قصيده لها اكثر من 150 سنه

طي
X
 
  • التوقيت
  • إظهار
مسح الكل
المشاركات الجديدة
  • فهد النفيعي
    مشرف سابق
    • Dec 2005
    • 11363

    #1

    قصيده لها اكثر من 150 سنه

    طال الزمان وشفنا ماقضيناه
    تمت سنه الا ليل قليه
    وباد القعود وقام يقصر بممشاه
    وبادن حقبان الشداد الجليله
    والله لاسوقه على غي مشهاه
    على رجا راع العطايا الجزيله
    دربن نويته حالفن انه ليطاه
    ويدله الله مايباري دليله
    الروح ماتنفعك كثر المداراه
    الذل راس الهم هو الفشيله
    ومن عقبها نلفى زويد وشرواه
    على دلال بنن مبهره مانصبت للوجيه البخيله
    والقصيده اطول منذلك بكثير للشاعر بصيص بن موبص الدلح المفرجي رحمه الله
  • السميــــــري
    مشرف سابق
    • Jan 2006
    • 2524

    #2


    ابن الدلوووووووووح أشكرك يالغالي ..

    لكن القصيدة ينقصهاا بعض الكلماات اضنهاا محذووفه ..
    وأخلفت الووزن وأحد الاشطر لايوجد له قافيه ,,

    ..
    لكن تنقلالى قصاائد الشعر الشعبي .
    [poem=font="Simplified Arabic,5,sienna,normal,normal" bkcolor="white" bkimage="" border="solid,4,sienna" type=2 line=1 align=center use=ex num="0,black"]
    ربيت في حضن الزمانُ وتربيتْ = وأخذت لي من مرّ الأيام قرطوع
    ومن دون حدي ماغلطت وتعديتْ = ولا آطى الخطاء لو كان للناس مشروع
    وأمشي على نهج الرجال النعاتيتْ = واتعب لها لو هي كما حبةَ الكوع
    ولا أحب كلمة ( ليــت ) لأنها ( ليــتْ ) = ماتدرك المقصود لا صار ممنوع[/poem]

    تعليق

    • فهد النفيعي
      مشرف سابق
      • Dec 2005
      • 11363

      #3
      انا اقولك القصيده لها اكثر من مية سنه لجدي الثاني
      ومن قصايده

      اول جوابي طلبة الله مبداة
      عساه يغفرلي ويصلح لي اعمالي
      ارجيه في الدنيا ويوم الملاقات
      يدمح لي الزلات فيما مضالي
      وبرقت فالدنيا ولامن طرابات
      شانه وقافيها الفنا والكمالي
      وطاري طرالي في الرياض مسمات
      هيض هواجيسي وفيح دلا لي
      وان جيت ابا في بعض الاحوال نوعات
      اكود علي من عروض الجبالي
      وقلطت محماسي وحطيت حبات
      ومن الزعل شبيت فيه الشعالي
      باتلى الشهر الا ليال قليلات
      مبدا القمر قبل السبوع التوالي
      رديت من با لي لحونن عجيبات
      كودن على اللي يبدعون المثالي
      ادله بها في ليلة عقب ضيقات
      والقابها هجوه وتوسيع بالي
      ادله بها يوم اسهر ولا بات
      وانقد معانيها سوات الريالي
      والله يلومتس يا العيون المعناة
      يا اللي على هدرا وجرفن هيالي
      وشالو مزاهبهم عل خمس وزنات
      ولا هم شفقين لكثر الاكالي
      فرحه على فرحه من ساس فرحات
      فرحان على فرحان تسعة جمالي
      وهنه على زين الطبايع وديبات
      ونظارهن يكفن دون السوالي
      حراير من نسل جيش الحويطات
      اصايلن سوات بعض الحمالي
      ورقابهن مثل الزواريق عدلات
      وجنوبها مزنن جرد من خيالي
      عصي اهلها كلبوها خيزرانات
      وبشوتهم شقرن حوايك شمالي
      ومتحيزمين اكمار في حضرميات
      ومعلقين قصار من شغل تالي
      ولا العسل مبري السبود العليلات
      اللي يحطونه لسبع العـــــــــلالي

      الى ان يقول
      وتسعين بيتن كلهنه تقاوات
      نظمتها سوات نظم اليالي
      وستغفر الله كان عديت زلات
      قدام تكتب علي الزلالي
      وايضا

      لبارحه تسني عن النوم تسني
      تسني من الملا على راس مصلاب
      اصبر نجوم الليل لين آتسفني
      ليلة عشر عقب نرور القمر غاب
      الهجس والهاجوس يوم آردني
      ماجنب اللي لانوا ماهاب
      يلله يللي عندك العطا ماتمني
      تعطيني عطا بلامن وحساب
      يوم المنايا كلهن تسايفني
      والمحتمي لوياكل التيس ماطاب
      ذيبن على فرس الغنم مستسني
      يشلع نواديها على روس الانياب
      العذر للي يقبل العذر مني
      من ربعنا ولا مشاكيل الاجناب
      ولاردي المعرفه ماشحني
      يقول دق به الطرب عقب شاب
      الى ان يقول ياهل المواتر جعلهن يخربني
      بصيص الدلح النتوفى عام 1318هجريا رحمه الله ورحم جميع اموات المسلمين

      ومن قصائد ايضا عندما رد على حنيف المطيري اللي سب النفعه عندما قال
      ليت انفيعي يستهد دعجاني حتى سلمون عياله الخطاطير
      الاد مفلح في اللفا والبياني وجيهم كنها الثياب المقازير

      وقصتها ان حنيف هذا شاعر ياكل بلسانه ى اللي يكرمه يمدحه واللي مايكرمه يسبه
      حتى الحضري ماسلم من لسانه يوم قال خمسة عشر فنجال لحنيف صبيت لون بطنه قربة قد ملاها
      فاجابه المطيري بقوله
      بالعون يوم سويتها ماسويت ماتنفع الشرراب من كثر ماها

      من رد جدي رحمه الله عليه كان جد ي متقهوي عند احد عيال عمه فدخل عليهم الشحاذ حنيف فقال
      الرجال لجدي سلم على بناخيك قال جدي بناخي منهو قال حنيف المطيري قال انت حنيف قال وصلت قال جدي
      يالقلب هوجس ومتثل يالساني
      هيضني اللي صور التسذب تصوير
      قاله حنيف مشوهن بقبقاني
      عودن من الصعران ماذكر با الخير
      فضحك بطنك يا تسبير البطاني
      تدور لك في اليوم سبعة دواوير
      تقول هذا عطا وهذا ماعطاني
      تذم الحمايل ياسفيه الحناجير

      والقصيده اطول من ذلك واوعدكم اجيبها كامله

      تعليق

      • فهد النفيعي
        مشرف سابق
        • Dec 2005
        • 11363

        #4
        وينك يالسميري

        تعليق

        • ابوبجاد الرويس
          عضو مميز
          • Feb 2006
          • 4205

          #5
          مشكور على القصايد يابن الدلوح

          وصح لسان الشاعر

          تعليق

          • فهد النفيعي
            مشرف سابق
            • Dec 2005
            • 11363

            #6
            صح بدنك يبو بجاد ولاهنت علىمرورك الكريم

            تعليق

            • فهد بن جميل العتيبي
              عضو ماسي
              • Jun 2012
              • 733

              #7
              الله يرحمه لاهنت يافهد

              تعليق

              العمل...