نجوى وذكرى ورندا +فاتن حمامه في جمس

طي
X
 
  • التوقيت
  • إظهار
مسح الكل
المشاركات الجديدة
  • صنيتان قرداحي
    عضو ماسي
    • Jul 2003
    • 509

    #1

    نجوى وذكرى ورندا +فاتن حمامه في جمس

    [poet font="Simplified Arabic,4,white,normal,normal" bkcolor="transparent" bkimage="" border="none,4,gray" type=0 line=200% align=center use=ex length=0 char="" num="0,black" filter=""]



    راكب اللي لا كورلا ولا هوندا"="مركب السادات وصحاب الزعامة
    صنعة امريكا على زور(ن) اوغندا"="من نظام الدولة العظمى نظامه
    من مانيلا اليا وراء نيوزلندا"="عجزت اهل الشرق تكشف سر خامه
    لعطا القاعة وصار القاع سندا"="ما تقول الا ابو زيد بسلامه
    والتواير لاشلعها وجرهندا"="جرته عن جمة(ن)تسعين قامة
    نقشة اجنوطه مثل كف الخوندا"="باقين فوقه من الحنا علامه
    وزول مجمول(ن)تخايق مع برندا"="شوف زوله لعطا خشم العدامه
    فيه من نجوى ومن ذكرى ورندا"="مقدمه كنه حشا فاتن حمامه
    شفة اوريع(ن)شرب قوطي مرندا"="لون كبوته عقب طول الجهامه
    وراس شيخ(ن)جبهته من الخوف تندا"="بديه ليا خالطه وبل الغمامه
    والمراتب ثوب افندي(ن) تفندا"="او هنوف(ن)لبسوها احلا بجامة
    وتندتن بيضاء مثل درالوغندا"="او خدود الآنسه نهلة سلامة
    ولمبتين(ن)لظلم الليل وتحندا"="فيهن من عيون زرقاء اليمامه
    والمكينة حسها طبلة عبندا"="في زفاف الست صاحبة الفخامة
    لامشا ظبي(ن) ولا وقف حوندا"="ولقبل اعقاب(ن)ولاقفا نعامه
    سايقه ماهوب من هتل الحمندا"="حي ابو مجناه لاطش العمامه
    خاطره من عجة الكنت اجلعندا"="لين شاف بفيضة الرقعي سحامه
    يوم صاح وزند الرشاش زندا"="ما تنسم لين وقف فالثمامه
    عد طبلونه وزاد النار قندا"="وجآت عنه اخبار والمركز امامه
    فر جمسه وحتسا الرشاش عندا"="في ضحايوم(ن)مثل يوم القيامه
    قال والله مايصير الصلب فندا"="دام لي شف(ن)ولي كف(ن)وهامه
    فالضحى منصاه دار اخوان سندا"="والعشا منصاه دار اخوان شامه
    ياولد دوك اشقر(ن)من دون صندا"="جادل(ن)كن رنت الفضة كلامه
    جادل(ن)كن فمحجره اسيوف هندا"="محجره كونه ولاكون الرغامة
    كن بعلى لبته عشبة علندا"="وكن من بين الثغر قرفة بشامة
    والنهد كن لون راسه قدح زندا"="او كما جمرة ملوك(ن)في مهامه
    جادل(ن)عني مثل ربع الجلندا"="لاني من اخواله ولاني من عمامه
    جادل(ن)له ندبل البند الفين بندا"="منجض(ن)وسمه علي شامه وشامه
    والله اني من فراقه نبت فندا"="غادين صدري مثل عش الحمامه
    كن من بين الضلوع اصفوف جندا"="فيلق(ن)من هم اخذ قلبي تمامه
    قالوا العالم كمدون كان مندا"="مثل وصله خطر بس انه سلامه
    [/poet]
  • ((الدلبحي))

    رابطة محبي الهيلا

    • Mar 2003
    • 6010

    #2
    اخوي صنيتان قرداحي
    يعطيك العافيه على حسن الاختيار قصيده جزله وتستحق النشر
    تسلم يمناك وصح السانك والسان الشاعر الكبير ناصر الفراعنه السبيعي
    تقبل تحياتي

    تعليق

    • صنيتان قرداحي
      عضو ماسي
      • Jul 2003
      • 509

      #3
      هلا وغلا اخوي/ الدلبحي

      اسعدني مرورك .. وفعلا مثل ما قلت قصيدة جزلة .وقافية صعبة
      والشاعر ناصرالفراعنه . ابوفارس غني عن التعريف. وشاعرقوي

      تحيااتي لك
      ...............................

      تعليق

      العمل...