المرجلة ..عزم و جزم وفعايل

طي
X
 
  • التوقيت
  • إظهار
مسح الكل
المشاركات الجديدة
  • الجمل العدواني
    عضو فضي
    • May 2007
    • 240

    #1

    المرجلة ..عزم و جزم وفعايل

    [poem=font="Simplified Arabic,5,white,bold,normal" bkcolor="transparent" bkimage="backgrounds/3.gif" border="none,5,red" type=2 line=0 align=center use=ex num="0,black"]
    فكـرت بالدنيـا وبرّقـت بالحـال= وقلّبتهـا مابيـن عـدلٍ ومـايـل
    جلست أفكـر وأتفكـر بالاحـوال= أجمـع وأفـرّق دقهّـا والجلايـل
    في ساعةٍ مافيه من حولـي أزوال =إلا أنـا والنـار تشعـل شعـايـل
    مركي على جال الجمر خمسة إدلال= يقدح سناها مثـل بـرق المخايـل
    وأخذت لي منهن على الكيف فنجال= يجلي همومٍ وسط فكـري تشايـل
    في صحصح ٍ مافيه حاسد وعـذّال= أهل القلـوب المبغضـات الغلايـل
    في صحصح ٍ يطرد على بيده ألال= قفرٍ خـلا مافيـه غيـر الهمايـل
    أخذت أراجع ماعرفته مـن أمثـال= ماضي العلـوم موثّقـات الدلايـل
    لقيت في دنيـاي مايزعـج البـال= ممّا يريب النفس شفـت الهوايـل
    سنّدت برقا نايف الرجـم والجـال= وزلت قدم رجلي برجـف وتهايـل
    وطيتها شعبـان وحـزوم وجبـال= وسرّيتها مسري وصبـح وقوايـل
    خاويت أنا رجال من الناس ورجال= ومال الرّخم ماكر على رأس طايل
    شفت الحصاني تعتلي روس الاقذال= والذيب يمشـي يتقّـي بالمسايـل
    والبوم له ماكر على رأس ما طال= والحر ينزل بيـن قشـع وخمايـل
    صارت على الأجواد همٍ وغربـال فيهـا تسـاوت بالفضيلـة رذايـل
    ضاعت مفاهيمٍِ عريضات وطـوال= فيها أختلف درب السنع والوسايـل
    دنيا غريبة ماعرفنا لهـا أشكـال =منها لبيب العقـل شـاف العلايـل
    دنيا تقلّب بيـن الاقفـاي وأقبـال= ضاعت بها الحسبة بكل المسايـل
    كلّ غـدى للحـق ناقـض وفتّـال= من يوم صارت هرج قيل ٍ وقايـل
    حتى الكرم شبّه مع الناس بخبـال =والحق عند النـاس عدلـه تمايـل
    منها نشف حالي غدى كنه اخـلال= هذي عظامي تحت ثوبـي نحايـل
    ماكل من يلبس له اعقـال رجـال= ولا كل عسّافٍ يعسّـف الاصايـل
    المرجلة ما هي سواليّـف دجّـال =المرجلـة جـزمٍ وعـزم وفعايـل
    والشور مايؤخذ من عقول جهّـال= والحـق مايقبـل عليـه البدايـل
    أصد وجهي عن بعض شوف الانذال= وأقبل على راعي الوفا والجمايـل
    ماعاد لي رغبة ولا عنـدي اّمـال =ولأني من اللي للردى هـد عايـل
    لي رغبة وحده سجـود بالاصـال= اخّط لي مسجـد وأصلـي نفايـل
    [/poem]

    [align=center]للشاعر \ نايف بن مهنا الصهيبي العدواني[/align]
  • متعب العصيمي
    مشرف سابق
    • Aug 2006
    • 4855

    #2
    ماكل من يلبس لـه اعقـال رجـال
    ولا كل عسّـافٍ يعسّـف الاصايـل
    المرجلة ما هـي سواليّـف دجّـال
    المرجلـة جـزمٍ وعـزم وفعـايـل

    بيض الله وجهك على القصيدة ألجزلة..

    صح لسانك..

    موودتي.

    تعليق

    • الجمل العدواني
      عضو فضي
      • May 2007
      • 240

      #3
      الله يبيض وجهك يا

      ولد عاصم

      شاكر مرورك و ردك الجميل

      تعليق

      • ابوبجاد الرويس
        عضو مميز
        • Feb 2006
        • 4205

        #4
        مشكور

        ويعطيك العافيه

        ولاهنت على القصيجة الجزله

        تعليق

        • الجمل العدواني
          عضو فضي
          • May 2007
          • 240

          #5
          العفووووو

          و الله يعافيك

          تعليق

          العمل...