جيب لكزس من مديلات الالفين الثمين

طي
X
 
  • التوقيت
  • إظهار
مسح الكل
المشاركات الجديدة
  • علوم النشاما
    عضو ذهبي
    • Aug 2007
    • 314

    #1

    جيب لكزس من مديلات الالفين الثمين

    [align=justify][align=center]جيب لكزس

    راكب اللي لاشتغل كن به روح الجنين = ماورد قبله ولاضنتي يرد بعده

    يسرق الانظار سرقة شعرةٍ من عجين = والزياق مذهبه والركون مورده

    من بعيد تقول خيمة عروسٍ في بطين = ولاقربته من قريب تقل لون برده

    جيب لكزس من مديلات الالفين الثمين = وكلول عبداللطيف الجميل وورده

    فرش موكيته تقل من شجرة الياقطين = والمراتب جلد بافخم طراز منجده

    ماحلا مسراه لين الصبح نوره يبين = والقزوزات الثمان الجحيم الموقده

    الطعوس يقصها مثل قص الاكسجين = والجبال اللي كما طويق وجبال الهده

    مايلام الى زعل منه ابو عبارتين = لكزس الالفين افضل تايوتا وجوده

    عند الفكسارالامن وقف لايمكن يزين = ماينقص منه لاكن تقول يعقده

    كن تكييفه هواء دار زين العابدين = تونس الخضراء نعيم المصايف ورغده

    فيه لاناظرت ماهوب ريب ولايقين = نقش اطاراته مثل نقش المزوده

    لاسحبت النور تقول بين الازرقين = مايجي ياكود في طايلات الارصده

    ماملكه دريوله لابكاش ولابدين = مدة اللي ينبع الطيب من مدة يده

    بن زايد من سلالة رجالٍ غانمين = وارثٍ وفاء السمول وطيبه ووعده

    علموه اني على موعده مثل السجين = والليالي توها والعمار محدده

    استلم مكنونةٍ مثل ريح الياسمين = مسكها ريحة عراره وشيحه وجعده


    شعر الشاعر / عيد بن سمير
    [/align][/align]
  • درع الجزيره

    #2
    علوم النشاما

    لاهنت ع النقل يالغالي

    وصح لسان بن سمير

    تعليق

    • علوم النشاما
      عضو ذهبي
      • Aug 2007
      • 314

      #3
      [align=center]درع الجزيره مشكور
      على المرور
      وصح بدنك

      وكل عام ونت بخير[/align]

      تعليق

      العمل...