قصيدة لشاعر / سالم الرويس _+ الوادي _+

طي
X
 
  • التوقيت
  • إظهار
مسح الكل
المشاركات الجديدة
  • ابوبجاد الرويس
    عضو مميز
    • Feb 2006
    • 4205

    #1

    قصيدة لشاعر / سالم الرويس _+ الوادي _+

    اهدي لكم هذه القصيدة والى منتدى الهيلا ,,,,,,,

    وارجوا ان تحوز على رضاكم ,,,,,

    لشـــــــــاعر / سالم الرويــــــس ,,,



    [poem=font="Simplified Arabic,6,white,bold,normal" bkcolor="transparent" bkimage="backgrounds/21.gif" border="double,6,blue" type=0 line=0 align=center use=ex num="0,black"]
    يامن يرد الما لـواد مشـى فيـه
    صوب التلاع اللي لطمهـا غيابـه
    واد وكان المـا يسيـر ويسقيـه
    يسقيه يـوم انـه قـراح شرابـه
    وجار الزمان وفارق المي واديـه
    وكل على الثاني بخل فـي عتابـه
    وادٍ جسر حتى المطـر مايراعيـه
    وعلى الجفا غره شمطري شعابـه
    زمى بنفسه فوق عالـي روابيـه
    وسوى على حيي يـوده عصابـه
    قدم النفل والطلح ماشـي مشقيـه
    يخفي هواجيسه ويكمـى عذابـه
    كابر لو الما كـل ماجـاه يحييـه
    و بخل على نفسه وعطش ترابـه
    طاوع شقى نفسه على فراق غاليه
    واقفى مع المقفين وافنى شبابـه
    عن المطر قفا تسوقـه طواريـه
    لو كان يفرح لو عرض له ضبابه
    وده ليـا مـره سحـاب يناديـه
    وده يصوت لـه ويسمـع جوابـه
    وده بأساليـب المحبـه يناجـيـه
    ويجرحـه حتـى يشقـق ثيابـه
    بعض الموده خافي الروح تدميـه
    وبعض الجروح تقول يامرحبا بـه
    قفا السحاب اللي عيوني تراعيـه
    وجار الزمان وشح حتى سحابـه
    هذاه انا جرحي صعيـب مداويـه
    وعرف دوى جرحي وخالف ركابه
    وليا متى والعمـر تبكـي لياليـه
    وليا متى والشوق تزمي هضابـه
    وليا متى بنسى ولا نيـب ناسيـه
    وليا متى والوجـد يلمـع سرابـه
    وياهاجس في البـال لبيـه لبيـه
    خذني الين آقف على حـد بابـه
    وليا وقفت اترك عظيم المشاريـه
    خله يمكن فـي خفوقـي صوابـه
    تعبت من وجـد بقلبـي مخفيـه
    ودنيا فلا تسـوى جنـاح الذبابـه
    [/poem]
  • ابوبجاد الرويس
    عضو مميز
    • Feb 2006
    • 4205

    #2
    يـــــــــــــــــــــرفــــــــــــــــــــــــع

    تعليق

    • عنادالرويس
      عضو ماسي
      • Mar 2007
      • 525

      #3
      صح لسان شاعرها وصحت ايدين ناقلها

      تشكر ياخوي على مجهودك الرائع

      لك مني خالص التقدير والاحترام

      اخوك
      عنادالرويس

      تعليق

      • ابوبجاد الرويس
        عضو مميز
        • Feb 2006
        • 4205

        #4
        مشكور اخوي عناد الرويس

        والله لا يهينك على المرور العطر

        تعليق

        • خيال سعدى
          عضو
          • Jun 2007
          • 7

          #5
          صح السان سالم الرويس قصيدة طيبة

          تعليق

          • ابوبجاد الرويس
            عضو مميز
            • Feb 2006
            • 4205

            #6
            حياك الله خيال سعدي

            وبيض الله وجهك على المرور

            تعليق

            • محمد 511

              #7
              مشكور

              ويعطيك العافيه

              تعليق

              • ابوبجاد الرويس
                عضو مميز
                • Feb 2006
                • 4205

                #8
                يعطيك العافيه

                ولاهنت اخوي محمد

                تعليق

                • أبو صقر

                  مشرف انساب وديار قبيلة عتيبه

                  • Oct 2005
                  • 1710

                  #9
                  ابو بجاد صح لسانك ولسان الشاعر
                  قصيدة جزله ووصف رائع




                  تحيتي .........

                  تعليق

                  • ابوبجاد الرويس
                    عضو مميز
                    • Feb 2006
                    • 4205

                    #10
                    مشكور اخوي سطام روق

                    ولاهنت يالذيب على المرور

                    تعليق

                    العمل...