اروع قصيدة قراتها في رثاء صدام حسين رحمه الله

طي
X
 
  • التوقيت
  • إظهار
مسح الكل
المشاركات الجديدة
  • ابو ضيف الله
    مشرف عـام
    • Feb 2003
    • 8888

    #1

    اروع قصيدة قراتها في رثاء صدام حسين رحمه الله

    قصيدة في قمة الروعة للشاعر ريوف الشمري
    واشهد انه كفا و وفا



    [poem=font="Simplified Arabic,7,deeppink,normal,normal" bkcolor="black" bkimage="" border="groove,4,gray" type=3 line=0 align=center use=ex num="0,black"]
    ثقيـل الليـل وعيونـي عَصَيّـه =غَدَت لي فـي ظلامـه حاتِمِيّـه

    أغالب دمْعهـا و الدمـع غالـب= و لأبه خَدّ ما هـو لـه ضِحيّـه

    تِطاول في ظـلام الليـل حزنـي =و ضاقت بـي وَسـاع المهْمِهيّـه

    همومٍ فـي همـومٍ فـي همـومٍ =تِضيق بْهـا حـروف الأبجديّـه

    أحس من الغضب فالصَدْر بِـذره =تِمِصْ مـن العـروق الشمريّـه

    و كم بذرةْ غَضَب قبْلهْ بِصـدْرِي =نِمت وَ اوْراقهـا خِضْـرٍ نِديّـه

    نِمت حتـى غـدا وآرف ظِلالـه =مِقيـلٍ ياسـع هْمـوم البِـريّـه

    قِتيل الغبْـن و الحسـرات قلبـي =و لا له في سُلُـوم الغبْـن دِيّـه

    غَبِن مما أرى و اسْمع و أعايـش =صور تِثْقِـل فضـاء الشاعِريّـه

    شِتات و ضعْف و اسْتِعمار غاشم =يبـونـا نقْبَـلـه و بأرْيَحِـيّـه

    وِ آخِرْهـا وَ لاهـي بالأخيـره =مَعَ المشنوق في عِيـد الضِحيّـه

    مَعَ اللـي زاد موتـه و بْجـداره =سِجـلات الخـنـوع اليعْرُبـيّـه

    مَعَ اللي منْظـر اعْدامـه ذَهلْنِـي =له اللّْه منْظرٍ وِشْ هـزّ فِيّـه؟!!

    رُفض يِخْفي عن الجلاد و جهَـه =وِ قابَـل كالجِبَـل وجْـه المِنيّـه

    له اللّْه كيف ما غمّض و لا ارْمش =و لا هـزّه نِـبـاح الرافِضـيّـه

    وِقفْ فوق المنصَّـه فـي ثِبـاتٍ =مِهِيـبٍ يعْجِـب النفْـس الأبِيّـه

    كأنّـه حاكـمٍ مِـن فـوق منبـر =يبـي يِلْقـي خطـابٍ للرِّعِـيّـه

    وِقفْ شامخ وِ ذَكَّرْنـي شُموخَـه =شموخ جْبـال سلمـى الحايلِيّـه

    رَحل صدام وآخـر شَـيِّ قالـه =بِأنّ اللّْه ( أَحَدْ ) و أحمـد نِبِيّـه

    رِحيلٍ صـاغ للتاريـخ صـوره =تبي تبقـى مَـعَ الأجيـال حيّـه

    بِكيت و لا تِحَسْـب إنـي بِكيتـه =سِبـب رِقّـة عواطـف إنثوِيّـه

    و لاني يوم مِـن أنصـار ظلْمـه =و حزب البعْث ما هو حِزْب لِيّـه

    وِ لكِنّـي ذِرفْـت الدمْـع لَـمّـا =عَرفت أعْماق و أبْعـاد القِضيّـه

    رَحل صدام فـي مشْهـد يِأجِـج =فِتِـنْ وِيْزِيـد نـار الطائِفـيّـه

    رِحيلٍ عَجَّلوا بَهْ فَجْر الاضْحـى =وِ فالتَّعْجِيل بَـهْ مقْصـد وِ نِيّـه

    وِصل يا بوش مضمون الرسالـه =يِجَلِّـي كِـل مسْتـور و خَفِـيّـه

    وِصل وِ إن كان في قومي عقولٍ =تَغَابـتْ عَـن مَعانِيـه الجِلـيّـه

    سلامي يـا زعامـات الكراسـي =أسوقه في أسى صِبْـح و عَشِيّـه

    و مِنّي قبْل مـا أنْهـي قِصيـدي =لِكـل النايِميـن أحـلا تِحِـيّـه[/poem]
    قال الشافعي رحمه الله: أركان الرجولة أربع: الديانة والأمانة والصيانة والرزانة.

    قال الخليل ابن أحمد: التواني إضاعة, والحزم بضاعة, والإنصاف راحة, واللجاجة وقاحة.




    اللهم أنصر من نصر الدين وأخذل من خذل الدين
  • غشام نجد
    مشرف سابق
    • Aug 2005
    • 2631

    #2
    بسم الله الرحمن الرحيم
    السلام عليكم ورحمة الله 0
    الاخ : ابو ضيف الله

    تسلم على هذا النقل فعلا قصيدة جزيلة ومرثيه من القلب0

    [poem= font="MS Dialog,5,red,bold,normal" bkcolor="transparent" bkimage="" border="none,4,gray" type=0 line=1 align=center use=ex num="0,black"]
    تبكي اجا وجبال سلمى بحايل =وتبكي صحاري نجد وسهالها الريد


    تبكي على شيخ بالعراق زايل =ابو عدي صدام شيخ الأواليد

    وقف بوجه الغرب وهل الرذايل =وقف لحاله مانحنى كنه الحيد

    شجاع دايم للثقيلات شايل =طير السعد يدمي بمخلابه الصيد

    حبيت اعزي فيه كل القبايل =وخصيت شمر والدلال البغاديد[/poem]




    تقبل خالص تحياتي

    تعليق

    • برقاوي2006
      عضو فضي
      • Sep 2005
      • 289

      #3
      السلام عليكم ورحمة الله وبركاته

      بارك الله فيكـ اخوي ابو ضيف الله

      على هذه القصيدة في رثى صدام رحمة الله

      تعليق

      • مستشار القبيلة
        عضو ماسي
        • Dec 2006
        • 516

        #4
        صح لسانك ولسان الشاعر ريوف الشمري
        ويعطيك العافيه
        مشكور على الطرح الرائع





        وشلون يالعرب كيف صدام ... يذبح صباح العيد مثل الخروفي
        بوش الابن جره ضحية للاصنام ... لبوش الابو والناس كله تشوفي
        سيف العروبه يحكمونه بالاعدام ... والحكم نفذ بين شيعي وصوفي
        والله فلا صارت في كل الافلام ... يالله عسى شمس العرب للكسوفي

        تعليق

        • النافذ
          عضو مهم
          • Jul 2005
          • 6171

          #5
          بارك الله فيكـ اخوي ابو ضيف الله

          على هذه القصيدة في رثى صدام رحمة الله

          تعليق

          • الغريب؟؟؟
            عضو فضي
            • Feb 2007
            • 230

            #6
            [align=center]جزاك الله خير وبارك الله فيك وصح لسان الشاعر , رحم الله صدام وغفر له ماتقدم من ذنبه [/align]

            تعليق

            • صعوط المجانيين
              عضو ماسي
              • May 2007
              • 560

              #7
              سلامي يـا زعامـات الكراسـي
              أسوقه في أسى صِبْـح و عَشِيّـه
              و مِنّي قبْل مـا أنْهـي قِصيـدي
              لِكـل النايِميـن أحـلا تِحِـيّـه


              صح السان الشاعر

              وتسلم يمينك

              يابوضيف الله

              تعليق

              • متعب العصيمي
                مشرف سابق
                • Aug 2006
                • 4855

                #8
                وشلون يالعرب كيف صدام ... يذبح صباح العيد مثل الخروفي
                بوش الابن جره ضحية للاصنام ... لبوش الابو والناس كله تشوفي
                سيف العروبه يحكمونه بالاعدام ... والحكم نفذ بين شيعي وصوفي
                والله فلا صارت في كل الافلام ... يالله عسى شمس العرب للكسوفي

                صح لسان قايلها وسلمت يمين ناقلها ..

                ولك كل ألتقدير..

                تعليق

                • بوخالد الجذع
                  عضو
                  • Mar 2007
                  • 26

                  #9
                  صح لسان شاعرها

                  والله يرحم أموات المسلمين

                  تعليق

                  • فتى ثقيف
                    عضو
                    • Jun 2007
                    • 4

                    #10
                    [align=center]صح لسانك

                    لو كل الدنيا ترثي في صدام ما وفة حقة

                    تحياتي

                    فتى ثقيف
                    [/align]

                    تعليق

                    العمل...