ياراعي الطايره شرق وغربني

طي
X
 
  • التوقيت
  • إظهار
مسح الكل
المشاركات الجديدة
  • فيصل المرٍشدي
    عضو
    • Sep 2007
    • 11

    #1

    ياراعي الطايره شرق وغربني

    ياسعود مقناصكم ماهوب مطربني@وطيــوركم كلها مانيب ناقلها
    انا هجوسي لابو نايف تشاغبني @وازريت ياسعود بن خربوش اجادلها
    كثر المجامل يابن خربوش متعبني @ خـــبرتك تنعاف حابلها ونابلها
    صقاركم في مقانيصه معذبني @كــنه يدور للارنب في مداحلها
    لاشاف له جرة ٍ حول كما الحبني@وصقارة الناس فاشلته وفاشلها
    لو ينشد الطير قال انه مخربني @ وبرق الحباري من المفلا يجفلها
    وليا نشدته يادوب انه يخاطبني@وهضاب الاوراس فوق الراس شايلها
    وان كان خالد سواتي يونس الغبني@ روحي عن اللي بها تكتب تنازلها
    اللاش في خوته ماهوب غاصبني@ واهل الجمايل نبادلها جمايلها
    واللي فابن عون عبدالله محببني @يوم المخوه قضب طايل نفايلها
    هداج تيما فضا جمه مغايبني @وارسوس الارياف يابسة ٍ بلايلها
    ياراعي الطايرة شرق وغربني @عن دار قومٍ خبيثات ٍ دغايلها
    من ضلع اجا مع رواق الجو قربني @للديرة اللي حليف الجود نازلها
    عبدالله اللي ليا جيته يشببني @طب الكبود العليلة عن غلايلها
    ياشيخ بين لنا بيت الشعر مبنيفي@ روضة ٍ لبست الزينة خمايلها
    ودي بنجد العذيه مير يجذبني @ يم ايسر الشرق مرباعٍ يعادلها
    نبته تشاكيل تطربني وترهبني@ مالوم انا الخس فيها يوم احللها
    سيله يجوح النفود ويطرح المبني@ طيحة كهف كن ميكاييل كايلها
    ماظن احد فيه ياصالح يكذبني@ اطناب نبته تلامس في تمايلها
    ابحورالأشعار كاسبته وكاسبني@ تعطيه دره وتعطيني هياكلها
    لو هو بالأشعار ياصالح يكاتبني@ شفت العجب من تعابير ٍ يسجلها
    غلاه من محزمي للراس شاربني@ مابي ولا جارحه ماهوب داهلها




    عبدالرحمن بن نماي العطاوي
    تم التعديل الأخير بواسطة فيصل المرٍشدي؛ 16-Sep-2007, 08:53 PM.
  • قف امامك عتيبي
    عضو ماسي
    • Mar 2007
    • 430

    #2
    صح لسانك ولاهنت يالغلا
    1
    1
    1
    1
    1
    وتقبل مرورك

    تعليق

    العمل...