الشاعر الكبير جزا بن صالح الحربي

طي
X
 
  • التوقيت
  • إظهار
مسح الكل
المشاركات الجديدة
  • محمد الذويبي
    عضو نشيط
    • May 2007
    • 33

    #1

    الشاعر الكبير جزا بن صالح الحربي

    قصيده رائعه من شاعر اروع هذه قصيده للشاعر الكبير جزا بن صالح الحربي



    من حس في نقص نفسه عاتب أحبابه
    0ويعاتب الناس والنقصان فـي ذاتـه

    ولو الخطا واضحن ماحسب أحسابـه0
    0مايشوف كبر الخطا من كبر شرهاته

    واللي يتميـدح بروحـه لاتعزوابـه0
    0لوقال أنا الزيـر لاتغـرك شجاعاتـه

    أتـرك شجـاع العوافـي لاتهقوابـه0
    0لياصار ماصار يزبـن عنـد عماتـه

    نزه جنابك عنه وبعـد عـن أترابـه0
    0وياعل خيره يـلادي عنـك سياتـه

    ترا حلات الفتى مايشمـت أصحابـه0
    0ويبعد عن اللي يضره فـي شكلاتـه

    واللي حكابـك تـرا لابـد يحكابـه0
    0لاكن تبعد عنـه مـن قبـل عرفاتـه

    وشرهات رجلن تجيك بغصب وطلابه0
    0شرهه بلا عقـل ماحاجـه لكسباتـه

    واللي بغيبات ربعـه يفتـل أشنابـه0
    0لو قال أنا أغليـك لاتفـرح بجياتـه

    والرجل بالعقل يقدر يملـك أعصابـه0
    0ويشوف درب السنع من قبل غدياتـه

    حيث الرجل عند وقت الضيق يلجابه0
    0ويفرح لياجيـت ويسـرك بقوماتـه

    لاشك بعض الأوادم خبـل وقلابـه00
    0وليا نصحتـه بـلاك بكـل بلشاتـه

    وان قلت مخطي عليك يشيل مصلابه0
    00وان قلت هونت قامت معه شلاتـه

    وخبل العرب لوحشمت النفس تبلابه0
    0يبـلاك والنـاس ماتـدري بغاياتـه

    وعليك في مايقولـه يفتـح اجرابـه0
    00ويوهق الناس يمـك فـي حيالاتـه

    ويااللي لعبت المثايـل فيـه لعابـه00
    0وتحلل الحرف كان أهملـت ظماتـه

    ولاهم بمثلك على الأجـواد نصابـه00
    يوم أنت تفرح على المسلـم بغيباتـه

    والحقت مشقاص نارك وأنـت شبابـه
    00ولاتامن النار تسعر فيـك شعلاتـه

    والشعر لولاه يحكمني علـى أدابـه00
    0والله لرسم علـى التاريـخ بصماتـه

    لغوص بحره ويمـك لفتـح أبوابـه0
    0لماتـذوق المـراره عقـب أهاناتـه

    لبين اللـي خفـا واحـرك أسبابـه0
    0حتى تعوذ عقـب تكويـك جمراتـه

    لاشك أباأنصحك وافهم مني الجابـه0
    0ماكل من زل ترفـى عنـه خملاتـه

    لاكن تجنب طريقـن يقرصـك دابـه0
    0وابعد عن الداب وشجرتـه وغاباتـه

    ولاتحسبنك بتقديـرك ملـك غابـه00
    0ترا الملك من ملك عقلـه وشيماتـه

    ومـن لايقـدر جنابـك لاتبـلابـه00
    0وعززجنابك عـن الخايـب ومناتـه

    تراه وان جا مجالك قـال طبنابـه00
    0لومافعل شي ميـر الكـذب سهماتـه

    ورزق الفتى عند خلاقـه وجيابـه00
    0ولكن عطاه الولي فـي قـدر نياتـه

    والرجل يعرف مع الاقصين واقرابـه0
    00يعرف بطبعه وطيبه مـن جبلاتـه

    والحريشبـع بمنقـوره ومخـلابـه0
    00ومن طبّع الحِريعرف كـل ميزاتـه

    ولوكان نزرن يفج القلـب مظرابـه00
    0وتشوف نثر الحمر مـن قوضرباتـه

    والتبع محدن لقى من فودتـه ثابـه0
    00ولاتعجب النفس هداتـه وصيداتـه

    والناس بحقوقهـم صعبيـن وذيابـه0
    0وكلن بحقـه يدافـع عـن كراماتـه

    ولايروح حقن وراه أفـزوع طلابـه00
    0ولابد من عال ترمـي فيـه عثراتـه

    وترا الفلـك كـان يمـك دار دولابـه
    ماينفعك مـن بعثلـك فـي مواساتـه

    وصلوا على اللي بعث بالديـن بكتابـه
    وعسـى المسلميـن تباعـن لسناتـه
  • صقرالحره
    عضو ذهبي
    • Jul 2007
    • 337

    #2
    صح لسان جزاء الحربي

    انا اشهد انه شاعر


    ومشكور اخوي الذويبي

    بارك الله فيك

    تعليق

    • علوم النشاما
      عضو ذهبي
      • Aug 2007
      • 314

      #3
      [align=center]مشكور اخوي محمد الذويبي

      والشاعر / جزاء بن صالح الحربي

      غني عن التعريف من كبار الشعار [/align]

      تعليق

      العمل...