديدة
  • سلطان روق
    عضو ذهبي
    • Jun 2007
    • 387

    #1

    قصيدة الشاعر مطلق الجبعاء في قبيلة الغنانيم

    [poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
    البارحه يوم امتلا خافقي ضيم=وعيني جفاها بالكرى لذة النوم
    ضاقت بي الافكار والسين والجيم=والجرح من بين المعاليق مكتوم
    سبة فراق اللي مشت دون تسليم=مغرومةٍ كانت وانا كنت مغروم
    قفت وورد خدودها بلّة الديم=واقفيت عنها كلي احزان وهموم
    ومن الحزن جو الهوى جاه تعتيم=وطير الهوى وقّع بعد سيرة الحوم
    صرنا بدنيا الحب مثل المظاليم=كن القدر سجّان والحاكم سلوم
    وسجلت قصتنا بكشف التعاليم=طقّة زمن منها تجارب وتعلوم
    وقلّبت في راسي كبار المفاهيم=ولقيت لي تسعه وتسعين مفهوم
    واخترت لي علمٍ عليّ الملازيم=انّه تجاره لو يغالون بالسوم
    عرف الرجال (الغانمين الشغاميم)=اللي لهم بين (الطحاطيح) مقسوم
    واخذت وصف ديارهم والمراسيم=ومشيت ساري والخوي ليل ونجوم
    ولفيت دار (مكرّمين المعازيم)=(عتبان) نارٍ شاهره فوق مرجوم
    عاشو (فخر) ماهي بعيشة مهازيم=(أرجال) ماهم بس في بشت وختوم
    ودخلت ديرتهم بحشمه وتعظيم=والدار تأخذ من (مشاكيلها) وسوم
    (عفيف) يامال المزون المرازيم=تزهر مرابيعك من رجوم وحزوم
    جيتك بترحاب وحفاوه وتحشيم=جيتك معزب كن ماني بمعزوم
    وبخص ربعٍ حطمو كل تقييم=بالطيب من ماضي الى يومك اليوم
    (الاد غنّام الحرار الصواريم)=للضيف ريف وخد الاضداد ملطوم
    الطيب بين الناس حظ ومقاسيم=وكلٍ خذا بين الرياجيل مقسوم
    والناس بأرض الطيب رحّال ومقيم=وبعض الرجال يفصّل الطيب بهدوم
    الله يرحم جدكم (يالغنانيم)=عز الله انّه عقّب رجال وقروم[/poem]
  • فهد النفيعي
    مشرف سابق
    • Dec 2005
    • 11363

    #2
    [blink]يرحـم جـدكـم (يالغنانـيـم)
    عز الله انّه عقّب رجـال وقـروم [/blink]
    انعم واكرم با الغنانيم اهل قول وفعل
    ولاهنت على القصيده الرائعه يا ابو فالح

    تعليق

    • سلطان روق
      عضو ذهبي
      • Jun 2007
      • 387

      #3
      تم النشر في الأصل بواسطة فهد النفيعي عرض المشاركة
      [blink]يرحـم جـدكـم (يالغنانـيـم)
      عز الله انّه عقّب رجـال وقـروم [/blink]
      انعم واكرم با الغنانيم اهل قول وفعل
      ولاهنت على القصيده الرائعه يا ابو فالح

      لاهان غاليك يالغالي يا ابا عامر

      الرائع مرورك

      تعليق

      • طـــــــــلمس
        عضو فضي
        • Apr 2007
        • 228

        #4
        بيض الله وجهك

        انعم واكرم با الغنانيم اهل قول وفعل
        ولاهنت على القصيده الرائعه يا ابو فالح

        تعليق

        • سلطان روق
          عضو ذهبي
          • Jun 2007
          • 387

          #5
          تم النشر في الأصل بواسطة طـــــــــلمس عرض المشاركة
          بيض الله وجهك

          انعم واكرم با الغنانيم اهل قول وفعل
          ولاهنت على القصيده الرائعه يا ابو فالح

          اخوي طلمس ماعليك زود

          ومشكور على المرور

          تعليق

          العمل...