الدويـــــــــــــــــــــــله

طي
X
 
  • التوقيت
  • إظهار
مسح الكل
المشاركات الجديدة
  • رويس نجد1
    عضو
    • Apr 2007
    • 12

    #1

    الدويـــــــــــــــــــــــله

    السلام عليكم ورحمة الله وبركاته
    اولا نعمً بجميع القبائل من دون استثناء
    ثانياً القصد من هذه القصيده ذكربعض من محاسن القبيله وهي قبيلة الروسان من برقا من قبيلة عتيبه
    وشيخهم هو عبدالعزيز بن خالد بن جامع . اطال الله في عمره
    ديارهم مصده . والقرنه .
    و نعتذر عن التقصير .
    يا حمود خذ علمي ولاهو تكــبار ***** يحق لـــــــــي افخر بمــن مجــدونه
    وانا عوض ادرى رفيـقي ولو بار***** والله لسوق العمر والمـــــــال دونه
    ونذرً علي لحتــــمي الجار لو جار***** ونذر عليه عرض غيري لصــــونه
    ربعي هم الروســـــان حماية الجار *****اهل الكرم والطيــب واهل المعونه
    قصيـــــرنا ياحمــــــود مابدل الدار ***** تطيــــــح روس ولا تجيه المهونه
    واللي زبنا زابـــــنً ضلع سنجـــار***** لاشك ربعي يــــــا الشلي يحتمونه
    حنا علم يا حمــود في راسه النار ***** يشهد لنا التـــــــاريخ لو ينشدونه
    وحنا الدويـــــــــلـه نلحق الثار بالثار ***** ولحدن اخذ منــــــــا قضً يطلبونه
    ربعي قلايعهم اصيـــــلات الامهار ***** وعدونا لا مــــــــا يجي هم يجونه
    محد طمع فينا ولو صــــار ماصار***** وكم من عدوً عزوتـــــــي يخلفونه
    كنا بدرع وخيل مع سيــــــف بتار***** وطريحنا موته يجـــــــي من طعونه
    لآد المروح عزوتي درع وستـار *****واميــــــــــــرنا معروف ما يجهلونه
    عبدالعزيز اللي به الطيب يحتـار***** شيــــــــــــــــــوخ نجد كلها يعرفونه
    زوروه فالقرنه وشوفو بالانظار***** تلقــــــــــون في بيت الشعر ما تبونه
    وباقي عتيبه كفو وكلن وله كار***** ما فيهم اللي مــــــايـــــــدمي سنونه
    وكل القبــــــايل وافياتً بالاشبار***** نعم بهم وكلــــــن يمجد فنــــــــــونه


    الشاعر / عوض بن حمود الرويس العتيبي
    تم التعديل الأخير بواسطة رويس نجد1؛ 19-Sep-2007, 01:33 AM.
  • ابوبجاد الرويس
    عضو مميز
    • Feb 2006
    • 4205

    #2
    حياك الله يا رويس نجد

    ومنور المنتدى بحضورك ومشاركاتك الرائعه

    وبيض الله وجهك على القصيدة الجزله

    وصح لسان الشاعر

    .. الديار باقي مصده والقرنه وافقراء والمحمدية ,,,,,,,,

    وتقبل مروري يالغالي

    تعليق

    • هلال الدوادمي
      عضو ماسي
      • Jan 2006
      • 868

      #3
      لاهنت .....


      يالغالي ....


      صح لسان قايلها ......ويد ناقلها

      تعليق

      • رويس نجد1
        عضو
        • Apr 2007
        • 12

        #4
        شاكريــن لكم على مـــروركم الطــيب اللي اسعــدني
        وصــح بدنـــــــــــكم جميعـآ
        وتقبلـــو تحيــاتي
        أخوكــم عوض بن حمـــود الرويس
        وعسى ان تكون حازت على رضاكم

        تعليق

        • صقرالحره
          عضو ذهبي
          • Jul 2007
          • 337

          #5
          صح لسانك اخي عوض

          ونعم بالجميع
          شكرا لك لاهنت

          تعليق

          • رويس نجد1
            عضو
            • Apr 2007
            • 12

            #6
            صقر الحره
            اشكرك من كل قلبي على المرور الطيب الف شكر
            يا صقر

            تعليق

            • نواف العصيمي
              مشرف عــام
              • Sep 2006
              • 10282

              #7
              يعطيك العافيه

              ..وصح لسان الشاعر الرويس
              ولك التقدير والإحترام

              تعليق

              العمل...