قصيده في قبيلة عتيبه

طي
X
 
  • التوقيت
  • إظهار
مسح الكل
المشاركات الجديدة
  • مزيوون.عتيبه
    عضو
    • Feb 2007
    • 8

    #1

    قصيده في قبيلة عتيبه

    مـادام كـلٍ قـام يـمـدح قبيلـتـه****ويذكـر مناسبهـا ويذكـر فعولهـا
    إلي الفخر في مـدح ربعـي عتيبـه****اللي تسلسل مـن هـوازن أصولهـا
    ربعي هل التاريخ والعـز والفخـر****ليا مـن دقـت للحرايـب طبولهـا
    إلها إسمها الرنان مع ساير العـرب****ليا ضيقت بعض العـرب صوتولهـا
    مثـل الجبـال الشامخـه فالجزيـره****متراميه عرض الجزيـره وطولهـا
    من قو هيبتهـم ومـن قـو باسهـم****كل الديـار اللـي يبـون وصلولهـا
    إليا ساقو العطفه وسارت جموعهـم****الأرض ترجف من حوافر خيولهـا
    تمشـي برغبتهـا وتمشـي بكيفهـا****ما كن إبه ناسٍ مـن النـاس حولهـا
    لين إنها وسط الجزيـره تمركـزت****وشرت على أطراف الجزيره نزولها
    هيـلا ً علـى ماقـال الاول مهيلـه****تطـول غايتهـا ولاحـدن يطولهـا
    بحدب السيوف اللي تجـاذب قنيبهـا****وشلفٍ عريضـاتٍ وسـاع دحولهـا
    مـا تأكـل الا كـل شيـخٍ مجـرب****تخلي عن الخيل الأصايـل حمولهـا
    يوم إنهـم هـاك الليالـي تحـدروا****مثل المـزون اللـي تدلـت ثعولهـا
    بروقها بيـض السيـوف الرهايـف****.ورعودها العزوه ليا ضاق جولهـا
    وثعولهـا البـارود عنـد انصبابـه****والدم مـن فعـل النشامـا سيولهـا
    هـذا وأنـا ملفـي فعايـل عتيـبـه****ليا من جات المعضـلات إرتكولهـا
    ومن لاذ بحماهم من الخـوف يامـن****تضفي عليه عن البـلاوي سدولهـا
    يصير فـي عيطـا ً قـوي حجاهـا****تحجي وتذري من دخل في كفولهـا
    من طيبها ينسب لهـا عـدة اسمـى****أسمىً دواليب الدهـر مـا تزولهـا
    ذكرت منها البعض والبعض الآخـر****ما أوفي حروف رسالتي لين أقولهـا
    ذباحـة الحايـل ولطامـة الـعـدا****حتـى نعاتيـت الطغـاه إشهدولهـا
    قـدم العـدا نـار قـوي جحيمهـا****وقدام وجه الضيـف زيـنٍ قبولهـا
    أبوابهـم طـول الليالـي مشـرعـه****مـا حلجـوا قـدم المسيـر قفولهـا
    وإن جاهم الطرقي لقى العود والشبب****ودلال رسـلانٍ تعـاقـب بدولـهـا
    يكيـف الضرمـان خنـة عبيـرهـا****أهل الكـرم والمكرمـات إتعبولهـا
    وكل السلوم الطيبـه مـن سلومهـم****أسلومهـم سـارت ونالـت قبولهـا
    كم اصلحوا من مشكله غير الاخرى****الصلح مـن بيـن القبايـل ميولهـا
    ربعي سراج الدين في ظلمة الجهـل****ما تمشي الا مـا مشابـه رسولهـا
    قلته وانـا شاعـر وامجـد قبيلتـي****اللي مـن الحكمـه ثقـالٍ عقولهـا
    والشاعر اللـي مـا يمجـد قبيلتـه****يا عنك مـا ثمـن مسـاع سعولهـا
    همه ليا غنـى القصيـد لمصالحـه****يا كل به العيشه ويعـرف دخولهـا
    في مدح ربعه مـا تدرهـم قصايـده****وفي غيرهم محفٍ سمـاري ذلولهـا
    ما يـدري الدنيـا رحـىً مستديـره****يمكن عليه تدور مـا حـال حولهـا
    واختامها مني صـلاة علـى النبـي****شفيـع الأمـه يـوم يـزداد هولهـا

    +مع احترامي لكل القبايل والحمايل+
  • نواف2007

    رابطة محبي الهيلا

    • Mar 2006
    • 1513

    #2
    هيـلا ً علـى ماقـال الاول مهيلـه****تطـول غايتهـا ولاحـدن يطولهـا

    صح لسانك وسلم بنانك

    قصيده اكثر من رائعه
    مشكور على النقل الرائع يا( ذيب عتيبه )

    تعليق

    • عبدالله العريدي
      عضو ماسي
      • May 2005
      • 627

      #3
      [align=center][align=center]مـا تأكـل الا كـل شيـخٍ مجـرب****تخلي عن الخيل الأصايـل حمولهـا
      يوم إنهـم هـاك الليالـي تحـدروا****مثل المـزون اللـي تدلـت ثعولهـا
      بروقها بيـض السيـوف الرهايـف****.ورعودها العزوه ليا ضاق جولهـا
      وثعولهـا البـارود عنـد انصبابـه****والدم مـن فعـل النشامـا سيولهـا
      هـذا وأنـا ملفـي فعايـل عتيـبـه****ليا من جات المعضـلات إرتكولهـا
      ومن لاذ بحماهم من الخـوف يامـن****تضفي عليه عن البـلاوي سدولهـا
      يصير فـي عيطـا ً قـوي حجاهـا****تحجي وتذري من دخل في كفولهـا
      من طيبها ينسب لهـا عـدة اسمـى****أسمىً دواليب الدهـر مـا تزولهـا
      ذكرت منها البعض والبعض الآخـر****ما أوفي حروف رسالتي لين أقولهـا
      ذباحـة الحايـل ولطامـة الـعـدا****حتـى نعاتيـت الطغـاه إشهدولهـا
      قـدم العـدا نـار قـوي جحيمهـا****وقدام وجه الضيـف زيـنٍ قبولهـا
      أبوابهـم طـول الليالـي مشـرعـه****مـا حلجـوا قـدم المسيـر قفولهـا
      وإن جاهم الطرقي لقى العود والشبب****ودلال رسـلانٍ تعـاقـب بدولـهـا
      يكيـف الضرمـان خنـة عبيـرهـا****أهل الكـرم والمكرمـات إتعبولهـا
      وكل السلوم الطيبـه مـن سلومهـم****أسلومهـم سـارت ونالـت قبولهـا
      كم اصلحوا من مشكله غير الاخرى****الصلح مـن بيـن القبايـل ميولهـا
      ربعي سراج الدين في ظلمة الجهـل****ما تمشي الا مـا مشابـه رسولهـا
      قلته وانـا شاعـر وامجـد قبيلتـي****اللي مـن الحكمـه ثقـالٍ عقولهـا
      والشاعر اللـي مـا يمجـد قبيلتـه****يا عنك مـا ثمـن مسـاع سعولهـا
      همه ليا غنـى القصيـد لمصالحـه****يا كل به العيشه ويعـرف دخولهـا
      في مدح ربعه مـا تدرهـم قصايـده****وفي غيرهم محفٍ سمـاري ذلولهـا
      ما يـدري الدنيـا رحـىً مستديـره****يمكن عليه تدور مـا حـال حولهـا
      واختامها مني صـلاة علـى النبـي****شفيـع الأمـه يـوم يـزداد هولهـا [/align]

      صح السانك و بيض الله وجهك يا كحيلان

      قصيدة رائعة

      تحياتي لك

      أبو خالد
      [/align]

      تعليق

      • مخاوي الجيب
        عضو
        • Mar 2007
        • 18

        #4
        تستاهل اعتيبه الهيلا

        تعليق

        • العدواني
          عضو نشيط
          • Apr 2006
          • 50

          #5
          تسلم على هذه القصيده ولاشك تستاهل عتيبه ....

          أرجوا أنك لو تدقق في وزن القصيده ...

          ولكم مني اجمل تحيه ...

          تعليق

          • aL YaMi
            عضو
            • Mar 2007
            • 7

            #6
            ونعم والله في عتيبه وما على القبايل الثانيه قصور

            تعليق

            • العتيـ حسن ـبي
              عضو نشيط
              • Nov 2004
              • 31

              #7
              مشكورأخوي العزيز على النقل

              وهذه القصيدة على ما أعتقد إنها للشاعر ملفي المورقي

              تعليق

              • تركي الثبيتي
                عضو
                • Mar 2007
                • 29

                #8
                ونعم ..

                صح لسان قايلها ..

                بيض الله وجهك ..

                تعليق

                العمل...