عاجل قصيدة بدهان الشمري يطلب من قبلان الشراري اعتاق رقبته

طي
X
 
  • التوقيت
  • إظهار
مسح الكل
المشاركات الجديدة
  • عبدالمجيدالشمري
    عضو فضي
    • Jul 2006
    • 268

    #1

    عاجل قصيدة بدهان الشمري يطلب من قبلان الشراري اعتاق رقبته

    بسم الله والصلاة على رسول الله اما بعد
    انقل اليكم هذه القصيدة من السجين بدهان عبد الله الرفيد الرمالي الشمري من سجنه وهو يوجهها الى ابو القتيل قبلان الشراري راجين من الله ثم منه اعتاق رقبته لوجه الله معرب"فيها عن ندمه واسفه بما قام به ومعتذر منه ومن جميع الشرارات راجين منهم العفو والمغفره وارجو جميع من قراء هذه القصيده نشرها لاكثر عدد ممكن جعلهاء الله في موازين اعمالكم



    يقول [blink] بـــــــــــــدهان[/blink] فك الله أسره واعتق الله رقبته اللهم آمين

    [poem=font="Simplified Arabic,7,black,normal,normal" bkcolor="transparent" bkimage="backgrounds/5.gif" border="none,4,gray" type=0 line=0 align=center use=ex num="0,black"]
    سميـت بإسـم الله ربـن ورحمـان=الواحـد اللـي لكعبتـه يسجدونـي
    اللي خلق بالكـون جانـن وإنسـان=ولعبـادة الله يومـهـم يخلقـونـي
    ومن بعـد ذكـر الله يقـول بدهـان=بالخط الأبيض في ظـلام السجونـي
    سـلام يانسـل الكرامـه ياقـبـلان=إعـداد مابرقـن لعـج بالمـزونـي
    وإعداد مايسمع صدا صـوت الإذان=وإعداد مايضوي صحى الشمس كوني
    وإعداد مافوح شـذا ريـح ريحـان=وإعداد ماورقـن سجـع باللحونـي
    وإعداد خلق الله في شتاء الأزمـان=ومن قبل خلـق آدم يامـا يبعثونـي
    وسلام لعيالـه هـل العـز والشـان=عيالـن عـن الطـولات ماينثنونـي
    ولأعمامهم منـي سلامـن بتيجـان=ولأخوالهم سـلام فـي كـل لونـي
    وعم القبيله عم مـن دون نقصـان=سـلام يحونـه خفايـا شجـونـي
    ولإشيوخهم مني سلامـن بمرجـان=وأعمهم من غيـر دونـن ودونـي
    مني سلامن في سلامن لـه أركـان=سلام خاص وعـام مابـه ظنونـي
    إعداد ماقالوا هـل الديـن سبحـان=وإعـداد مالخلاقـهـم يركعـونـي
    وإعداد مانجمن سطع فوقـن وبـان=وإعداد مالساعات تجـرح شجونـي
    ومن بعدهـا قبـلان قبـلان قبـلان=تكفـى تـرا تكفـى تهـز المتونـي
    والمعضله ماله سوا رجـال الإيمـان=وإنتـم رجـال لـه ولا تنثنـونـي
    أنا سجينك وأطلب العفـو وإحسـان=تكفـى رجيتـك لا لنـا يذبحـونـي
    غلطه غلطته كلـه أسبـاب شيطـان=يالعنبـو يومـن جرالـي بكـونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    أخطيت أنا واليـوم بإيـدي سجـان=وأرجوك عطفـك يالأبـو الحنونـي
    تكفى بأمك تعتقن كـان لـه شـان=وتكفى بأبـوك العتـق لا يقتلونـي
    وتكفى أنا أرجوك في كـل الإثنـان=وتكفى بأغلا شخص بـه تعتزونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    تكفى بضناك اللي لي اليوم إخـوان=وتكفى بكـل اللـي لكـم يقربونـي
    وبأهلك وربعك أطلبك عتـق بدهـان=وبإشيوخ شـرا أطلبـك فإرحمونـي
    وتكفى بشرارن كلها العتق بإحسـان=وتكفـى بكـل العالميـن أعتقونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    مايرجع المقتول فـي قتـل بدهـان=ووالله لـو يرجـع لاقـول إقتلونـي
    وتكفى وأنامديون لك وإنـت ديـان=غمض عليهـا وأعتقـن لا تهونـي
    وأنا ولدك في كل مجلـس وميـدان=ورهن الإشاره وحاضر بمـا تبونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    ماقول أنا مانـي بمخطـي وغلطـان=والله مخطي والخطـاء بكـل لونـي
    لعب علي إبليـس واليـوم ندمـان=كنت بجهل صغري وذقت السجونـي
    ياماجرعت الهم مع ويـل الأحـزان=وبكيت ناس ونـاس واجـد بكونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    تكفى وفيك الخيـر ياطيـر حـوران=أرجوك عن ساحه بهـا يكلبشونـي
    تكفى تحل العقـد يـاذرب الأيمـان=بدمعن على خـدي وأتلـف عيونـي
    أخوك أنا بالدين وأرجوك الإحسـان=تكفى طلبتك من صميـم الشجونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    أمانتـك بالله يالـذيـب سـرحـان=أنـا دخيلـك ويـن مانتـه تكونـي
    وعسى الفقيد بمنزلـن كلـه جنـان=ميـن ياللـي لكعبتـك يركعـونـي
    وتالي الحياة فكل مـن فوقهـا فـان=ولا دايـم ألا وجـه ربـي بكونـي
    وقبـلان ياقبـلان قبـلان قـبـلان=تكفـى تـرا تكفـى تهـز المتونـي
    تكفى لي أرحم وأعتق اليوم بدهـان=دخيلـك اللـي يطلبـك بالسجونـي
    وعلى الرسول المصطفى نسل عدنان=صلاة ربـي عـد وبـل المزونـي [/poem]
    منقول
  • نواف العصيمي
    مشرف عــام
    • Sep 2006
    • 10282

    #2
    .. ماقصرت وبيض الله وجهك

    وإن شاء الله يفك قيده .. ويعفي عنه الشيخ قبلان الشراري



    ولك التقدير والإحترام

    تعليق

    • نبض المشاعر
      مراقب سابق
      • Mar 2006
      • 5379

      #3
      عبدالمجيد

      الله يعطيك العافية

      وان شالله الله يفك اسرة
      دنيــــا ومــن يـــــدري كلــــ شــــئ يصـــير فيهــــا

      تعليق

      • فيصل الحويماني
        عضو ماسي
        • Apr 2006
        • 513

        #4
        اخوي عبدالمجيد الشمري

        .. ماقصرت وبيض الله وجهك

        وإن شاء الله يفك قيده .. ويعفي عنه الشيخ قبلان الشراري

        وصح الله لسان الشاعر بدهان الرمالي الشمري

        ولك التقدير والإحترام

        تعليق

        • ابو براك

          رابطة محبي الهيلا

          • Feb 2006
          • 1587

          #5
          أخوي عبدالمجيد الشمري

          ماقصرت وبيض الله وجهك

          وإن شاء الله يفك قيده
          ويعفي عنه الشيخ قبلان الشراري

          تعليق

          • عبدالمجيدالشمري
            عضو فضي
            • Jul 2006
            • 268

            #6
            هلابك اخوي نواف العصيمي اشكرك على الأطلاله وتقبل الله دعائك ولك خالص تحاتي والسلام

            تعليق

            • عبدالمجيدالشمري
              عضو فضي
              • Jul 2006
              • 268

              #7
              هلابك نبض المشاعر سعدت بمرورك وتقبل الله دعائك ولك تحياتي

              تعليق

              • عبدالمجيدالشمري
                عضو فضي
                • Jul 2006
                • 268

                #8
                هلابك اخوي فيصل الحويماني سعدت بمرورك وتقبل الله دعائك واسعد الله ايامك

                تعليق

                • عبدالمجيدالشمري
                  عضو فضي
                  • Jul 2006
                  • 268

                  #9
                  هلابك اخوي ابو براك سعدت بحضورك وتقبل الله الدعاء واستجاب لما فاض من دعاء المسلمين لفك رقبة بدهان واعاده سالما الى ذويه وغفر الله ذنبك وبقيت سعيدا في حياتك

                  تعليق

                  • الحرالنداوي
                    عضو
                    • Jan 2007
                    • 10

                    #10
                    جزاك الله خير الجزاء

                    تعليق

                    • أبو صقر

                      مشرف انساب وديار قبيلة عتيبه

                      • Oct 2005
                      • 1710

                      #11
                      الله يفرج عنه ولا يبلانا
                      لكن ماهقيت يجي وقت شمر تصير تحت امر الشراري




                      تحيتي ........

                      تعليق

                      • المداوي
                        عضو نشيط
                        • Feb 2006
                        • 51

                        #12
                        بيض الله وجهك بس عندي ملاحظه على البيت الاول حيث ان المسلمين يسجدون لله تعالى وليس للكعبه

                        وتقبل تحياتي

                        تعليق

                        • الشاهين.
                          عضو فضي
                          • Nov 2006
                          • 218

                          #13
                          والله يالربع مدري وشنقول قضية بدهان عمت العالم كلة ومن وجهة نظري لو يعدمونة أفضل من بقائة لأن قتلة للشراري كبرياء وأستهزاء بالكرامة الأنسانية0

                          فالأفضل أخماد المشكلة ولو إن العتق أفضلة من أجر وحسنات ولكن لإخماد نار الشر0

                          تعليق

                          • عبدالمجيدالشمري
                            عضو فضي
                            • Jul 2006
                            • 268

                            #14
                            تم النشر في الأصل بواسطة الحرالنداوي عرض المشاركة
                            جزاك الله خير الجزاء
                            اشكر لك المرور وعسا الله لايهينك

                            تعليق

                            • عبدالمجيدالشمري
                              عضو فضي
                              • Jul 2006
                              • 268

                              #15
                              تم النشر في الأصل بواسطة سطام روق عرض المشاركة
                              الله يفرج عنه ولا يبلانا
                              لكن ماهقيت يجي وقت شمر تصير تحت امر الشراري




                              تحيتي ........
                              ابدا يالغالي :
                              عزة النفس منا وان وطنت به زعلنا = كسبها طيب سبلا وللمراجل عهد
                              جودها جود ربعي وللعدل به مشينا = زندها كف سلمى وفي يديها سند

                              تعليق

                              العمل...