ياعقاب .. للشاعر / خالد العتيبي

طي
X
 
  • التوقيت
  • إظهار
مسح الكل
المشاركات الجديدة
  • الروقي فواز
    عضو فضي
    • May 2007
    • 209

    #1

    ياعقاب .. للشاعر / خالد العتيبي

    السلام عليكم ورحمة الله وبركاته




    هذا هو أول مواضيعي في هذا المنتدى المميز وأتمنى أن يحوز على إعجابكم

    أترككم مع قصيدهـ للشاعر / خالد بن محمـــد العتيبــــي






    [poem=font="Simplified Arabic,5,blue,normal,normal" bkcolor="transparent" bkimage="" border="solid,4,crimson" type=1 line=0 align=center use=ex num="0,black"]
    يا عقاب مدري مدح والبستك اوشـاح=والا الرمـوز يْحلهـا مـن طرقـهـا

    يـا سيّـد الزرقـا تعلّـي ومــرواح=لن سقتهـا مـع قبـة الكـون سقهـا

    تكّـي بصـدرك للذعاذيـع وارتــاح=وافلـج محاديـب السحايـب وفقهـا

    خلّ السواري عنـك وانـزاح وانـزاح=واعلا مراقيـبٍ علـى الجـدي وقهـا

    مثلك ليا ستّـل جناحـه مـع الضـاح=وارخى سمار الريـش فـي معتلقهـا

    استسلمت كـل الجـوارح لمـن شـاح=عنهـا وجـدّد مـن علّـوه رهقـهـا

    سيفٍ ليا جـرّد علـى الصيـد ذبّـاح=وموسٍ ليـا نـاش الضوافـي حلقهـا

    اهـواي نجـم وكفختـك بــارقٍ لاح=وتكبيرة الميـت علـى اللـي لحقهـا

    وما بيـن مخلابـك وفـلاج الاصبـاح=بيض الثنـادي قبـل يرهـج علقهـا

    زوعتك سيل وطعنتـك عَيْلـم ارمـاح=مـن مخلـبٍ واليـا صفقهـا صفقهـا

    لا ملت شلت ولا تواسيـت وان طـاح=ضلّـك علـى كبـد الطريـده فلقهـا

    والا ليا نشت الخريشـه مـن الـراح=مـا كـن ربـك بعـد تدمـي خلقهـا

    واليا شلعت وجالـك صْيـاح وطْيـاح=كنّـك وكـنّ اللـي ذبحهـا وفقـهـا

    وصف الاصيل اللـي ليـا لـز طفـاح=هـذي توطـاهـا وهــذي فهقـهـا

    عن بعد ( حر ) ولا تقاربـت (سـراح)=وان جيت (عبد) اضنى (الحرار) وعتقها

    واخطا عليك مْسمي الصقر يـا صـاح=الحـر وانـت الحـر للـي فرقـهـا

    وشلون حـر وجـذب راسـه بْملـواح=عيشه علـى كـف الرجـال وْعرقهـا

    وانته سندك عْضود وصْعـود وجْنـاح=وحـداد سـم الطايـره فـي شنقهـا

    مـا ذلّـك البرقـع ولا ردّك صْـيـاح=ومن حيث ما تبغى مع الكـون سقهـا


    [/poem]



    وسلامتكــــــــــــم

    اخوكم فواز الروقي
  • زياد المغيري

    رابطة محبي الهيلا

    • Nov 2005
    • 1110

    #2
    اول شيء حياك الله يافواز الروقي

    في منتداك منتدى عتيبه الهيلاا اخ عزيز علينا

    وصح لسان شاعرررها وسلمت يد ناقلها

    يعطيك العافيه ماقصرررت

    تعليق

    • الروقي فواز
      عضو فضي
      • May 2007
      • 209

      #3
      الله يحيك

      ياخوي العطاوي

      واتشرف باطلاعك على موضوعي


      ومشكور على مرورك الراقي


      فواز الروقي

      تعليق

      • ابوبجاد الرويس
        عضو مميز
        • Feb 2006
        • 4205

        #4
        حياك الله يافواز

        ولاهنت على نقل القصيدة الرائعه

        وصح لسان الشاعر خالد العتيبي

        تعليق

        • رجا الروقي1
          عضو فضي
          • Apr 2007
          • 223

          #5
          شكرااااااا
          يافواز على النقل

          وصح الله لسان شاعرها

          تعليق

          • نجم العتيبي
            موقوف لمخالفة الأنظمة
            • Mar 2007
            • 56

            #6
            صح السانك اخوي ولاهنت على القصيده

            تعليق

            • الروقي فواز
              عضو فضي
              • May 2007
              • 209

              #7
              تم النشر في الأصل بواسطة ابوبجاد الرويس عرض المشاركة
              حياك الله يافواز

              ولاهنت على نقل القصيدة الرائعه

              وصح لسان الشاعر خالد العتيبي


              البقاء يابو بجاد

              والله لا يهينك على المرور الذي اسعدني

              تعليق

              • الروقي فواز
                عضو فضي
                • May 2007
                • 209

                #8
                تم النشر في الأصل بواسطة رجا الروقي1 عرض المشاركة
                شكرااااااا
                يافواز على النقل

                وصح الله لسان شاعرها

                مرحبا اخوي رجا

                ولا شكر على واجب

                واسعتدني بمرورك اخوي

                تعليق

                • الروقي فواز
                  عضو فضي
                  • May 2007
                  • 209

                  #9
                  تم النشر في الأصل بواسطة نجم العتيبي عرض المشاركة
                  صح السانك اخوي ولاهنت على القصيده

                  مــــــرحـــــبـــــــا


                  يابن عمي والله لا يهينك

                  ومشكور على مرورك

                  تعليق

                  العمل...