بضم صدرك لين تصبح على خير

طي
X
 
  • التوقيت
  • إظهار
مسح الكل
المشاركات الجديدة
  • ( أبـو ريـان )
    عضو نشيط
    • Aug 2007
    • 39

    #1

    بضم صدرك لين تصبح على خير

    افتح شبابيك يالهوى جيتك اليوم
    بإحساس من زود الوله عنده يطير

    جيتك مثل طفلن له أيام محروم
    عن حضن أمه أبعدته المقادير

    وجيتك مثل عودن له أيام مهموم
    وده يلاقي بأخر الوقت تقديــر

    وجيتك حضن عاشق وهايم ومغروم
    وده يضمك لين تصبح على خير

    متى تحس إن الهوى شي مقسوم
    من قسمة الخالق على خلقه يصير

    ومتى تحس إني لك أطيح وأقوم
    وأتعب على شانك وأقدرك وآغير

    لي في هواك أحلام وأمال وعلوم
    وأحزاب وأصحاب وقصيد وجماهير

    وهموم وأفكار وهواجيس وحلوم
    ودروب وأخطار وعذاب ومشاوير

    وحب وغلا وإخلاص ومعاند ولوم
    وإحساس وإلهام وشعور وتفاكير

    وصحبة سهر ومقاطعة لذة النوم
    وأشواق جياشه وعشق وتعابير

    في ذمتك مابان لك شي مكتوم
    من بعد ماصورت الأوضاع تصوير

    لاتحسب إنك شي عابر ومعدوم
    وتاريخ حبك فاق كل الأساطير

    في كل شي أتخيلك وأسمعك دوم
    وأتأملك في الوقت الأول والآخير

    من ماضي الأيام لايومك اليوم
    وغلاك عندي ماحصل فيه تغيير

    وأنا لك الله ماأقبل البيع والسوم
    ولا أرضى علي ولاعليك المخاسير

    لاْني الوحيد إللي على بحرك يعوم
    وإللي عرف مرساه في رحلة السير

    لحظه حبيبي قبل يسبقني النوم
    بضم صدرك لين تصبح على خير

    (( منقول ))
  • نبض المشاعر
    مراقب سابق
    • Mar 2006
    • 5379

    #2
    قصيدة رائعة

    صح لسان شاعرها ومشكور على النقل المميز
    دنيــــا ومــن يـــــدري كلــــ شــــئ يصـــير فيهــــا

    تعليق

    • شهري النماص
      عضو
      • Aug 2007
      • 26

      #3
      يعطيك 1000 عااااااااااااااااااااااافية

      مشكوووووووووور على القصيدة الرائعة
      وصح لســـــــــــــــــــان قايلهـــــــــــــا

      ................................


      وصح لســـــــــــــــــــان ناقلهـــــــــــــا

      تقبل مروري

      تحيا1111111111تي لكـ

      تعليق

      • أسامة العتيبي
        عضو ماسي
        • Apr 2007
        • 424

        #4
        يعطيك العافية

        مجهود يستحق الثناء

        تعليق

        العمل...